近排屋企想由煤氣爐換電磁爐, 發現啲價錢都幾confusing
呢款消委會話最靚正既單頭ikea (2000w) 賣394
但最平既panasonic雙頭就賣緊4000到一個 (2800w, 兩邊share用, 唔會兩邊同時去2800w)
https://www.price.com.hk/category.php?c=100064&brand=Panasonic%20樂聲&filter=100810,100813
有冇jm用緊兩個單頭電磁爐可以比下意見?? ><
我都想知有咩分別，價錢又差咁遠
我自己用兩個單頭式，兩個都係用一般 13A 插頭，兩部品牌尚朋堂，右邊果部用咗超過十年，之前有小故障自己維修好。最近買多部大火數少少，就係左邊果部全新。兩部都係日本生產陶瓷面，唔會熱溶熱燶有燒印。清潔好方便室溫又唔清，好滿意 ! 
火力夠唔夠拍?
鍋及鑊金屬、及直徑濶度，都會影響電磁爐傳熱。
火力係絕對夠，只係用鑊炒餸，因只係鑊底熱、鑊邊唔熱，要不停咁兜，否則熱力唔均勻，餸菜部份唔熟！如果用煎 Pan 多，咁就冇問題。
我果時笨左，買左雙頭貴好多 
買咗雙頭（一電磁一電陶）
當時都有同老公講單買抵啲，但佢覺得唔靚
我諗自製雙頭係美觀問題啫～同埋你個插頭負唔負荷到。
散熱方面，檯面單頭可能仲好啲，部機冇咁易壞，但可能煮食時你個人會熱啲（？）因為啲熱氣4面湧出嚟
雙頭美觀，但好似話唔係三相供電，及大部份型號，一邊開最高火力，叧一邊就有限火力！？
單頭就兩部，用普通 13AMP 插蘇，只要分開插，可同時開最高火力。同埋可以隨時，拎出廳打邊爐！
我其中一部尚朋堂，用咗超過十年，自己簡單維修過兩次，有變頻持續不同火力控制，比一啲雜牌停下熄下，烹煮效果更好！ 
單頭用一般電器 13 AMP 英規插頭，只要唔好用萬能插蘇 … 兩部同插就問題唔大！估計就算冇蘇位，焗住用萬能插蘇同插，只要兩部唔係同時高火力，應該都唔大問題！ 
其實電磁爐底部散熱度，感覺同一部座枱電腦，差唔多暖暖哋而已！
1個讚
有雙頭煤氣煮食爐，因為夏天煮到身水身汗，開風扇吹住煮又影響火力，最後買咗個ikea手提式電磁爐，換埋麥石鍋煎pan，油煙好明顯係少咗，熱嘅時候可以開住大風扇吹住煮，係爽好多，火力對我嚟講絕對有餘，因為我係冇乜廚藝，唔炸嘢，煮嘅係普通煎炒餸
兩個打邊爐果d幾舊水，雙頭平極都$2xxx
唔計用圓鑊爆炒，因凈係個底熱蝕底咗！一般煮食及煎炸，火力速度比明火快！
聽其他人講買雜牌，除咗冇仿文火、持續控溫功能外，較高火力會散熱唔好熄機，同埋爐面磁力唔均勻，鍋底偏埋一邊易燶，好唔方便！
Ikea 係消委會測試首位，我都想買兩個，一個送俾人，一個做後備。
其實可以買1個試下先，反正唔貴，用得唔暢快咪擺埋一邊，留翻冬天打邊爐用，當初係屋企人買咗個麥石鍋煎pan俾我，個pan可用明火電磁爐都得，咁啱同一時期買咗個電磁爐係屋企打邊爐，咁就拎咗個爐出嚟試下當煮食爐用，一用之下就覺得好正
1個讚