個人認為智商好柒低下嘅人先會重男輕女
係 我就係俾人輕視個個女 但呀媽覺得自己唔係重男輕女 佢覺得俾左好多錢我讀書 明明係佢個仔讀唔到書 唔肯讀 然後又幫個仔出首期 叫我幫手供 meanwhile 佢個仔話我廢人 話我唔鍾意可以搬走
希望大家生之前諗清楚 無錢/ 偏心真係唔好生 我好憎佢地
4個讚
我老公屋企都係 6299成日話得佢一個仔 唔講以為佢係獨生子 但其實佢有幾個家姐
生仔好聽，生女好命
2個讚
我覺得呢一代無咁死板，男或女都ok
嘩對住呢D唔識感恩既人 你千其唔好幫佢地供
1個讚
在乎人鐘意唔鐘意．心理因素。
我覺得潮州人同有地分既人依家都好重男輕女…最好個個B都有J。
1個讚
上一代好似嚴重D，我有同學屋企係七星伴月，佢同另外六姐妹自細都冇乜人理，最細個細佬就萬千寵愛成廢人。有個就細佬套校服永遠都光光鮮鮮，又成日有新文具，我同學係家姐就冇人盪衫，筆袋用到發霉都冇得換。
但到我地呢代應該冇呢支歌仔唱啦。生仔生女都唔望佢第時會同自己住，搞得掂自己唔好仲要我養都偷笑，所以男女又有乜所謂。
1個讚
唔會啦彩佢地都傻 咁叻自己供飽佢 老左靠個仔養啦 我去英國唔會再理佢地
1個讚
你依句令我諗起我媽同我講，依家住緊果度就俾阿哥(已供完)，另外出d首期幫你上車，你地一人一間。
我心諗，你拎幾十萬出黎我要供幾百萬咁樣叫做一人一間 
我答佢我無錢供喎，完
我老豆真係表表者，潮州人，重男輕女到不得了。
中七畢業果年我想搵highdip讀先出黎做野，佢話唔得：無辦法啦你係女，你阿哥係仔（佢地供緊我個廢柴阿哥台灣讀大學），呢一句野真係一世都記得。
我阿哥娶左個大陸女人生左個仔，個小朋友三歲時離左婚 ，佢就繼續幫佢個仔執屎執尿，依家個孫好似仔咁24小時照顧，再加上我哥一蚊家用都冇俾過返屋企。
我生左兩個女，到今日我生左細女半個月對我地完全不聞不問，可能因為外孫+女，完全可以ignore。
4個讚
唔好理你老豆啦，老公錫唔錫你先？
生女又如何？2個女教得好一樣可以成材出人頭地
如果你老豆對你態度係差既，就叫你阿哥養你老豆啦，慳番啲錢自己用 
1個讚
明智 
佢地當養兒防老，投資幾多回報幾多
窮人又係都要仔先仲死，
依個年代生仔又無唔係有錢分，又唔係男丁先可以出去搵食，
仲分分鐘要擔心個仔要養埋老婆兩老。
廢老先會盲目追男丁，如果當生仔係投資養兒防老，但根本無錢投資，唔通會有回報？
3個讚
幾個仔住間公屋，到時娶老婆都唔知點攪
2個讚
心底好多人知係仔都會特別開心，講係陀仔會由心笑出黎，反而生女果啲會低調。
1個讚
我原生家庭係重男輕女，所以我好恨生女
我都見識過有人係「七星伴月」，點知孻仔中年有意外，要人照顧，就七個家姐都唔多願攬佢，齋俾錢都唔想
咁就估到由細到大都應該係重男輕女喇⋯⋯
1個讚
…我姐夫都有7姊…
掉返轉, 佢呀媽有事, 真係得個仔采佢,
都好正常, 既然呀媽係覺得嫁左出去就唔係自己既 
最近見新聞有個大陸藥廠CEO, 自己買精生混血B女, 真心覺得佢係女人典範!
女人先係繼後香燈既重要人員囉, 點解咁唔被尊重~