好嬲囉
話說我有一日Event OT,我頂頭上司都俾我Claim OT鐘,拎到去Admin度,個Admin話我地個個Staff 呢日都冇Claim OT,然後打俾我上司話唔應該俾我Claim.結果梗係冇咗啦.
「我唔要你俾返6粒魚蛋我,我要你拎走佢多咗嗰6粒」子華神的魚蛋論真係好到…點解香港人會咁自私
咩都有原因，HR做野更唔可以自把自為，一定要跟足公司policy，咁佢有冇解釋比你聽唔比既原因係咩？
係你上司冇跟程序比唔到？還是你上司攪錯左，以為可以比OT你？一d酌情都比d到？
一定要知個原因，下次先唔會再犯同樣錯誤。
佢個原因就係其他staff都冇,你唔可以有
其實不嬲claim OT都係上司話有就有,咁因為真係開咗工架嘛
admin 真係好多呢d人
好多admin弄權, 扮把關做到野
1個讚
比我就會話呢 d 我應得,佢唔 claim 佢既事,唔通佢掛住做唔食飯,我又唔食呀?叫返個 admin 提個位同事 claim 返囉!提人 claim 唔係你職責架!
我都有諗過,不過我係新人,佢係舊人,仲要係Admin,費事同佢拗,唔知會唔會小氣之後刁難我仲麻煩
HR 一向做法
咁點解其他staff冇，因為唔同supervisor，人地阿頭唔比?
應該係啦,大家職位同工作完全唔同
應該有公司規矩，唔係Admin或上司話事架喎。
如果規定星期六做嘢有OT，或星期六做嘢超過半日有得Claim, 咁咪應該有囉，唔係某誰鐘意話有就有。
問返admin攞返規定出黎睇，依家唔係乞唔係要人情，大家跟一套rule啫。我最憎人唔跟rule然後有乜就話同你上司講同你上司傾，咁小事都要傾請個admin返黎廢架？
你爭取跟返規則做事成個office會多謝你。
1個讚
因為我職級同Admin唔同,所以冇一套rule可以跟
但好多謝你鼓勵,我有機會會同大老闆講,要佢說明到底我幾時有OT,幾時冇
2個讚
會唔會係你阿頭誤會左，根本係唔可以claim OT, 以前個Admin同事又唔清楚policy照比你？
因為由比開你，去決唔比，其實一定有野support，否則Admin唔會自己去做醜人唔比，一定係policy唔比才會扣你。
如果以往攪錯左比多左你，根本係唔比claim既，你將來就要保障自己，如果阿頭再叫你OT，你就要同阿頭可能OT唔到，因為原來公司根本唔比claim。
我以前做過一間公司係要「事先申請」才可claimOT, 如果冇申請過就sorry claim唔到，不過我覺得好怪，未ot又點知ot幾耐呢？但份申請表已要預計埋會OT幾多個鐘，間間公司都有奇怪既policy。
唔會啦,因為我入職時已講明額外event有得claim.而且得一個admin負責claim OT,一直都有claim開.
唯一分別就係之前係我得自己一個OT,今次係全世界一齊OT.所以佢的理論係其他人冇得claim,所以我今次都冇得claim.係咪O咀呢?
我決定下次同大老細傾嘢嗰時扮唔識問清楚個準則
你公司咁冇staff handbook架咩？一定有講咩情況可以claimOT，咩情況唔可以claim架?點會一個人話事咁奇？
你係咪喺大公司做嘢呢?我呢間唔算大公司,同埋有好多唔同類型職位,好似Admin還Admin,專業職級還專業職級,所以staffbook係唔會講到咁細緻.
同埋你講得啱,係一個人話事嘅
所以先咁嬲
我以前公司都有OT claim, 但係上司通常都唔俾同事 claim, 話費事俾人覺鬼我地做野慢要夜走. 甚至星期六日有全日 event, 佢都只係俾同事claim半日假而唔係錢, 於事同事會自動波係一個月內攞病假補數
同事夠齊心,好波
無論點都好，一定要搵admin、上司，三口六面講清楚，有就有、冇亡冇，無謂將來再有咩misunderstanding。大家都唔開心。
1個讚