我係初中生，有個初小嘅細佬。父母平時返工好忙，係屋企得我哋兩個同工人姐姐
我細佬好鍾意睇電話，日日都睇2-4個鐘，幾乎係一搵到時間就睇。鬧過勸過，又同佢玩其他玩具，次次第二日就冇咗件事 
仲有佢好冇禮貌，對住長輩好惡(公公、爺爺嗰啲老人家都鬧)，甚至郁手
，仲學埋粗口⋯⋯
佢讀書成績都唔係幾好，無心向學，要人三催四請先溫幾分鐘書
但係我自己都要讀書，阿爸阿媽返工唔得閒教佢，工人姐姐又縱容佢，我好驚佢大個都係咁，大家有冇方法可以幫我同佢
2個讚
我覺得。。。如果你父母都唔理。。你好難攪
如果我係你，我會當佢朋友或同學咁，無禮貌就唔同佢玩，唔同佢講野，乖先理佢。。。自己努力溫書做功課，尊重長輩，當係身教就算
1個讚
有時真係忍唔住鬧佢(當佢打人、爆粗etc）冷處理又有工人姐姐tum返
不過多謝你意見呀，我會試吓
咁你可以警告工人唔好種佢，種佢等於害死佢。。。
雖然難，但試下囉。
如果屋內有4大長老，你真係只可以冷處理。。。。。難過打怪獸
長老搬走左啦，依家我希望賞罰分明啲啦，今日正正常常咪比佢睇一陣
其實佢歲幾嗰陣時個個都唔得閒湊，日日淨係開着卡通片，有時都會諗係我哋呢啲大嘅冇教好
阿爸阿媽放工都成八點幾，我已經做埋家長嗰份，親子報告、督促佢做功課等⋯我都好辛苦
有冇同父母傾過姐姐太縱細佬嘅問題？
如果父母都覺得有問題，完約換姐姐啦，你同細佬都咁大個，唔怕新姐姐蝦你地
你好乖，我覺得你父母好幸運，有個咁乖既女。
5個讚
我工人姐姐由細湊到佢大，縱到佢好霸道
我屋企個個都知，只係隻眼開隻眼閉咁
多謝 
咁你同姐姐friend 唔friend? 同姐姐傾下
你真係好乖
，我有你咁乖既女就好了
你嘗試把主導權返去你去，唔好俾細佬話no就no，如果爸爸媽媽容許，你帶佢去公園，圖書館，户外走走，唔好成日望電話，佢可能悶左家無所事事就不停玩電話，你試下有schedule 地話俾佢知 當你回到家首先幫佢對/教功課，完成就玩十五分鐘，再review 當日老師教過啲乜，完成後就free佢玩30分鐘，應該都快到晚飯，食完晚飯如果你會同佢打機就打一陣機，小朋友要同佢有共同興趣，佢先聽你講道理，之後早早叫佢上床瞓覺。
你的角色近乎媽媽，要有威嚴，唔好俾佢食住你，講好唔願收電話，就下一次扣玩樂時間。
至於對長輩均粗魯一定要鬧，同解釋俾佢知你都唔鐘意人地咁對你，你都唔可以咁對人地，語氣要肯定同嚴肅。
1個讚
都幾friend，可能我對佢態度正常啲
聽日再同佢傾下先
好啊，咁啱聽日放假 同細佬出下街
多謝你哋意見！！
既然你地fd，咁就要試下同佢傾下，唔好用鬧既方法！
先讚下佢好既方面，再講唔好地方，佢會容易啲接受！
你好生性，好乖女！
細佬縱壞左唔係一時三刻可以改變，所以一就步步黎！
先一樣，再一樣！
有咩上黎再問下！希望幫到你！
唔俾手機他就唔會有得睇，好易解決。
你真的很乖女很生性，很羨慕你的父母
我和我先生也是雙職父母，以我經驗，其實如果小孩子唔願做功課，最好返補習社，一來沒有機會看電視，二來補習老師也不會緃他，很多也是未做好功課唔比走。最好找學校附近的補習社，補習老師會比較了解學校課程，會跟進得比較好
而禮貌方面，你可以做一個班長的角色，當他有不禮貌行為，要立即矯正他，並每日記低佢他的壞行為，等爸爸或媽媽（他會怕的人）放工回家，來向他訓話或懲罰（不是用打，可以是沒收電話或假期不能外出等…）當然他做得好，有進步，就多多讚他，肯定他的好行為
初小仍很單純，慢慢教一定會有進步
1個讚
教小朋友係父母責任，你竟然會自己拎呢個責任上身⋯⋯很強！
1個讚
叫父母搵課外活動比細佬學，
佢出咗街，咪無人騷擾你，
細佬仲有一技防身，終身受用。
父母日日忙到不得了，仲要佢哋湊仔就會好容易鬧我細佬 佢好似俾人鬧到麻木左
而家佢有一堂私補，阿媽都話下年會報多啲補習