Zoom(下集)
「老師 ! 第十五條我識做…」
豬仔舉起練習向着鏡頭說
我聽到後，便再次開白板功能，
將視訊縮在白板右下角。
但我仍清楚看到房間內狀況，
只是鏡頭比較細小而已。
當我講解完題目後，
再開回正常視訊的時候，
右手邊那團黑影已不見了。
我一邊按着自己額頭，
一邊望着家中的時鐘，
距離落堂時間尚有十多分鐘，
我心想 : 捱多十分鐘左右，先去食止痛藥!搽住白花油頂住先。
「 豬仔 ! 我知你都開始攰，乖乖地做埋下面幾題，就落堂架啦! 同埋，今日你好叻喎 ! 冇揾過媽咪幫手 ! 」我豎起手指稱讚他
因豬仔平時每當遇到困難時候，
他都總會慣性將視線望向身旁的媽咪，
而在旁豬媽咪亦會立刻協助他。
但今日整堂中，
豬仔沒有一刻望向身旁的媽咪，
而且更主動地向我說出他不明白地方。
「老師 ! 今日公公黎左我地屋企，所以我等陣落堂之後，公公會帶我落街買雪糕食呀!」豬仔開心地向我說
「 哦 ! 咁你要乖啦!就快落堂去食雪糕!加油!」我笑着說
突然間，豬仔突然大聲高叫 :「媽咪!妳同公公喺出面笑得好嘈呀 ! 嘈到我上唔到堂呀 !」
我聽完豬仔此說話後，
整個人立刻呆了一呆。
「乜媽咪佢一直喺出面陪住公公呀 ?」我扮作輕鬆問豬仔
「係呀 ! 媽咪喺出面陪公公傾計，佢哋笑得好大聲呀」豬仔一邊向我說，一邊低着頭做練習。
我的頭隨即赤痛起來，當刻的我，
並沒有想到其他，只是想快些落堂食止痛藥。
就在我們臨落堂五分鐘，
我再次見到那團奇怪黑影，
而這一次黑影它是從中間位置，
慢慢移向右下角方向。
我當刻本能反應，
立即將枱上平板電腦移近我面前，
再仔細看看究竟是否動物呢!?
我望着那團黑影大約兩至三秒，
它從右下角鏡頭下消失了。
「老師!我做完啦!可以對答案啦!」
豬仔興奮地叫我
我和豬仔核對所有答案後，
時間亦剛好落堂了。
落堂之後，
我便立刻向老公說 :「頭先我上堂嗰時，個頭係咁赤赤痛，同埋有啲頭暈，我好辛苦先捱到落堂」老公聽到後，便取止痛藥遞給我。
我吃完止痛藥後，
便躺在床上閉目養神休息一下。
就在我躺着床上休息期間，
我腦海突然勾起，
剛才我和豬仔上堂時，
出現了好幾次的奇怪黑影。
之後我便忍不住向老公及阿仔說此事，
他們二人都說我是否眼花看錯，
我聽到後，很確定向他們說，
我清楚看到足足有三次，
一定沒有可能會看錯。
老公安慰我說:「可能豬媽咪佢出出入入，妳睇唔到啫，又或者可能係豬仔養既寵物都唔定 !」
「咁又係既! 咁等我聽日打電話比豬媽咪問下，到時就知道嗰團黑影係咩黎，但我覺得似係嗰啲野…頭先我上堂時勁唔舒服…我感覺嗰團黑影係嗰樣野…」我托着頭地說
「妳唔好再諗啦，係同唔係都冇所謂，妳都係唔小心見到啫」老公一臉輕鬆樣子向着我說
「好 ! 我聽日開估話比你知!」
到第二日下午，
我即打電話給豬媽咪。
而豬媽咪收到我電話後，
立刻緊張地問我 :「老師 ! 尋日豬仔自己上堂點呀 ? 其實落堂之後，我都有問過佢，佢話妳讚佢好乖，好專心」
「佢尋日冇發夢呀!重好乖咁同我做左四頁練習呀!」我笑着說
「咁就太好啦!尋日係佢第一次自己冇人陪用Zoom上堂，我真係有啲擔心佢攪唔惦 ，妳都知佢個人好易分心，但宜家聽到妳咁講，我就放心哂啦!真係辛苦哂妳」豬媽咪感激地向我說
「咦 ! 係呢 ! 我都唔記得你哋屋企有冇養貓狗架 ? 因我怕如果有既話，佢哋走入房既話，會好容易令到豬仔分心周圍望架」我扮作緊張地問
「老師 ! 妳放心 ! 我地冇養任何寵物架 ! 攪佢哋兩姊弟，我已經周身唔得閒」
豬媽咪苦笑地說
之後我和豬媽咪閒聊幾句後，
我便怱忙地掛線了。
「老公 ! 我確定左啦 ! 唔係動物呀! 我赢左，我既感覺係啱 ! 」我一臉得戚望着老公說
「 咁妳真係要瞓番多啲覺先得，重有下一堂如果妳再見到既話，記得第一時間叫我去睇呀!」老公竟然興致勃勃地說
傻的嗎?!
怎會再有下次!
#明天我會與豬仔上堂
#希望冇事發生
希望大家看完故事後，會留低一個~讚好~送給我及分享故事
因家人是永遠的最好依靠