我女女入咗培基小學呀，想睇吓有無小朋友都係呀？
我小朋友響高年級~
另一個都畢左業好一段日子~
呢間學校, 係好學校, 老師大部份都有愛心, 校長好好~
而且BAND 1得黎亦讀書算輕鬆~
值得開心既一件事~
我有d 緊張呀，唔知女女會適應成點呢？我又想加入d 媽媽whatsapp group, 但又唔知邊度有喎
其實我當日都誤打唔撞先入到GROUP.
初小入GROUP都重要~ 如果小朋友係大意果類… 因為欠功課會好勞氣~.
但其實唔洗太緊張~ 初小基本上都無咩好追趕~ 大部份小朋友都好乖巧~ 老師都好有愛心~
你可以放心~
學校唔會迫家長同小朋友學野, 無咩一體一藝呢D煩野… 對於我2個小朋友, 完全無體育細胞同藝術天份既, 真係一大喜訊
2測2考, 得大考先落入成績表. 我係勁HEA既家長, 我測驗真係唔理佢地點溫. 大考就會迫下佢地.
默書少, 係好少~ 仲要唔會計落成績表入面… 中+英夾埋, 一個月唔會多過3-4次.
功課一D都唔多, 連埋改成先得果5-6樣…即使8樣10樣都好, 大多係改正~
不過都有家長響whatsapp group 都有家長話好多功課, 做死人…
不過我兩個完全唔同性格既小朋友都係每日放左學, 4點返到屋企, 沖涼, 食TEA, 睇 一陣TV先做功能, 6點開飯前一定做完
升到小5, 6先開始叫多返D. 亦要開始認真谷學業, 因為唔知點解, D 同學會馬上變神童. 到時你會FEEL到有壓力, 但我覺得, 比你HAPPY 4年, 先辛苦兩年, OK LA~
呢間學校D 小朋友, 升中既結果都好好~
即使入BAND 2都好, 中學果邊都當呢間學校出黎既小朋友係寶, INTERVIEW 有D 優勢架~
如果小朋友本身係叻既, BAND 1英中大把有得揀, 唔洗況無位.
反而, BAND2 生 既就麻煩D, 因為沙田BAND 2中學唔多~一揀失手會分分中入BAND3.
不過你仲有漫漫長路~ 慢慢黎~ 加油~
提一提你~ 初小HEA 住讀都好~ 幫小朋友響英文到下D 苦功.
KEEP住英文, 到P3要確保小朋友 MATHS都要響中層水平 (唔洗要叻, 中間就OK), P4要留住響英數班~ 咁條路會易行好多~
如果真係小朋友最後都要跌落中數班, 都唔緊要… 學校響呢方面做得好好, 有大量支援.
如果數學真係差到一個點都好… 學校有專班幫小朋友~ 有專人極小班教學
(呢一點我係好欣賞)
我個女都ok 整齊嘅，但上小學應太多嘢新同轉變好大，唔知佢會跟成點，同埋我要返工，有whatsapp group 跟吓會容易d.
想請教下培基叩門都要111 或110嗎？
學校有粵教中班嗎？同埋其他科都係用英文教學嗎？
謝解答
我都有個同事係培基用家，佢嘅兩個仔都係“名校隱形人”，希望你嘅小朋友唔係啦…
叩門我就唔知
數學同科學用英文教
其餘科目用中文教
中文用普通話教，無粵教中
1個讚
英文教快一個學期，小一入學前，以1A英文作業為其中一本暑期作業
想了解一下小一開始就係全用普教中?
睇學校資料都有好多有關中國的活動，想了解下學校政策算係好親中或國民教育方面學校點教？
謝謝