小兒有幸被民生書院小學取錄
同時叩到大埔舊墟寶湖
兩間也是好學校，兩間都喜歡，難以取捨
民生：6:30要上到校車，每日來回兩個多小時；弟弟無得跟尾，弟弟能力教哥哥弱，應該無咩可能考得返民小
但勝在學習氛圍好，英文浸多幾年，有民中
寶舊：津小弟弟有得跟尾，但學術的確貧富懸殊，接送方便好多，升中果關再努力考band 1
此刻實在難以選擇，因為是好與好之間做選擇，求指教
1個讚
有親戚之前兩個小朋友讀民生，弟弟應該因哥哥拉衫尾入，最終追唔上中學轉左校，民生一條龍上中學係好吸引的確好難取捨
其實民生唔算係一條龍上民中,得一半可以上,所以唔好以為入到民小一定升到民中,亦因為咁民小啲學生都因為升學承受好大壓力.
其實地區真係一個問題,因為每日花咁多時間搭車,民小功課又多,所以都要小心考慮.如果想小朋友讀得輕鬆啲真係建議你揀返同區學校
但如果你覺得小朋友資質不錯,自問你都識得幫佢紓壓,咁都可以揀民小
搬到屋嗎？
1個讚
民生，唔值小朋友得坐咁多個鐘頭車
我係一定考慮家庭因素先過個人嘅，咁嘅情況下，一定係一線津小
直屬唔一定更舒服，要 keep 住做 Band 1 先舒服，邊緣人係最無助最徬徨，因為直屬老師支援最多都係同你講幾大機會入返，但好少講可以考慮咩其他學校。MS 小學部又咁多人，要做 1-100 名要付出唔少。但九龍城網好好，Band 123ABC 都齊，而且學額同學生供求正常，唔會出現 Band 1 入唔到 Band 1，Band 2 甚至有機會偷雞。
寶舊雖然冇中學，但實力唔錯 (佢冇實力嘅話，唔會有咁多考到 Band 1 跨區/直資)，但衰在升中網太不利，而且區內 Band 1 都偏弱，Band 2 又麻麻。
搬到嘅話一定係民生。
0630上校車，未計之後課外活動同功課。個小朋友應該會好辛苦。
民生一條龍唔駛煩咁多次喎，次次都係一家人既壓力，好辛苦呀！
民生唔係一條龍，係直屬，唔收曬。往年都係 7 成，今年自行公開，相信人數可能再少啲，佢直屬位得 99 個，小學部一屆都超過 180 人。
通常地區一線，升中派band1 大約4成到
你哋小朋友學業上有咩期望？
兩間都喜歡我會揀間近同可以益埋細佬嘅
民小都唔係直上而且谷, 校車咁長時間好慘!
到將來兩個一齊讀小學, 同一間學校會易安排同照顧好多~
多謝大家嘅意見！
我同先生都下不了決定
我哋問左小朋友意見，分析優點缺點讓哥哥選擇，結果哥哥選擇寶舊
希望哥哥在此校可以讀得開心、有成功感啦！
否則，媽媽會好後悔
同埋大埔升中Band 1都比較麻煩
3個讚
最重要小朋友鐘意