大家會係邊到揼奶?我公司洗手間有揼奶室，但感覺唔太衞生，係自己位揼係咪又太open？
另外大家揼奶習慣大約是如何？返工前放工後會埋身餵嗎？
仲有一個月復工，想早啲預備吓～
我都係自己位泵，一次生兩次熟 
開頭入房泵，但出返黎做野趕頭趕命，係位泵方便好多 
1個讚
咁其他同事都慣左？
我都打算係位揼
你用handfree bra?
我係用handfree呀， 披條披肩前面圍住就得，唯一唔方便係唔可以著連身裙
唔洗同其他母乳媽媽同事夾時間輪泵奶房，方便好多。
雖然話公司係支持母乳，但始終唔想影響太多工作，我第一胎泵到7個幾月個月踏出第一步係位泵，第二胎準備一開始就係位泵 
但如果有男同事行去你個位到搵你，會唔會尷尬
其實真係唔覺眼，試過有其他母乳媽媽同事黎搵我，講完野佢都睇唔出我泵緊 我仲問佢，你知唔知我喺度做緊乜
1個讚
我份工冇自己一個位，所以一定要去泵奶房…好彩間房設備同環境都ok!
我自己個時間表係咁:
6-7am 埋身，之後泵清，返工
11am 屋企人樽餵bb，我泵奶
3pm 屋企人樽餵bb，我泵奶
7pm 放工衝返屋企埋身
11pm 埋身
即係我泵奶嘅時間盡量跟返呀仔食奶時間…同埋半夜偷懶冇起身泵，所以餵完朝早嗰餐要泵清…
放假, weekend我都盡量全埋身，希望多d埋身會keep到個奶量~
1個讚
咁你一日番工泵兩次，係咪要拎兩個泵番去？定係你響公司洗？但係無得蒸？
泵就一個，配件(鴨咀+喇叭)就兩sets囉，咁就唔使洗~
2個讚
你返工之前埋身，bb要飲幾耐會唔會好趕
同埋人奶放在公司公家雪櫃？
咁其實都好ok仲方便
朝早嗰轉埋身通常食唔夠15分鐘就食完 (平時其他時間要食20-30分鐘 食哂兩邊)…我諗係因為儲左成晚 好多奶 出得快 同埋佢食一邊就夠 唔使換邊，加上佢仲係好眼瞓 食十分鐘佢就頂唔順瞓返…之後我通常抱佢坐直10分鐘 (瞓左掃唔到風) ，放返低佢瞓覺，我就去泵15分鐘奶，再洗埋d泵奶嘢 因為要帶返工用
之後先去刷牙洗面換衫…
咁其實餵奶+泵清都係45分鐘内，反而最耐係我要等d泵奶parts蒸同埋乾…如果你有多set parts就可以skip左呢part…不過因為我返工車程唔遠，我返9點 係8點3先出門口，所以只要7點前餵奶 我都趕得切…
我覺得想慳時間 可以買多set泵奶parts，咁唔使洗同等佢蒸…仲可以用埋handsfree bra一路泵一路刷牙洗面化妝，泵完就可以即走~ 只係我個仔朝朝都6點幾就醒 所以我其實大把時間
我亦都試過一路餵 一路泵另一邊，因為難得呀仔呢餐只食一邊就夠…咁又可慳返15分鐘…不過我通常呀仔一喊醒 我就即刻抱起餵 都懶得set好d奶泵先開始餵…反正我都夠時間…
喺公司泵奶我用儲奶袋嘅，咁就連埋d ice pack一齊放入個有色嘅食物盒度，咁個盒就放公司雪櫃架喇…
1個讚
好詳盡嘅分享
咁睇來我宜家練習定朝早埋身+換衫+化妝個流程都得喇
可以問多d唔同人做法…
我有個同事A就係半夜3,4點特登起身泵嘅，因為半夜泵得比較多，之後7am埋身餵完就返工…
同事B就係7am 老公幫手餵樽，佢自己就泵，咁又慳返d時間 但就要老公幫手囉~
1個讚
請問你bb食緊幾多一餐?
我仲有一個禮拜返工， 我b每次啜半個鐘至少， 兩個鐘就餓⋯樽餵可能就120左右⋯
到而家未攞到佢規律，制己又係窮媽
嗰陣我仔仔食200-220ml 一餐，我都係窮媽，7am埋完身泵清再加返工泵嗰兩次先緊緊夠佢食兩餐…泵出嘅奶日日清
係靠放假 全埋身 咁7am泵清嗰次就係淨賺 先可以有d stocks儲起…
埋身嘅話佢都每邊啜15分鐘架，頭兩個月都係食得好密，2至3個鐘食一次，到佢3,4個月 即係差唔多我放完產假嘅時候 先慢慢好regular咁變成4個鐘食一餐，所以我先一直可以跟嗰個時間表
你要計吓你一次泵到幾多，你返工時可以泵幾多次，同你返工時佢要樽餵幾多餐…