加油呀，會耐心等你update
1個讚
冇問題呀，最緊要會繼續update就得啦
1個讚
《被祂選中的人》
第七章~離魂(三)
我頭也不回跑回家後，
我仍心有餘悸不停地自己想，
究竟剛才發生了什麼事?
何解最近我經常感應到「祂們」存在，我是否又出現了什麼問題，
我又應否向爸爸求救呢?
就在當晚，
開始慢慢我感到身體有點不妥，
我帶着極重的身驅躺着床上，
然後蓋上厚厚的被子，
但我的身體仍不斷抖震着。
「紫玥，妳冇事嘛?我宜家帶妳去睇醫生，好唔好?」媽媽溫柔地輕撫着我的臉說
「我好攰…唔想郁…我冇事，聽日先去睇醫生」我閉着眼睛低聲說
「好啦!好啦!妳有少少發燒喎，聽日我先帶妳去睇醫生啦!咁妳有咩唔妥要嗌我呀!知嘛!」媽媽一臉彷徨地望着我
「媽媽…爸爸聽日會唔會番黎?」我氣若遊絲地問
「會呀!傻妹!妳係咪好掛住爸爸呢?」
媽媽笑着望着我說
我輕輕點了頭示意。
「唉…其實爸爸都好想留喺香港陪住我地，但可惜公公又唔生性成日賭錢，要妳爸爸呢幾年幫佢還賭債，所以妳唔好嬲爸爸，過埋今年，爸爸就可以唔駛再番大陸做野，到時可以成日陪到我地」
媽媽臉上不禁流露出對爸爸感激眼神。
「對唔住!媽媽!我唔會再亂發脾氣」我歉久地說
媽媽扮着生氣樣子說:「哼!冇計啦!妳係我個女嘛」
然後大廳傳來尖叫聲，媽媽搖着頭向我說:「乖啦!妳快啲休息!妳兩個妹喺出面打緊仗，早抖啦乖女!」
我和媽媽從來很少這麼坦承傾談，
亦因這一次傾談我才清楚知道，
爸爸原來背負公公的賭債。
當我想到這裡，
我腦海裡突然記起長鬍子伯伯，
而我亦不自覺睡著了，
同時我又再一次夢見到他們…
我再次來到熟悉的涼亭下坐在石櫈上，坐在我身旁都是慈祥的長鬍子伯伯，
而另外兩位伯伯，
依舊低着頭坐在我前方的長石櫈上。
「紫玥，何解妳忘記了之前我們之間承諾呢?」長鬍子伯伯嘆氣搖着頭說
「伯伯…對唔住!我控制唔到自己…」
我雙眼隨即立刻通红，低泣地望着長鬍子伯伯
「人有執念，有怨有恨，身體會釋放一種極可怕負能量，而這種負能量會吸引遊魂，祂們會從而慢慢地影響妳情緒，甚至乎會傷害妳。紫玥!妳記住明天一定要跟妳爸爸說，之後會有高人可以幫助到妳」長鬍子伯伯嚴肅地說完後，之後他牽着我的小手，然後慢慢將我的小手放在石桌上一角，我察覺石桌上的一角，
刻着「放下」這兩個字。
「紫玥，這兩個字是我們送給妳，希望妳將來會明白這兩個字，真正意義!」
長鬍子伯伯說完此話後，他便與另外兩位伯伯一同慢慢消失去…
#我們要保持正能量
#凡事都會事過境遷
#疫情中只會令我們更堅強
#第八章之封眼
希望大家看完故事後，會留低一個~讚好~送給我
15個讚
呢個時世，揾多啲銀両傍身係好重要。
移民都要錢
1個讚
《被祂選中的人》
第八章~封眼(一)
「紫玥!紫玥!我番左黎啦!」
我立刻被這把溫柔且熟悉的聲音喚醒了!
