我2隻貓好揀食, 唔食家禽類, 魚類都唔係全部食
同埋唔會長期食死一種, 食兩食就會厭
我都試過自己整俾佢地食, 一D都唔俾面, 唔食就係唔食
你地有冇咩罐推介?
kakxtx, applxx, canagxx, 呢D大路野佢地係唔食既
試吓喵汪星球，我兩隻貓好鍾意食
試下換口味？我隻貓好挑嘴，佢會食鹿肉羊肉或者有雞肝口味既
同問
我隻黑英短唔肯食罐頭，搞到d黑毛變啡（佢唔曬太陽）
開罐罐頭追住佢餵都走
得佢一隻咁揀食
但佢既揀食係只食乾糧
比較健康既品牌罐罐，我主子一啖都唔食
比較健康既乾乾，我主子都只係吃2啖就走左去。。。
唯一係日本既CIAO，佢係肯早餐晚餐同我食半罐，即1日1罐。仲要攪碎成糊狀
半夜要比乾糧佢當宵夜，就食緊soildgold 溝 thrive
罐罐方面。。。台灣，美國，英國，生肉糧，講得出名既健康品牌我都試過晒。。亦掉晒。。。。。。
我果隻初初都係咁，最後我試ciao ， 好多湯，我再打碎成糊，佢就肯食
Ciao罐罐嗎？
我聽日買黎試下！
係， ciao既罐，醬汁條，我隻貓都肯食, 但罐罐一次過食唔晒要分開2次，醬汁條就聞好耐。。。驚死我毒死佢咁囉 
明明罐罐咁香，我都唔明點解佢唔食
乾糧乾爭爭，我都唔明有咩好迷戀
ciao我之前都試過, 佢地都係唔岩,
總之就哂左好多錢 
有次嬲嬲到去惠康執左幾罐mon petxx全吞拿魚塊,
佢地就搶住食, 本身想買呢隻牌子佢地食,
但俾貓我個義工話呢隻罐重味精又唔健康,
咁可以點姐, 我夠想買好D佢地食啦
唔食有咩計
Mon petit金罐班大帝真係搶住食（除左我隻黑英短…）
有時我都冇顧咁多，間唔中都會餵
佢地心情好，都會長命d
我最大果3隻都13、12同10歲了
總括黎講, 我2隻唔食mousse 罐, 唔食肉醬罐, 要食肉塊
隻女唔食牛, 隻仔唔食雞, 羊, 鴨, 其實隻女都睇隻仔頭, 仔唔食既佢都唔會點食
仔就最鍾意食零食, 好彩佢就好肯飲水, 女就唔係咁飲水
呢2隻大帝真係好鬼麻煩, 一D都唔似流過浪