知道小朋友太細唔可以用hipseat住，但買一條孭帶一條hipseat又好似好麻煩
大家用梗咩牌子？
見到I-angxl條new miracle可以兩用，有無人用梗可以分享下呀
1個讚
同問，仲未睇岩hipseat
我孭帶用konny baby，因為我個唔係巨b黎，都幾好唔錯，自己一個操作冇問題，初生可用，可用到9kg
1個讚
無用過hipseat答你唔到,不過只計孭帶最好應該係ERGObaby,人體工學同埋分佈力度最好,香港一定要買透氣款，唔係夏天阿b熱死
我見人用Tobi 都幾好 可以自己一個搞掂 我而家用緊babybjorn 仲未可以自己一個搞掂 但我唔會想買hipseat 囉 舊野咁大舊 如果大個啲會想買日本韓國果隻斜咩
Babybjorn 孭帶長用對bb腿部發展唔好
篇文我都有睇過 但我用Carrier one 我諗香港都好難買得到咁舊既型號 通常都係下面有三版野果款同carrier one 不過我都麻麻地Carrier one 太難扣
Bb幾大啊？我都買咗Konny baby，不過仔仔兩個月條頸未夠力，都係要單手扶住
佢唔鐘意包住個頭
就黎出世呀
所以響度產假無野做周圍睇下有咩好買…konny baby都好出名，但我老公一下就話好似好單薄咁～ 好多款唔識揀呀
我都係兩個月開始用，最初要扶啊，咁細就算用其他，安全起見都係扶/伸手保護一下好
我地睇過ergobaby，我老公都好中意佢可以透氣，但有朋友講過唔可以自己一個孭上身，有d難用，有無人有同感？
我看得韓國sinbii幾好
佢好多位都好細心
倒如個時bb2隻脾仔個位，佢會加厚等佢地唔會夾住痛
Hipseat真係7-8個月先好
佢地腰骨仔未夠力
係 好多人都係咁講，好希望快d到佢大少少，可以帶佢出去周圍玩
我朋友係買ergobaby，佢話雖然標明初生可用，不過佢買左三個月都唔用，反而買多條其他布孭帶
佢都話佢自己操作唔到，bb郁來郁去佢驚，又細個頸冇力，老公唔係道唔敢用
不過我出去做檢查都見到唔少人用，見過有個兩個月，個b都幾巨用得唔錯，個媽咪都係自己一個去檢查
建議無論買咩孭帶，到手都要自己係屋企多嘗試同練習，最初用隻公仔練，之後再同bb練
我用緊韓國既pognae no.5+, 初生可用，另有hipseat, Bb由2個幾月用到現在就快4個月，都仲用緊初生mode黎揹～有時瞓左，我會用個hipseat俾佢坐住，橫抱佢瞓，可以free返一隻手都唔錯!
你咁樣講我都驚，我本身以為真係可以一出世就用… 
都好擔心自己一個出街，尤其而家疫情，我諗未到3個月都唔敢帶佢出去玩
我都係買左布揹帶，一個人搞唔掂，唔識放bb 出黎
布孭帶好怕整親bb條頸，之前有朋友俾左條我，搞到我都唔敢用…