唔知點形容，好曳，好自我，只做自己想做嘅，唔會理其他，少少唔鐘意就大叫大喊失晒控。例如學識左去厠所，但每日都會不停專登全屋周圍痾，唔鐘意刷牙就每日要係厠所又迫又氹搞成半個鐘先勉強幫佢刷到，搞到全家都家無寧日，又攰情緒又差。
健康院，協康會，可以兩邊都打去問左先。
1個讚
Thanks
你上網搵兒童評估服務，有唔同既機構，包括協康會、耀能、保良局或者一啲私營機構。最主要價錢唔同，大概$6000或以上，健康院排服務要等好耐，我建議你排健康院既同時都要搵私人去評估左先，因為有需要既話，個份評估係可以幫你轉介去一啲學前服務。記得愈早做評估，就愈早幫到小朋友，唔好拖
1個讚
其實如果有budget,最快最簡單可以直接搵精神科醫生/臨床心理學家做評估,因為啲機構去到最後都係搵佢地做,唔使等唔使排
我識得有一個精神科醫生幾好,仲要教你平時可以點樣改善,有興趣可以PM.
1個讚
講多少少: 其實預左要搵私家評估，但問題係唔知評估d乜好，精神科同臨床心理學家係完全唔同範疇，問過sen老師朋友意見，佢話我仔樣樣徵狀都有少少但又未去到嚴重佢都唔識講，睇過協康會網頁評估都有n種，所以想請教第一步要做邊樣先
呢啲機構有對唔同歲數小朋友有不同評估，你可以打去約左見臨床心理學家先，由專業人士話俾你知佢屬於邊種。
我小朋友當時要做checking，我都係一頭霧水，我就打去不同機構問，問下可以點check，佢哋建議我見左臨床心理學家先。
可能有離題，會唔會係發脾氣想你注意更多？呢個行為維持左幾耐？
明白，謝謝
我都觀察過，不過唔多似，佢發脾氣係不自覺而且不受控嘅
睇臨床心理學家
或者搵會做評估嘅兒科醫生
3歲小朋友未識講感受，既然媽媽知佢唔鍾意，又有無了解過點解佢唔鍾意，從而改善一d野？
聽話~唔係一定係好事
自我，亦唔一定有問題
妥協呢樣野，一個3歲嘅一定唔識，但身邊大人識唔識呢？
無輪你做唔做評估，最終首先要改變嘅，係家長自己
我改變咗，等到11歲左右，仔先開始識妥協
anyways, 改變一下說話技巧，不合作情況會有所改善
有啲兒科中心都會做埋心理評估架。
朗豪坊兒科好似有呢方面資料
之前有幫小朋友係私家做左評估，其實係政府有做左，只係general 甘做，無針對某一part 去做，甘我同先生覺得政府既評估不太專業，之後係私家再做。而私家醫生知道我地係政府做過，佢見左小朋友之後，建議我地只做一part, 大約$7000，做左約一個鐘，要打電話去約，果陣都要等一個多月。醫生都好好，再約半年後覆診，覆診係免費既。
朋友仔仔都係果度睇, 都OK, 唔貴呀
如果唔貴我覺得可以試下。