《被祂選中的人》
第十五章~重啓(一)
當被那團白影迎面穿透我整個身子後，
我當刻整個人感受到異常寒冷，
而這股冷冰冰的寒感，
令到我打從心底，
都感受到莫名的不安及恐懼，
從而我身體亦發抖了好幾次。
「表姐，妳係咪好痛呀 ? 個大白影點解會撞埋妳度 ?」
賢仔一臉緊張地捉着我雙手追問。
「原來你…頭先都見到嗰團白影撞埋我度…」
賢仔用力點了兩下頭後，
然後他再將雙腳捲曲在椅子上面
「我見到嗰舊白影撞完妳之後，就即刻唔見左 ，但係我之前見到既天國既人係唔會撞人架…「佢」係咪壞人黎架 ? 」
「傻豬，表姐冇事喎 ! 我冇痛呀 ! 所以你唔駛驚架，可能頭先嗰團白影係唔小心先撞到我啫」
我強裝鎮定地說，
因始終賢仔年紀仍小，
故此我也不應向他說出太多實情。
而事實的實情，
我是感應到那團白影，
剛才對我的突襲很明顯是來者不善…
當黃昏過後，
在靈堂上的所有親友，
亦開始陸續地離開。
「紫玥，個儀式都差唔多完，我同妳可以返屋企休息下，而賢仔等陣你就跟爸爸返屋企」
媽媽邊說邊看着手腕上的手錶
「咁爸爸呢 ?」我問
「爸爸要同大細姑姐留喺度，攪埋聽日大殮啲事，可能要夜啲先走得，乖啦 ! 聽日嫲嫲就大殮，佢哋有好多事要幫嫲嫲處理，知道嗎 ?」
媽媽溫柔地撫着我的頭說
「知道 ! 但可唔可以比我臨走之前，去靈寢室同嫲嫲講聲再見先走…」
而坐在我身旁的賢仔，
亦隨即中途插口地說 :
「表姐 ! 靈寢室係咪婆婆瞓覺嗰間房呀 ? 」
「係呀…」
賢仔聽完後，
他立即躲到我媽媽身後，
然後不停搖着她的手說 :
「舅母，我唔想跟表姐再去嗰間房，我要跟住妳 」
媽媽當刻頓時反應不來，
只尷尬地笑着對賢仔說 :
「好 ! 好 ! 」
然後再向我說 :「紫玥，不如我叫爸爸陪妳一齊入去見嫲嫲，好唔好 ?」
「其實我自己入去都可以，我識路架」
「表姐，妳唔好自己一個人入去嗰間房啦…「佢哋」可能重喺入面架…」
賢仔畏怯地用雙手蓋着自己眼睛說
媽媽聽完賢仔此番話後，
她不禁用疑惑眼光望着我。
「 紫玥，乜野「 佢哋 」喺入面呀 ? 」
情急生智的我，
立即裝着一副無奈的樣子，
然後再走近媽媽耳仔邊低聲說:
「其實冇咩野呀 !只係賢仔頭先去洗手間既時候，喺走廊見到好多唔同既紙紮祭品，所以佢有啲驚啫 !」
「原來係咁 ! 咁我睇住賢仔先，妳快啲入去同嫲嫲講再見」
媽媽亦隨即抱起賢仔放在她膝上，
然後揮手示意叫我離開。
#疫情後影響我身邊好多朋友
#每日正負能量都思想交鋒
#希望明天會更好
#感謝大家對我陪伴支持