「爸爸!我好掛住你呀!」我即撲向他的懷裡撒嬌。
爸爸愜意地抱着我說 :「乖女，乖乖地快啲起身，睇完醫生我帶妳去食早餐，好唔好呢 ?」
我望着面前正能量滿滿的爸爸，腦海中突然閃起長鬍子伯伯的忠告。
「爸爸…我有事想同你講…但你一定要信我」我耽憂支吾地說
爸爸立即一臉嚴肅地說 :「我當然會相信妳啦!妳係咪又發生左奇怪事?」
我先吐了一口長長的鬱氣，
然後便將昨天我疑似被「靈體」推出馬路，及我在夢中見到三位奇怪的伯伯的事，逐一詳細說出來。
我察覺到爸爸一邊聽一邊眉頭緊皺，
看似他心裡應該十分憂心。
「紫玥!都係爸爸唔好，成日掛住番工揾錢疏忽左妳，妳宜家點呀?有冇好唔舒服?」爸爸緊張地拉着我雙手說
「我宜家好似好好多，有番氣力，但尋晚我成個人都覺得好凍好攰，冚左三張被都唔覺得暖」我指着床上三張被子說
爸爸聽完後，他先刻意裝着冷靜樣子，然後帶有點僵硬表情笑着說 :「不如過兩日，我帶妳上去廣州見下爸爸既師傅，爸爸既師傅好本事，佢可以幫妳封左對眼仔，到時妳就唔駛成日見到「奇怪既人」不過妳一直以黎都見到，妳一定好驚架啦!」
我輕輕地搖頭說 :「其實我又唔覺得會好驚，只要「佢地」唔好推我出馬路唔好嚇我，我就覺得「佢地」同平常人無分別。」
爸爸不知是否被我這個傻傻的驚人之語，弄到他一臉驚愕。
而媽媽最後得知這件事後，
當然感到十分驚訝，
隨後媽媽即提議去教會找資深牧師幫手，但都被爸爸一一反對了。
我看着爸媽二人為了這事，不斷爭拗。
而到最後媽媽都妥協了，
讓我跟爸爸上廣州一趟。
在未上廣州之前，
爸爸不准我離開家中半步，
以及在晚上我要和爸爸同房間睡覺,
因爸爸說他有滿瀉的正能量，
希望可以保護到負能量的我。
我明白每人有自己宗教信仰，
爸爸篤信道教，而媽媽是虔誠基督徒。但對於當時的我，
在宗教上我仍未清楚自己方向。
#感謝大家對我耐心等待
#日日煮足幾餐煮到我傻
#日日對住個平板電腦真係好傷神
#大家繼續同步加油
希望大家看完故事後，會留低一個~讚好~送給我
24個讚
《被祂選中的人》
第八章~封眼(二)
天還未亮，
我和爸爸已經帶着行李出門了。
有一點興奮，又有一點期待，
因這一次的遠行，
是我第一次的遠行出門去。
要長途跋涉呆坐十多個小時巴士，
對於我是一種另類的體驗。
沿途我倚靠着窗子，
靜靜地望向車外的街景，
卻見到平日繁榮的街道上，
有另一番風景。
街上人數不多，
有疊好報紙正在歇息的叔叔，有穿着西裝慢慢地品嚐奶油多的上班族，有背著大書包等過海巴士的學生，各有各的事，互不相干。
但毫無疑問，
今天將會是我漫長一天的開始。
「紫玥，妳係咪唔舒服呀?呆左咁既?」爸爸擔憂地望着我
我垂着頭閉着眼說:「爸爸，我冇事喎!我只係…諗起「以朗哥哥」…之前同我講既最後說話。」
爸爸聽後立刻反應不來，
便拉着我的手溫柔地說 :「傻女 !過左去就唔好再諗。」
我微笑地搖着頭說:「爸爸，你誤會左啦!我只係覺得「以朗哥哥」好利害，
嗰時「佢」已經同我講過好多次，話爸爸你係我既守護天使，你會有能力保護到我，唔比其他「惡靈體」傷害我。「以朗哥哥」好似個預言家咁，好似知道我會有今日…但我相信「佢」一定去左另外一個地方過得很好。」
