唔係好知應該喺邊版開post
其實話我係事業型女性又說不上，我工作咗10年左右，一直都唔係升職發財嗰種aggressive style，只係發展平穩；不過我就一直好享受工作比我嘅滿足感，鐘意盡全力去做好每一件事，亦都樂見工作上呢一面嘅自己。
某啲原因我喺生小朋友前幾個月離開咗之前份工，有幸試吓ftm嘅生活。其實同個仔一齊，可以見證住、參與佢成長嘅每一個moment，感受同佢一點一滴咁建立關係同默契，都係我生之前想像唔到嘅滿足同感動。有時都有啲唔捨得再出去工作，想一直照顧佢。
但我心入面又好矛盾，或者係好貪心，好想做一個稱職媽媽之餘，仍然可以追求我自己想做嘅工作，想保留住嗰個有熱誠嘅自己。而且我又好怕當我嘅視野、心神都局限喺小朋友身上時，其實亦都未必係一個可以展現到best self比小朋友作為榜樣嘅媽媽嚟。但自己湊咗一排，要交比其他人（大有可能都係老爺奶奶），又好唔捨得，如是者不斷無限loop
而家掙扎緊應該去搵返一份可以實踐到我志向，但相對會較忙嘅長工，定係去搵一份可以比我繼續主力照顧小朋友嘅純粹賺買餸錢part time，各位媽媽們，你哋又有過類似嘅掙扎嗎？最後決定如何取捨？
講到一嚿嚿請見諒
2個讚
我記得自己第一個小朋友出世，放完產假要返工，係自己第一次有「resign返屋企湊佢」既衝動。真係好唔捨得將自己小朋友交比人湊，即使係自己媽咪。
當然，最後我都係冇resign，我同你唸法都一樣，希望保持自己事業，做一個榜樣比小朋友我自己點樣係自己崗位上努力。其實我身邊都好少人選擇resign做FTM。
當然肯定會犧牲左同小朋友既相處時間，你話完全冇影響肯定呃你，肯定要有取捨。有d時候我姐姐同我仔女更親近，我姐姐比我更細心。但我又冇唔開心，佢地親近才表示佢地相處好好，我就更放心去工作。我自己算好彩、好快就balance家庭、子女、事業，當然呢個唔係每個人都會咁㨂，但我自己覺得係對自己最好既選擇。
做FTM對我黎講就好難，我自己就深深佩服做FTM既人。
5個讚
既然你都鐘意又享受自己一直做開嘅工，我會選擇繼續做
一路睇你打呢篇野，我仲以為係自己
3個讚
我都好貪心，返工俾到成功感我，我亦好鍾意湊小朋友。所以我放工後會盡快返屋企，尤其小朋友升小學後我一手一腳教功課。我小朋友成日覺得媽咪好叻，我諗唔多唔少都因為見到我又會返工，又會照顧佢
3個讚
我係坐月已經頂唔住，好想返工，湊仔攰過返工N倍，極其量只能part-time…
1個讚
其實有份自己鍾意做既工都唔容易架。我唔aggressive，亦未搵到一份令我返到好有滿足感既工，所以好羨慕d人返工返得開心積極。
2個讚
我係好aggressive既職業女性，亦曾經令我好有滿足感。但失去同小朋友相處令我好想做ftm, 即使到今天小朋友已經高小初中，我都覺得能做ftm既話，成佢地成長會更好。可惜我無咁既能力
我自問工作同家庭我已經盡量做到平衡，都算合格，但的確失去太多太多小朋友成長時間
每個人情況都唔同，要考慮嘅首先係經濟能力，其次你份工作幾年後再做會唔會好難搵工，仲有你哋會唔會再考慮生多個小朋友。我因為經濟能力問題，冇可能做FTM，可幸嘅份工唔忙，可以準時放工回家湊小朋友，都算work life balance 到。我自己覺得人生由2X開始工作到6X歲，只係休息3年陪下小朋友長大一D都唔過分呀。因為小朋友大得好快，到佢哋上咗K返學，先再考慮工作都唔遲。
1個讚
Coral
2020年06月27日18:35
10
我都是這樣，
一來我很喜歡我的工作
二來
1個讚
一來喺香港呢個城市, 以大部分家庭黎講, 公一份婆一份會比較充裕. 無論幾好嘅關係, 經濟有壓力都係會感情無咁好
二來我自己覺得女人有自己事業 (唔一定係要強悍女強人) 同生活 (加自己錢), 可以有自主權, 日子會開心啲
至於平衡工作家庭同小朋友, 每個人個情況都唔一樣… 但個人認為最緊要係quality over quantity
就算我一日24小時對住小朋友, 但如果我有我睇電話, 佢有佢自己玩, 咁都唔係優質時間. 相反, 我爭取喺佢食飯訓覺之前返到, 可以一齊食飯, 陪訓覺, 講故事睇書, 然後再繼續做下公司野. 第二朝早起, 一齊煮同食早餐. 同佢一齊嘅時間唔睇 / 諗其他野. 雖然可能時間唔算好多, 但大家嘅相處係開心嘅, 咁都唔錯丫
1個讚
呢個我覺得好岩，早前睇左個jm既post話做左ftm後問老公拎錢買護膚品都好似有口難言咁，就算唔係有經濟壓力，但無咁充裕可能會令自己買野都就住就住
我都同你一樣, 我唔係好aggressive要做到好高嗰D, 但又好享受返工的充實感.
叫做專業人士, 小朋友出世之後都無太大掙扎, 屋企人幫手湊, 都係決定返工搵錢(但唔OT), 一家人財政上鬆動D
1個讚
返小學之前湊幾年得唔得？
我心態上唔係事業型媽媽，但試過做過幾個月FTM, 見住戶口d錢日日少，心理上唔係好頂得順，所以最後都係搵返嘢做。
以前既工成日要OT, 節奏好快，挑戰性好大，但好多機會，學到好多嘢。但決定再搵工之後就搵返份hea d, 無咁大壓力，唔洗OT 既工. 依家都算唔錯，職位差唔多，人工差唔多，但工作量就少好多，不過就預左工作上機會冇以前份工咁多，都唔洗點諗升職果D. 我同以前D同事講，我已經唔係事業型架喇，重心會放返響家庭。
所以要家庭同自己事業平衡唔係唔得，但預左一定有邊會有犠牲(但未必好多，要搵要試)。
如果比我的話⋯都偏向小朋友為主
家庭經濟麻麻地唔係太鬆動嘅話，出去做返嘢好d
做一個FTM + 再做part time，真係會辛苦到一個點
你做返正常full time假日都可以多d陪小朋友，而且小朋友越大會越多開支
呢個選擇會兩頭唔到岸，尤其係小朋友仲細
如果小朋友已經上小學，去做part time都叫做ok
幼稚園階段小朋友未必讀到全日班，半日班返3小時，基本上無咩pt適合你
小朋友出咗世兩個幾月，有啲野一直諗唔通，想聽吓各位職場媽媽嘅心路歷程
只係有樣野少少唔同，我本身係aggressive果一類，但生左之後都諗過辭職湊仔到佢2歲…而家雖然我仲未完產假，但都係覺得如果自己要全職去照顧真係會人都癲，自問亦無咁好耐性對住佢24小時～同埋都好怕做左ftm之後視野會變得狹窄，所以重心放左響呀b度，之後變左怪獸家長，日日就竭嘶底里咁… 諗起都驚
就揀份準時返工收工，咁就可以顧及小朋友學習⋯