我見冇咩人問有咩食得有咩唔食得
不如大家分享下？
我成日search都係search 隔離forum
我聽過人地叫我唔好食香蕉，粉絲，軟雪糕，涼野，藥材，生冷野，海鮮等等
其實我自己就驚既就唔食
但凍野有時都會飲少少
試過食少少粉絲，有食超級市場買到既雪糕（家庭裝同雪條都有），不過就唔係好多
大家分享下啦
軟雪糕，咖啡，酒，西瓜(好後期清胎毒先好食)，蟹，涼茶，未經消毒嘅牛奶，薏米
呢啲係我一定唔食嘅 其他睇自己啦 利申：我有食魚生 飲凍嘢
影響荷爾蒙同會令子宮收縮嘅就唔好食，唔食軟雪糕同生冷嘢係因為有菌（西醫角度同溫度冇關，純粹係睇生產&儲存過程風險），對身體唔好嘅醃製食物同埋高鹽食物咪少啲食囉。
香蕉、豆漿、豆腐花、蝦⋯⋯我成日食，端午節都食左幾隻綠豆糭，人地怕敏感嘅嘢我不嬲冇敏感照食，覺得有營養就食。
視乎你個人體質同埋平時食開啲乜嘢，唔好突然之間試新野搵黎搞。
3個讚
生冷，易有菌嘅嘢
1個讚
衛生處話孕婦唔食得嘅嘢，即係有科學個根據嘅嘢
eg 酒、咖啡，軟雪糕、soft cheese，深海魚，生嘢
其他乜都食，eg 蟹（包括大閘蟹
）、鵝…
9個讚
呢個係我最認同嘅做法
1個讚
我都係咁：p
睇個人體質，我從懷孕初期就冇戒寒涼嘢，薏米綠豆西瓜都照食，我係熱底，食清涼嘢舒服啲冇咁燥熱，我姑仔係寒底，佢有避免食寒涼嘢。西醫話唔食得嘅嘢我會跟足，主要係唔食容易有菌嘅食物。
認同!! 我都係咁，其他咩凍嘢 涼嘢 乜都食…最多食得健康d囉，咩公仔麵 薯片嗰d就少食~
加一
啲三姑六婆真係唔好聽咁多，左耳入右耳出
搞到自己精神壓力太大，仲唔健康
2個讚
木瓜、薏米
有次食過冬瓜薏米湯，流好多血，嗰時好似廿三週
今胎我有飲咖啡、汽水、食雪糕
我知薏米係唔食得，
青瓜都好似係（唔太肯定）？
魚生我都有有食少少，一個月一次左右，但只係一件火炙三文魚手卷咁
除咗一般魚生，沙律，軟雪糕嗰d之外
我個產科醫生叫我戒埋 香蕉，木瓜，苦瓜
呢3樣嘢會引起子宮收縮
前兩樣因為有激素，苦瓜係因為有奎寧
我自己戒埋熟嘅吞拿魚＆皮蛋，怕水銀。
記得唔好食豬潤
我一向唔食，但提吓大家，
因為會有抗生素同激素殘留喺豬肝，美國FDA出咗notice叫孕婦唔好食豬潤。
2個讚
懷孕初期都唔好食朱古力
酒、軟雪糕、未消毒芝士、薏米唔食得
生嘢怕有菌都最好唔食
咖啡、茶就計咖啡因，最好少飲
生野，軟雪糕，海鮮（其實有偷食一兩舊）
有件笑事分享！
話說我8個月大同老公出街食飯！
我嗌西瓜汁，個待應話「你唔飲得喎」
我「飲得呢」待應「你唔飲得喎」
我「真係飲得呢」
最後佢好奇怪地望住我但都幫我落order！
其實我8個月大清胎毒係可以食西瓜
4個讚
魚生有隻菌一般人食頂得順, 大肚婆食會引致流產…
豬膶唔食得架
我以為補鐵可以食
好彩我買左返黎未食
有冇人同我一樣只會食全熟雞蛋 連炒蛋都避開唔食