之前有JM煩惱有乜英文書岩小一小朋友睇，我都煩緊中文書…
我個女幼稚園中文程度唔高，所以我習慣每晚同佢睇中文書幫補下。屁屁偵探已睇左，讀本自己讀到一半左右。屁屁以外我搵左幾本讀本比佢睇，但成效一般︰
小麥文化既住在樓上的貓，故事長度好岩，但內容唔有趣，我個女睇左兩三個故事就冇興趣睇。
公主出任務，The Princess in Black 既中文版，雖然有公主但內容有D悶，阿女又係冇乜興趣睇。
老鼠記者，去到呢個程度就太深，佢已經唔可以一個人睇，依家我陪讀緊。
大家有冇中文書推薦比準小一學生？唔該晒！
留意到你提嘅好多都係讀本/橋樑書，但小一咁細其實可以睇多啲繪本培養興趣
我最初都係由繪本睇起，依家阿女已可自己睇屋企大部分繪本。因為見佢都肯主動睇多字少少既書，所以開始陪佢睇d橋梁書，同時想搵d佢有能力自己睇既書。
依家loop緊屁屁。
啱小一生，唔等於佢可以自己睇，呢個係兩回事
有d小朋友就算睇到，都鍾意媽媽讀
如果你想搵d程度無咁高，可考慮多d字嘅繪本
或者，真接帶小朋友去書店/圖書館，等佢自己揀
圖書館有套書係 我會自己讀 閱讀123 有分初中高階，分別適合小一二，小三四，五六睇，書背有列左本書有幾多個字，初階好似三四百字，建議可由初階睇起。有唔同竹系列的，有套小火龍，故事讀小火龍一家故事，講讀小一既妹妹迷路，都幾攪笑。
當然而家仲細，都仲要陪讀。
多謝各位意見
我有每晚陪讀架，所以先知佢程度同興趣。
之前疫症冇返學冇興趣班，又唔落得街玩，佢咪成日響屋企睇書，一路到依家都keep住有繼續，所以我先想搵d書比佢自己睇。
去一轉圖書館/書局，阿女鍾意乜就睇下有冇類似野。如果係圖書館，留意下邊本多還書日期，即係非常受歡迎。
以前係有睇套迪士尼書 (講品德道理)、木棉樹出版社。
上書店網望下都可以。
認真 郎文初級中文字典
我小一嗰陣學校要買呢本野去學查字典
本身完全唔想睇
但係之後我覺得佢入面啲成語故事好吸引
成日睇本字典去搵入面有咩故事睇
一面學認字 一面學成語 一舉兩得
科學啲嘅就 就要看知識漫畫 系列
不過唔係個個女仔都鍾意(我自己細個就超鍾意
)
宮西達也繪本好有意思的
https://search.books.com.tw/search/query/key/%E5%AE%AE%E8%A5%BF%E9%81%94%E4%B9%9F/adv_author/1/
其中一個故事 
例如，君偉上小學，有很多短編故事. 內容搞笑，睇吓你女兒會否喜歡.
圖書館依家仲係有限制服務，等回復正常會去望下。書局都有去，不過疫症之後真係少左。來來去去都係商務、三聯，睇完我就自己上網訂。
木棉花之前有訂過，都忘記左添，哈哈，多謝提醒。
科學讀本我睇台灣既孩子的第一套STEAM繪遊書。暫時一套十本，每本都圍繞一個主題，用齊STEAM角度去分柝同拆解，套書好有趣，值得推薦。有D科學概念我個女未掌握到，同埋要做小實驗，要親子共讀先得。大人都會好enjoy.
題外話，睇既過程中，我發現STEAM入面我個女好明顯對Art興趣最大(佢本身性格同興趣都傾向art果邊) 
對engineering 最冇興趣 可能阿媽我有d都只係知道好表面解釋得唔夠好 
中文就
鬥嘴一班系列，有鬥嘴一班學成語，學常識，學數學等等
我見我仔睇到笑曬，一睇完即刻叫我買下一本。
呢本我響誠品見到，有本一年級鮮事多，當時就係猶豫買佢定老鼠記者，結果我買左後者，點知程度太高我女一個讀有d吃力。
咦，呢個都係長系列黎喎，等我打下書釘睇下先，多謝推薦！
宮西達也我女最鐘意大餓狼和小豬村，佢可以連續睇十次都仲笑得出
小女果時有睇優讀本, 日系插畫又講煮野食果D佢幾鐘意
http://child.kingin.com.tw/webc/html/book/index2.aspx?kind=3
我去博客來試閱左，我就係想搵類似呢種類型既書，而且風格真係好吸引小妹妹，我女又好鐘意整甜品，佢實好鐘意！多謝推介！
圖書館都好多, 可以借幾本睇下反應先, 唔駛買太多, 小朋友過渡期好快, 最緊要有興趣!
我女小一都仲睇緊呢D少女橋樑書, 小三已經睇桐華嘅步步驚心