我用椰子油做油拔做左一個多月，原意係為左改善牙周病所以開始
我之前除左刷牙會流牙血之外，偶爾出出下街冇搞佢都會流
同埋門牙位既牙肉有ｄ鬆（可以反倒少少落黎）
而家好神奇地，我冇流牙血喇，而且牙肉竟然痴返實ｄ牙！
暫時除左牙齒之外，我冇留意倒身體有其他變化，可能因為我做既時間唔長
只不過，我有少少concern，因為上網睇過話椰子油其實有九成飽和脂肪，唔建議用黎食
做油拔期間我會有不自覺既吞嚥動作，感覺上就冇吞到落肚，但日日做慢慢累積會唔會有問題呢？
我做左都有四、五年，巳經變左一個習慣，如果你問我邊方面改善左又講唔出
2個讚
haha，咁你又會堅持倒落去既？
我都係因為見倒牙齒有好轉先有恆心日日做
剛開始時仲好似網上咁講有頭痛、極口渴既情況出現
聽聞岩岩開始做油拔會病 係咪真架？
可能變左個習慣,唔做會身痕。但講真做左油拔後身體係好左，但點好我又唔能夠好具體咁講到
1個讚
我冇病呀，但係做左一星期之後頭痛 + 口渴左三日
d人話皮膚都會好左，我以前Ｍ黎時下爬實爆瘡，上個月冇
但都要有待觀察，可能係咁o岩得咁橋
皮膚無咁乾，m+排卵日好準時（以前超唔準，幾十日、兩個月一次、三個月唔嚟都試過）
每日油拔都有細細啖嘅痰吐出嚟，如果唔舒服啖痰會再大篤d，試過一次鼻塞，噴鼻噴整都呻唔到鼻涕出嚟，feel 到鼻涕好上好杰，油拔後吐完痰，輕輕一呻就呻哂d 鼻涕出嚟，勁爽
效果真係因人而異，我刷牙仍然會流牙血，不過感覺無咁易積牙石。
試咗個幾兩個月，唔覺有咩分別，所以放棄咗！
有無試吓其他油呀？
我用過橄欖油，效果都係一樣，我有聽過人講唔同油唔同效果。
不過我唔鐘意橄欖油陣味。
可能你本身冇咩明顯問題，所以唔覺眼！
買左樽椰子油好大樽，想用晒先…haha
我下次可能會試下芝麻油，見有人話效果最好
不過，你既效果同我既又好唔同，呢樣野真係好神奇
但對我黎講，改善倒牙齒問題係最緊要，其他好處都係bonus～
我之前有做開, 牙真係好似好左 (我都係for牙周病)
但近黎懶, 所以無做, 啲牙又差返 
睇黎要的起心肝再做返
1個讚
油拔左幾年，由原本食雪糕會觸電，牙罅闊，到現在可以享受雪糕，d牙肉生返哂，效果好好。
唔油拔唔慣。
你話生返牙肉係指萎縮左既牙肉？？
我門牙裡邊ｄ牙肉都萎縮左，如果真係可以生返我一定keep住做呀 
！！
做完牙齒健康咗
1個讚
係呀，原本好明顯有個hole咁，之後有日照鏡發現無左，嗰時應該油拔左超過一年。
1個讚
請問拔油是早晚刷牙前定後做? 方法如何? 我也想做, 謝謝
請問你用咩油做？
我曾經堅持過3-4個月
嘗試過唔同油
但都係無咩反應
d油無變色，身體都無反應