我想問有無人試過兩次小產… 小產過一次好有陰影～
我未試過，不過支持你
Hello! 我試過兩次，第一次六週得胎背囊自然流產，第二次七週停胎心。啱啱四月生左我既仔仔！
唔好驚！養好身體！休息多啲！
9個讚
我試過2次
好明白要承受唔少壓力同痛楚
但小產成因實在太多
醫生都未必解釋到
加油，祝你早日bingo一切順利
未試過， 多謝你同我地分享
心情好重要 為左唔好有壓力
心理上放低個bb需求 ，有一個無所謂心態
開心生活 最緊要健康 就好快有
我，第一次7週冇咗閃閃，第二次7個月冇心跳。。。。。真係會好有陰影，到而家我有兩個仔，諗返都好難受。
不過如果真係好想有bb, 除左要整返好個身體，心理上要盡量放鬆。如果你有信仰，你應該明白有好多嘢都有安排；如果你冇，咁你就要「自強」，因為做媽媽嘅我地，就係盡量保護同俾最好嘅俾bb，呢種力量，會令你變得堅強。
養好身體先，加油！
6個讚
停胎心？ 即係本身有之後停左？
係呀，見到第一次閃閃當晚就出血，過三日就停左了。
原來會咁。。
我小產一次, 不過同你一樣好怕有第二次
但依家諗, 都唔怕得咁多, 如果咁唔好彩, 真係整定
至少自己已經做哂可以做既野 其他野就交俾個天啦
加油
我2星期前都小產左 
當時7週半。胎囊自然排出，但不完整流產，要食藥繼續排出。
初時都好負面，依家盡量正面啲諗，BB會返嚟嘅！
3個讚
我同你一樣都係自然排出
時而諗得開時而諗唔通 (特別係再開始造人嗰陣)
負面情緒其實一直都在
唔好迫自己一定要諗正面同開心 否則怕你仲辛苦
順其自然吧=] 無壓力會好好多, 加油
(↑我知講呢啲都好難, 都係靠慢慢睇化)
我試過兩次小產，18,19年各一次。 第一次唔長胎，去到10周都搵唔到心跳，第二次有心跳，但好似去到11,12同就無心跳
我無乜唔開心，而家我已經7個月嘞，係就係因為前兩次而好擔心，特別係初初做產檢，有流血就好緊張
2個讚
係照先知？ 定有徵狀？
有啲有先兆，有啲無，要照先知～
我係照先confirm
我無試過。
但我試過宮外孕，因為做手術無左一邊，醫生同我講我懷孕機會得返50%，另50%內重有30%會係宮外孕，10%會小產
但我哋無放棄，最終都有左，我8月尾就生啦⋯⋯
你唔好放棄，加油
唔洗擔心架！保持心境開朗。
6個讚
其實試過兩次的你們有無做咩test?
會唔會係免疫or 血柱問題？
1個讚
我無試過，但真係要做個詳細檢查
仲有個底要打好咗先再準備要
對胎、對自己 都會好啲！
之前無咗一個，我避孕避足一年，調理好身體先再要，依家我有3個小朋友。
不要放棄，用心、用時間調理身體，打好個底
2個讚
一來來三個～ 好叻丫媽咪！
希望我都有兩個～
有時睇得多其他人個啲，慣性xx , 自己真係好擔心～ 年紀唔細，我無勇氣再避一年丫～