「當然啦! 我都好感激「佢」對妳咁照顧，但可惜呢個世界都會有傷害人既「靈體」! 阿囡，妳一定好驚架啦…」爸爸嘆氣地望着我
「其實我之前都遇到一啲「靈體」嘗試接近我既時候，我會心口痛…有冷汗…周身唔舒服 , 所以每次我都會好快離開嗰個地方。但有時候我又會聽到「佢地」講野，就好似之前係衣紙舖「馬尾姐姐」咁，我見到「佢」既同時亦感受到「佢」既憤怒」我繼續氣定神閒地望着窗外街景說
可能爸爸被我這冷靜若無其事的樣子，弄到他腦子裝着很多問號及感嘆號。
「紫玥…妳其實驚唔驚架?」
我無奈地望着爸爸苦笑一下，
再說:「一時時啦 ! 試過有次「佢地」突然間企喺我隔離望住我 , 咁我就會好驚。但講到最恐怖應該係唔可以同「佢地」有眼神接觸 , 因如果比「佢地」知道我見到「佢地」既話，「佢地」有啲會專登故意嚇我架，所以我盡量扮見「佢地」唔到。而我見到好多「靈體」都好鍾意踎喺地同黐牆企，而且有部份重好鍾意整蠱人添。重有如果我同「佢地」接通左，我諗緊啲咩，「佢地」都會知道，就好似之前我同「以朗哥哥」咁」
爸爸邊聽我說，他額頭不停出汗，
「阿囡!妳真係好…勇敢 ! 但係我唔想妳繼續不斷比「佢地」騷擾，所以爸爸決定揾邢師傅幫妳封左對眼 ! 到時妳就會冇事。」
#慶幸有朋友家人陪着我
#慶幸在這疫境中能工作
#慶幸有大家仍支持着我寫故仔
希望大家看完故事後，會留低一個~讚好~送給我
21個讚
好睇，多謝你寫d 咁精彩既故事
1個讚
《被祂選中的人》
第八章~封眼(三)
在這趟十多個小時長途車當中，
我真的忘記了自己，
在車箱裡嘔吐過了多少次，
及不停煩躁地追問爸爸，
何時我才能夠離開車箱，
因我真的感到非常不適。
在大約接近黃昏的時候，
旅遊巴士終於駛至目的地了。
爸爸左手扶着我，右手拉着行李說 :
「紫玥，妳嘔到面都青哂，陰公 ! 我地去前面個涼亭坐下先，等妳好啲，我地先去食晚餐啦!」
「嗯…」我沒神沒氣地垂着頭，跟着爸爸走進前方涼亭去。
入到涼亭後，
我看見有張石櫈子，
便不以為意就坐下來休息。
而嘔吐不適的感覺亦慢慢消退。
我才開始意識到這個環境，
好像有種似曾相識的感覺。
我面前的長石櫈、涼亭柱及四周環境，
完全和我之前夢見長鬍子伯伯，
相遇的地方非常吻合。
我隨即立刻再向前望，
看看前方石桌上某一角位置，
有否刻着~放下~這兩字…
「紫玥，妳係度做咩?」爸爸用奇怪眼光打量着我
而我並沒有正面回答他，
繼續在石桌上每一角搜查。
「冇既!冇字既…」我自言自語地說
「阿囡，妳唔好嚇我呀!」爸爸緊張地捉着我的手說
見到爸爸一臉凝重繃緊的樣子，
我立刻輕拍他的手說:「爸爸，我冇事呀 ! 只係之前我發夢黎過呢度，喺夢裡面既涼亭，同呢度簡直完全一模一樣。但就奇怪，我就係揾極都揾唔到喺石枱邊…有個~放下~既字…」
「下 ! 唔係咁邪卦 ! 不過…紫玥…妳揾唔到隻字都好正常既，發夢啫 ! 如果妳真係揾到隻字，可能我重驚添!」
爸爸刻意扮作鎮定笑着說
「爸爸，我休息完啦!我地不如快啲去食飯咯」我邊說邊推着他離開涼亭。
當我們二人到達飯店後，
我便嘆着氣說 : 「爸爸，頭先我見到有兩個男人，佢地企喺你後面眼定定望住我…」
「下!有兩個男人?頭先企喺我後面?」爸爸不禁驚訝地高聲說
