男家 最重仔
我未生前入係咁問個仔定女，知係仔就話生一個夠。
我媽就反而逼我生兩個，話生多個女好d喎，大佬，家下邊個話下生多個一定係女。
老人家都仲係覺得仔重要d,有時佢無做到偏幫男孫，就比面佢地唔好踢爆。
好彩宜家冇流行性別篩選。如果唔係搞到好似內地個男女分例，第時個仔好難搵老婆就頭痛。雖然唔一定會係heshe
我媽係，講明樓會比仔
我朋友三姐弟，有一個姐姐，佢排第二，仲有個細佬。佢媽媽追到第三個先係仔，佢由細到大都覺得自己係多餘嘅一個。家姐性格比較乖巧，細佬受全家寵愛，但我朋友會駁下嘴，佢媽媽細個淨係打佢一個，仲打得好勁。一路成長都唔太開心，出嚟做嘢幾年好快同老公移民過新生活。近年佢終於慢慢釋懷，佢話而家1、2年先見一次父母感覺仲舒服過以前日日對住。
雖然女係會嫁人
假如得一個女都唔肯比層樓佢？
得一個女就焗比佢
但你哋留意下十個有九個 case，有仔有女層樓留比邊個？
如果你哋喺呢啲家庭，一定要反抗。如果後生媽咪有仔有女，一定唔好只留比個仔，偏心係會有惡果嘅
舊式人係咁諗
所以千祈咪兩姐弟夾錢買樓
我有幾個朋友，都係女，有啲兄弟咁，講起呢個話題佢哋完全冇諗過屋企會淨係留層樓比兄弟，我忍唔住提佢哋，佢哋先一言驚醒
隔一排佢哋話問過屋企，真係打算只留比啲仔冇諗過比佢哋，但家用就不嬲啲女出大份
你話我衰都咁話︰我教佢哋之後唔畀咁多家用，亦唔需要對屋企事咁上心，佢哋有跟，生活愉快
女人，任何時候都要為自己打算
2個讚
我係獨生女，但我父母似係唔想留層樓比我
又係話唔想益外姓人
性別真係咁重要嗎？
如果父母唔留層樓比你冇乜問題，但唔好畀我知留比同姓親戚呀咁
如果真係，我會即刻減大半家用，搬出去，佢哋有病有痛叫佢哋搵返同姓子侄
如果佢哋唔留畀我但捐層樓出去，反而冇問題
我著重係公平啫
咁佢打算點？講真而家d人咁長命，到時仔女都退休囉
比子侄又堅嬲，子侄有冇照顧佢？
我聽有個 case 仲過份：
一家住好舊居屋，個阿爸比首期話買私樓，家姐名，家姐供，比細佬一家住
話就話兩老走後女就比居屋佢，仔就比層私樓佢住但家姐名，但個仔好 so 囉唔使出錢住私樓(成千萬嗰種喎)
我同個家姐講：你以為有你個名，但你細佬一家大細住，你點捨得趕佢走？得個供字咋，自己供層平私樓好過啦
人地結婚生埋b，冇可能走
我都聽過家姐供，平租比細佬…仲要用埋政府quota…伏嘅感覺都幾濃厚
以前可能係，但最近大家都唔會再係咁…
好似我咁生左個仔但係其實我地甚至長輩都係想要個女
你諗下而家生個仔娶老婆又要買樓又要酒席，負擔好大
同埋長輩都話生女感覺孝順啲（咁當然都睇唔同人啦）
可能去到大年紀又唔係咁諗
細個我阿爸都係恨生仔，但就會錫我多過細佬，到我生咗一仔一女，個女未出世前都錫我個仔，但當我個女出埋仔，就超錫我個女
除非係原居民, 否則仲有呢種思想的人
應該同"舊屎" 一樣, 沖落廁所讓佢流走
1個讚
覺得係睇邊樹鄉下。有朋友係潮州女，生活慘過妹仔，家務全包係基本，中學讀書PT 錢嚟貼屋企；家中雄性生物完全unun 腳唔駛理，仲要話佢唔夠顧家。捱到結婚先有自由。
老土都要講句，生仔好聽，生女好命。呢句係真，如果有JM 因為無關痛癢嘅人說話影響咗，諗一諗將來係自己受返。
Sorry 講太多tim 
我c6嗰邊係潮州人，我生完個女第2日隻99就問佢個仔幾時追返個仔，要傳宗接代喎!呢個問題阿恨仔99足足纏繞左我哋5年，終於c6頂佢唔順問佢係咪生第二個你幫手出錢養同幫手湊先? 如果係我就叫我老婆唔做嘢全識湊2件，仲有唔會有家用俾你，嗰隻99終於願望落空收了皮，以後唔使俾佢煩啦！