…0
我個人覺得你要重新同佢建立返個信任感先可以繼續講道理.老人家有縱但佢係最信任既人…將心比己，你會否喜歡自己最喜歡的人卑人話?
自己湊返囉，5歲啫，仲有好大空間改善。
我媽會教我女講大話，蝦工人，掉垃圾落街etc
10歲後我自己全力湊返，其實都有啲位改到，有啲唔得，好睇佢本質既，以家佢都大了，會話返亜婆唔啱。
1個讚
身教呀媽咪！
感謝你女代你陪你媽咪
感謝婆婆代你照顧你女
無朋友，咪識過啲新，唔啱玩咪唔玩
偏食唔食菜，試吓其他菜、生果、其他煮法？
你一樣責怪咗你媽同你女先，想其他人改變，改變自己先，婆婆縱佢當佢公主，你要佢執玩具，自己都會揀當自己公主果個啦！慢慢嚟，逐步嚟，講道理講得多就煩架啦，你花多d 時間陪你女玩，陪你媽，建立番大家關係先啦！肯付出一定有收穫嘅，加油！
5個讚
你肯直視問題已經好好,我建議你女交朋友果度唔好理住,先慢慢改變你女女既態度先,大家好好相處先~
自己照顧番得唔得？
7歲前要教好呀，媽媽加油！
你要先同佢建立好的關係先,先至可以教.
你想像吓好似成年人打工咁,本身有個好錫你好縱你嘅老細,你都唔使點做嘢,突然空降第二個老細要你做呢樣做嗰樣,你梗係唔Gur同埋唔會聽佢講嘢
但如果呢個老細先關心你,同你傾計,慢慢你開始鍾意佢,咁然後佢話想教你嘢,你都會容易接受同受佢影響.
科學研究話小朋友11歲前都仲有得教,所以唔好放棄.如果有需要可以搵專業人士幫幫你,你會更明白應該點樣做
2個讚
我朋友又係咁，當時又係5歲，去婆婆度縱到不得了，返到屋企鬧阿媽點解唔比佢食零食睇電視，點解要做功課，話婆婆同佢講咁細個做乜功課丫，仲衰到話女仔唔洗咁叻，大個嫁個好男人就得，激到我朋友同佢阿媽開火。
但佢都自知要阿媽幫手睇女，冇權嫌三嫌四，所以佢自己請工人湊返，點知都搞唔掂，最後佢辭職自己教返，同埋好長一段時間冇帶個女去婆婆度。用左好耐時間先同個女打返好關係，搞好關係之後個女先聽佢講道理。
學壞好易，學好好難。
2個讚
唔好怪老人家，佢縱孫冇錯，佢亦冇責任幫你教女。
教女係你同你老公。
之前太鬆，突然收緊一定會反抗。
由佢做錯事怪人開始，定一個目標，加婆婆幫手配合，做到就畀女女去婆婆到住一晚。
我仔都小一，婆婆仲會追住佢餵食飯。同我媽嘈好多次。
不過我明白，叫老人家幫手，就唔好咁多怨言，有本事咪自己湊返，自己教。
你要知道，婆婆永遠都一定唔會害個自己個孫，就算可能方法唔岩。
我要返工，姐姐又走咗，所以要佢幫手。但我放工之後，所有時候都係俾晒我個仔，其實都夠你同佢相處，教好佢。一齊訓一齊pillow talk一齊bedtime story…
小朋友仲細，你付出幾多，就會有幾多回報，加油。