「係呀 ! 不過「佢地」應該係路過冇惡意既，不過我頭先見到涼亭度，有幾隻好大既曱甴，好恐怖呀 ! 所以我咪拉住你走咯 ! 幾驚啲曱甴會爬上我隻腳度」
我不停搖着頭說
爸爸聽完我此話後，
他立刻忍不住大笑了起來，
然後他輕拍我的頭說 : 「究竟妳驚鬼多啲定驚大曱甴多啲呢?」
我用手托着頭沉思了一會，
之後我一臉無奈地說 : 「正常應該係大曱甴恐怖多啲，但如果「佢地」推我出馬路及嚇我，咁「佢地」就同大曱甴一樣咁恐怖咯」
「果然虎父無犬女!哈哈哈!」爸爸豎著大拇指開懷地笑着說
#感謝你們每位對我關心
#做義工前的確要學懂量力而為
#我仍相信人間有愛
#起碼在這裡有你們陪住我頂住
#好有愛既朋友之間家族
希望大家看完故事後，會留低一個~讚好~送給我
22個讚
《被祂選中的人》
第八章~封眼(四)
吃過豐富晚餐後，
我和爸爸便到附近的旅館留宿一晚，
待明天才去找刑師傅。
爸爸帶着我走入一間舊式的旅館，
而這旅館整體上都尚算整潔，
燈光亦很通明。
「囡，無野…嘛?」爸爸眨着圓圓的眼晴，慢慢將身子靠向我輕聲地問。
我微笑地搖着頭說 : 「冇呀!」
這座小旅館共有五層，
而每一樓層有八間房間出租。
當晚我和爸爸，被安排入住最高樓層。
由燈火通明的地下大堂，
到乘搭電梯上到五樓後，
兩者感覺真的有很大對比。
就在我行出電梯後，
我離遠直望到走廊中較右邊位置，
有兩團黑影蹲在其中一間房間門前。
我立刻裝着若無其事樣子地問 :
「爸爸，我地幾多號房呀?」
「507號房，應該係走廊尾，左手邊嗰間房」爸爸邊說邊拖着我手，行入走廊盡頭方向。
我和爸爸是並排而行，
而爸爸則站在右邊方向。
我牢牢地盯着那兩團蹲在地上的黑影，
就在我和爸爸距離黑影不足1米時候，那兩團黑影突然間，
好像輕煙般鑽入了右邊房間內，
我立刻鬆了口氣。
入到房間後，爸爸已催促我快些洗澡及刷牙，因明天我們要早起牀。
我本想與爸爸分享剛才的事，
但我都乖巧聽從爸爸的說話。
當我洗澡過後，
爸爸已將整個房間燈光調暗。
「阿囡!妳乖乖地自己瞓先。」
爸爸輕撫我的頭後，然後他便取浴巾走進浴室裡。
之後我便在行李袋中，
取出每晚陪着我睡的小熊公仔，
然後我便抱着它爬上床睡覺。
就在我躺在床上，閉上眼睛好一陣子，
我除了聽到浴室內的水聲外，
更聽到有好幾把聲音，
不停在我耳邊竊竊私語，
我完全聽不懂「他們」說話內容，
只感到「他們」非常煩擾着我。
我無奈地將被子蓋着整個頭，
希望「他們」能快些離開。
大約隔了數分鐘後，
隨著浴室內的水聲停止，
「他們」擾人的聲音也跟著停止了。
「阿囡!乜妳重未瞓着架?」爸爸拉開我蓋着頭的被子說
「我…我想等埋你先瞓…」我向着爸爸打了個眼色。
爸爸隨即不禁面色一沉，
之後他刻意大聲地向着牆說 : 「 冇事! 有爸爸喺度陪住妳，妳可以放心瞓!」
整晚爸爸都睡在我身旁，
不知是否巧合或其他，
自爸爸從浴室出來之後，
我便沒有再聽到擾人的聲音。
到第二朝早上，
爸爸和我趕快地吃過早餐後，
便乘車到刑師傅家裡去。
車程大約十五分鐘左右，
我們便到達刑師傅的家，
就在我腳踏入他門的一刻，
我開始感到異常的不適…
#希望故事能再繼續寫下去
#感謝大家仍肯追看
