我地係全廣東話家庭. 小朋友一直同我地多數講廣東話, 自己玩就講英文. 但近日我發現佢多左同我講英文, 特別係概念複雜的事. 我一定會繼續用廣東話答佢. 但其實小朋友講英文但父母用廣東話答, 這情況係咪有點怪? 好似幾十年前小朋友講廣東話, 父母講鄉下話咁
我覺得點都要學好廣東話
3個讚
可以繼續堅持同佢地係屋企講廣東話. 以我觀察, 佢地大左廣東話都可正常應付生活, 但快少少同長的對話, 佢地應該catch唔到.
我身邊有幾個已經大學同中學, 佢地係咁情況. 如果複雜的可能真係要用英文同佢地講 or 好慢咁一句句用廣東話講, 等佢地可以 catch到同有時間思考點答你.
我理解係廣東話詞匯唔足以佢表達自己意思。
佢係聽得明你講乜，但要佢表達返出嚟就做唔到。
我知係 “挨不過三句”，個小朋友就要轉 channel。我外國親戚個阿媽、祖父母都係用廣東話講野，個女就盡量廣東話回答，唔得嘅話先轉。
堅持係一件好事，香港生活，日常都係講廣東話，如果係去買野退錢、家居壞左搵人整、同裝修佬溝通等等，唔通講講下用英文咩！如果將來男女朋友係地道香港人，到時候佢就會感激你教佢廣東話 
我阿爸阿媽都照用鄉下話同我講野，話要訓練聽力，同埋唔好去到我就失傳 
我仔16歲黎緊升yr13，屋企講廣東話，佢識聽但唔識睇同寫。不過長同深嘅詞彙／句子佢會catch up唔到
放心，佢將來一定會只講英文。
我有親戚係父母講廣東話，仔用英文，佢哋溝通完全冇問題。
我識人讀is 中文字都唔識，我覺得太誇張
我知有小朋友中文要入外國人班讀，佢升中學部嗰年，啲中文我諗三年級都冇。
最理想係訓練埋認字，起碼去酒樓餐廳飲茶，冇英文嗰陣都睇得明。
我睇外國人學廣東話神器係 TVB 劇集 外國人都得，香港土生土長都一定得
係呀，小學頭6年有中文學，但學極唔識，year7 後佢揀第二言語讀法文，無再學中文了
1個讚
我仔當年就係咁！中文要入外國人班讀，又另加補習比佢，但係始終拉牛上樹咁。佢識聽就算，將來有需要佢自然會學
我諗係。
家庭聚會都係用中文傾計居多，我哋唔會刻意用英文同佢個仔溝通，但佢仔係明。
1個讚
佢話同同學出去食嘢睇唔明菜單，我覺得就有d,誇，點都要識基本字…
屋企同父母廣東話，兩個小朋友自己就講英文。我一定要佢哋對長輩講廣東話。
我仔同學好多唔肯講廣東話
1個讚
唔肯用咪唔識，我仔讀寫都係差，聽同講就無問題。
我仔升yr13，流脷冇口音廣東話，生活日常完全冇問題，字幕也識睇。寫就差d 。家中主要廣東話對話，佢用英文我就話唔明。
Yr9之前係一星期私補兩堂中文繁體的。yr10後也敵唔過peer group 唔like 中文了
係無讀過本地學校的？好叻啊，也感覺你下了不少苦功。
去到呢個程度應該足夠在香港生活了。