小朋友15m, 本身媽媽谷日日討報N報報名幼, 而我諗住揀番同區幼稚園, 唔想小朋友咁細個就跨區讀名校, 感覺自己格格不入, 有無同路人? 或者有無過來人分享下, 唔讀名校有咩好/壞?
我個仔係10月細仔，又唔諗住做超大，名幼龍幼無佢份。
嚟緊9月讀一間普通嘅幼稚園K1。
其實讀唔讀名幼真係好個人，如果你諗住小一玩大抽獎，其實讀名幼定普通定渣學校，其實都無分別，因為都係講運氣。
咁當然如果諗住小學讀出名嘅學校，讀名校谷吓囉。
睇你自己取捨，好多都一早知道呈分、考小煩，所以一心讀龍校/直屬，而龍校好多都係直私，e.g. 民生、培正、高主教，中小幼都有。名幼比較容易幫到佢地考入龍校。
如果係已經有自行學校或者已經肯定自己係可以抽獎入讀，唔擔心入寶校，咁的確可以連幼稚園都唔讀都得。
我都唔打算讀名幼，覺得小朋友小學讀間唔錯既就得，唔洗去到最頂尖個啲… 反都係打算大個送佢去外國讀
到小學想升名中學嘅話，考全級頭三名都未必收。
由幼稚園計劃好入名校條路，會容易少少。
如果唔介意小朋友讀返自己區嘅派位津貼小學，選返近屋企嘅幼稚園大家都舒服啲
大抽獎純運氣都唔一定抽到唔錯嘅小學… 去到叩門其實已經好現實
1個讚
我剛剛玩完抽獎遊戲。我自己覺得做好中英文閱讀。叩門時必定有幫助。如果認字麻麻就難叩到一線學校。
另外我見親子關係好既朋友。都容易叩到門。
唔係太明個原因
親子關係好證明父母同小朋友多溝通，注重小朋友品德
不過呢個年代大部分都親子關係好^_^
中英文閲讀外，仲有數學20以內加減數一定要識
1個讚
多謝各位分享, 小朋友仲細, 我都無咩概念, 多謝大家同我打定個底 
我識人真係親子關係好好，個小朋友真係好似 “超能老豆” 裏面個叩門經歷咁，同老師、校長分享動物知識，亦講笑逗到班老師笑到咔咔聲，叩四間收兩間 (另外兩間學術行先，小朋友唔夠強)，其中一間仲係校長個孫都係讀同一間幼稚園。
1個讚
我見佢地會教小朋友既品行。同埋會陪佢地閱讀之類。有啲學校一齊見。所以一睇就知小朋友家庭關係係點。
1個讚
朋友叩一線又係話同個in既老師停唔到咁。最後收佐。
又係既。而家親子會好佐好多。。。。
同意20以內加減數也要識。