#我會盡量抽時間分配好時間
💗💗💗 ~純分享~💗💗💗
其實我除了做口罩義工外，我亦會替一些年長的老人家運送物資的。
~義工GOGOVAN~
今日我和老公上午忙完工作後，
便在下午替北角陳氏老夫婦，
代他們運送兩箱物資(包括醫療小器材及日用食品)
給住在慈雲山的阿姨，阿姨是一個六十多歲獨居長者，
她平日行動亦需要拐杖步行😔
一些年長的獨居長者在這疫情當中，同樣也是最受影響其中的一群。
大家一起加油!💪💪💪💪💪
希望大家看完故事後，會留低一個~讚好~送給我及分享故事
32個讚
好想快啲睇到後續
1個讚
《被祂選中的人》
第八章~封眼(五)
我彎着身子站在門外，
聞到屋內滲出一陣陣刺鼻的香燭異味，
而這種香燭氣味很濃烈，
並不似衣紙舖化寶時所散發的氣味。
其實屋內燃燒的香燭味，
並不是十分難聞的，
只是我感到莫名的不舒服。
「阿囡!妳係咪暈車浪呀?面都青哂…快啲飲啖水先」爸爸緊張地從袋內取出暖水瓶，然後裝了杯暖水遞給我喝。
突然有一位中年的叔叔，他打開着大木門，然後向着我們說 :「咦! 阿平你到左啦!做咩唔入黎坐，做咩企喺出面架 ! 刑師傅喺入面等緊你地呀 !」
「咦!阿志乜原來你都黎左呀 ! 唉 ! 我個囡好似暈車浪…」爸爸扶着我肩膞說
「咁快啲扶阿囡入去坐低抖下先」阿志叔叔隨即按着大門，讓爸爸慢慢扶着我進入屋內。
當我一入到屋內，便立刻衝向洗手間裡，不停地嘔吐。
而我在洗手間嘔吐期間，亦隱約聽到爸爸在外面正與人談話。
門外傳來咯 ! 咯 ! 兩下敲門聲。
「紫玥，妳點呀 ? 快啲開門比我入黎睇下妳先」爸爸在洗手間門外緊張地說
我聽到後，立刻用紙巾抹抹嘴角上的嘔吐漬，然後趕快地打開洗手間門。
「爸爸，我嘔完好左好多…但我宜家好攰…」我無氣無力地望着爸爸說
「妹妹，不如妳去梳化嗰邊休息下先」
老伯伯指向大廳梳化方向，然後他慢慢走近我身旁，他用雙手在我左右膞頭上輕拍了好幾次，及在我額上用手掃了兩次，之後他閉着眼晴，口中不停喃喃地自語。
「阿囡!呢位就係刑師傅啦!」爸爸雙手合十敬畏地望着我身旁的老伯伯。
「你好!刑師傅!」我整個人模模糊般，完全反應不來，只懂跟着爸爸意思去做，之後我便無意識般躺在大廳梳化上，閉着眼睛睡着了。
在梳化上休息大約一小時左右，
我開始慢慢感覺到心口翳悶消退不少。「紫玥妹妹，妳宜家有冇覺得精神左啲?」刑師傅一臉慈祥眼神望着我
「我覺得宜家好似好左好多，成個人好似輕左咁，之前我一直都唔知點解…成日都覺得自己，個心好亂，同埋覺得好煩，覺得好唔開心…」我按着自己心臟位置說
「紫玥妹妹，妳同爸爸宜家上香比師公先，記住要誠心誠意呀!」刑師傅隨即遞上兩炷清香給我和爸爸。
隨後刑師傅便在我倆身後，
好像作法請神般，不斷地喃喃自語。
我和爸爸嚴肅地站在壇前，不作一聲，
靜靜地等待刑師傅。
「可以了!我已幫紫玥封左眼，佢應該暫時都會見唔到「佢地」但我都想同你地清楚說明一件事，唔係任何人封完眼，就代表永遠見唔到，因有啲人都有機會，之後會再開番眼睇到，可能係某啲原因或者呢個人天生既使命，所以我唔敢保證封眼係永遠」刑師傅認真地向着爸爸解釋。
#希望疫情繼續持續下降
#希望大家個個有工開
#希望大家會繼續支持我
#第九章短暫寧靜
