一出院返到屋企已經沖涼洗頭
唔沖好污糟
點餵bb?
比bb 飲埋d 汗？？ 
BB焗住繼續食仲慘。 
我上胎堅持咗20日，（主要係唔想俾人哦），我當時就用桂枝水沖涼、薑汁洗頭水，坐月期間沖個涼真係好醒神！
我老公成日都叫我照沖，佢話BB D用具要清毒，D奶唔好放超過一個鐘，床單隔日洗，抱BB之前要用皂液洗手，偏偏個媽咪就成個月唔沖涼咁污糟！ 我聽落都覺得諷刺 
1個讚
我朝早生完，夜晚洗頭沖涼，坐月期間日日沖涼洗頭，冇任何不適。
相反，朋友生完唔洗頭，但照有頭風。住院幾日唔沖涼，下面個傷口up到發炎，痛左成個月。所以，保持個人清潔係好重要。
你老公思維好清晰! 
好佩服你既毅力呀
坐月邊需要毅力呀，完全係比人服侍呀
實飲到啦⋯⋯成個胸都係汗
我第一個因為長老成日唔比沖涼
薑水淋傷口又好乸，淨係去完廁所用熟水沖
個傷口都輕微發炎
好耐都唔好
我生完勁緊張，所有野同湊b都係自己做返
原來依個世界有頭腦清晰既老公架
為左生存
頂硬上
我都係夏天生，出院即冲涼，因為餵人奶，1日冲2次，日頭冲凍水
有冇開冷氣呀平時？
坐月沖凍水咁勇 
凍水又激進左少少
有薑水就沖得，出院番到屋企就沖
出院第一件事就係沖涼洗頭，成身污糟邋遢都唔敢掂BB啦，保持乾淨最緊要
陪月有教姐姐整薑水比我，但我係沖完洗完之後，用d水係咁二由頭淋到腳，冇用黎抺身。我唔覺得有唔舒服，成個坐月期幾生猛活潑嘅
1個讚
我日日沖涼洗頭, 但洗完頭即吹, 沖完涼就包返好自己
咁即係連月都無坐？
你覺得身體OK嗎？