希望大家看完故事後，會留低一個~讚好~送給我及分享故事
24個讚
原來樓主都嚟咗，過嚟攬吓先 
1個讚
唔知之後刑師傅會唔會講點解紫玥咁唔舒服呢？
好想睇下集
1個讚
《被祂選中的人》
第九章~短暫寧靜(一)
「明白!我完全明白!今日非常感謝你出手幫忙」爸爸再次雙手合十向刑師傅連番答謝。
「紫玥妹妹，記住之後無論再發生任何事，妳都必須要先向好既方向去諗，唔可以再比自己諗歪方向，知道嗎?」
刑師傅一臉嚴肅樣子地叮囑我說
「但刑師傅…我有啲唔明白，其實我由細到大都一直見到「佢哋」既存在，而且咁多年黎，都一直相安無事，但點解今次「佢哋」要傷害我…我都無做過得罪「佢哋」既任何事…」我帶着極無奈眼神，及無助語氣嘆氣地訴說
「紫玥妹妹，不如我嘗試用個較簡單既比喻，去令妳可以真正明白。就好似如果有一個人，佢做任何事都光明磊落，而且更抱住正面心態去做事，咁妳估下呢個人，佢會唔會好容易受到壞人唆擺，從而影響這個好人去做壞事呢?」刑師傅邊說邊撫着他鬍子
「我覺得呢個好人根本唔會同嗰啲壞人做朋友」我好肯定地答
刑師傅即笑着向我豎起大拇指說 :
「妳答得啱呀 ! 咁如果今次我換轉係另外一個相反既人，呢個人做任何事都想不勞而獲，歪理狂妄自大心態去做事，咁妳覺得呢個人係咪最容易受壞人利用到呢?」
「當然啦 ! 曳既人一定會同番曳既人做朋友架啦」我再一次好肯定地答
「所以我地做人都應抱著正面心態去處事，咁我地身體上就自然散發出一種正氣能量，而呢種正氣既能量，正正就可以保護到我哋，冇咁容易受「邪靈」騷擾同影響，就好似俗語所講時運高既人，係比較少會遇到「靈體」但如果我係一個意志消沉既人，經常對人對事，都充滿怨恨同抱怨，咁身體上就會散發另一種負能量氣息，而呢種氣息係非常容易吸引到「邪靈」纏身。本身紫玥妳天生體質偏陰，再加上有陰陽眼關係，所以每當妳氣息轉弱既時候，妳就好容易比「邪靈」騷擾到情緒同埋身體」刑師傅邊說邊行近我身旁，然後用手指指向我額上。
「師傅!紫玥個印堂係咪好黑?」爸爸緊張地追問刑師傅
「的確係!紫玥頭先成個人氣息又差陰氣又重，再加上我頭先喺屋內，離遠見到有兩位靈體跟著佢，我估應該係你地尋晚喺酒店附近撞到，「佢哋」可能想喺紫玥身上，揾一啲著數啫，並唔係要害佢命，所以紫玥頭先企喺我屋外邊，佢先會咁唔舒服，不過你哋放心，宜家冇事架啦!」刑師傅說完此話後，便從神壇櫃檯上，取了一塊精緻玉器放在我手掌中，然後他和藹地向我笑着說：
「紫玥妹妹，妳戴喺頸上既平安扣已破左，亦都冇左辟邪擋災功效，所以呢塊玉器係我送比妳小小既心意，希望妳會將呢塊小玉器越戴越靚」
我開心握着手中的小玉器說 : 「刑師傅，咁你可唔可以教我點樣做，先可以令呢塊玉器會變得越戴越靚架?」
刑師傅聽後大笑了好幾秒，便說 :
「咁妳要記住我既方法啦 ! 每一塊玉器都會跟隨戴玉器者心情同氣息，而不自不覺漸漸咁轉變，而玉器最原始本身功效，係可以幫助戴玉器者調節一啲負能量，從而令到戴玉器既人感覺到有踏實的感覺。而玉器再深層次既功效，係可以激發到戴玉器既人，自身既潛在正能量去擋住不利既環境，所以一塊有靈氣玉器，係絕對可以有辟邪用處」
#感謝大家對我耐心等待
#疫情開始回穩實在太感動
#大家記得保持正能量心態
希望大家看完故事後，會留低一個~讚好~送給我及分享故事
21個讚
緊張又精彩既故事，多謝樓主分享 
2個讚
《被祂選中的人》
第九章~短暫寧靜(二)
「刑師傅你好似老師咁，令我學識左細細既一塊玉器，背後原來有咁深既學問」我不禁讚嘆地說
「師傅!今日我真係好多謝你，我地都差唔多時間要趕番香港，遲下我同紫玥一定要請你食飯。紫玥，同刑師傅講聲多謝先」爸爸禮貌地先向刑師傅敬禮。
「多謝你!刑師傅!咁我地下次再見啦 ! 下次你一定要教我多啲高深既學問架 !」我一臉稚氣地笑着說
刑師傅慈祥地輕撫我的頭說 :「當然好啦 ! 紫玥，我地有緣一定會再見 ! 記住今日我同妳講既所有說話呀 !」
我和爸爸與刑師傅道別後，
便乘坐中港巴士趕返香港去
自我由廣州回到香港後，
我感覺到自己整個人，
好像從糾纏的死結中，
解開了般輕鬆舒暢。
學校聖誕假期終於完了，
我又可以如常地放學後，
到欣然衣紙舖裡做功課。
「咦 ! 紫玥，睇妳個開心樣，呢個假期妳一定玩得好開心啦 !」欣然嫲嫲笑着地問我
欣然聽到此話後，立刻搶着幫我說 : 「唔係呀嫲嫲 ! 紫玥佢好慘先啱呀 ! 佢喺呢個假期，比隻「衰既鬼」推佢出馬路，同埋攪到佢又病又發燒呀 !」
「下 ! 發生咁大件事 ! 紫玥點解妳唔過黎揾我呀 ?」欣然嫲嫲一臉驚訝表情望着我。
「我嗰陣時成個人咩都諗唔到…剩係好灰咁覺得自己好慘冇人理。但之後好好彩，爸爸帶左我去廣州，揾佢既師傅幫我淨身同封埋眼，而且重送左塊玉比我戴添，所以我宜家冇哂事啦 !」我邊說邊從頸上取出玉塊展示出來。
「妳個小佛像好靚呀! 嫲嫲，我又想要個小佛像呀 ! 」欣然高聲地叫嚷着。
「好 ! 好 ! 妳唔好貪得意戴幾日就唔戴，我就買一塊比妳啦 ! 怕鬼左妳 ! 係喎 ! 紫玥睇妳塊玉應該係嗰個師傅幫妳開左光，妳記住唔好除落黎，要日日戴住呀!」欣然嫲嫲說
「我知道呀!刑師傅重教左我要保持正能量既心情，塊玉就會變得越黎越靚」我滿足地摸着小佛像說
「我覺得妳見完呢個師傅，封完眼之後，妳成個人變得開朗左，實在太好啦!」欣然嫲嫲高舉大拇指笑着說
欣然聽完我們對話後，
她立刻一臉疑惑樣子說 : 「係咪即係封左眼就再睇唔到「怪叔叔」同其他「朋友仔」架?」
欣然嫲嫲向着欣然點頭示意。
隨即欣然立刻很大反應地說 : 「嫲嫲，我都想學紫玥封眼呀 !」
欣然嫲嫲搖着頭說 : 「傻女 !紫玥係有原因先至封眼架! 同埋封左眼都會有機會遲下開番，加上妳由細到大一直都冇事冇幹，又冇病冇痛，就應該順其自然，知道嗎?」
欣然偷望我一眼，無奈地點頭說 :「知道 ! 嫲嫲 !」
#第十章目睹意外
#好多謝大家幫我按讚支持我
#下一章紫玥會開番眼見到交通意外
希望大家看完故事後，會留低一個~讚好~送給我及分享故事
22個讚
致各位支持紫玥的讀者們:
《被祂選中的人》故事不知不覺已開始進入核心故事了!之後紫玥既遭遇，將會可能令到大家會有點不安，但我都希望大家仍會繼續追看
#此故事係真人真事改編
#星期一會更新暗黑篇
7個讚
香港日日發生更黑暗更令人不安嘅事，我哋已嚇大了。
1個讚
期待中, 謝謝
1個讚
好好睇，睇到涼亭伯伯話：放下，有啲眼濕濕…
1個讚