想同各位分享下自己少少關於輸卵管造影檢查,希望可以幫心思思想做又唔敢做GE 各位踏出第一步 
我同老公備孕2年,唔算經常行埋,主要都係由DAY8 開始至排卵期
不過可能有壓力,愈近排卵期就愈常失敗,個個月都好失望
我本身M好準.醫生又睇左,照左一個cycle 陰超, 一切都正常,老公又驗埋精
最後係得番個輸卵管檢查…一直爬文同聽朋友講,都知道係好痛GE 檢查…
所以一直都唔敢去…
但試左甘耐又搵唔到失敗原因
最後同醫生商量後,決定做埋輸卵管檢查,就開始做IUI (但醫生都話有人係選擇唔做造影檢查,直接IUI)
我係DAY7 經醫生介紹去化驗中心照,姑娘提我幾次一定要早30分鐘上去診所拎止痛藥同抗生素
由於我真係好怕痛,所以我超準時上去食藥!
去到中心,簽左份同意書,換袍除淨底底,姑娘再同我講解成個過程,話會放條管入去,之後會打漲個波,一定會痛,最緊要我要合作,之後就好慢好慢甘打顯影劑,你如果好痛就話我知,我地會即時停,有D人做會好痛,有D人做又無咩野GE~
雖然我已經上網爬左文…但聽佢講完…我仲多幾分緊張…
等左好難捱GE 半h,終於到我,
姑娘叫我除左下身褲, 再墊左一塊野係床,話一陣可能會流返d顯影劑出黎
之後訓上床,左右2個姑娘扶住我對腳,有個女醫生入黎,再同我解釋多次檢查過程,話唔舒服係正常GE,如果好痛就叫佢地,佢會停,佢地會睇住我…
聽到呢度…雖然有D 暖心,但我都有刻緊張到想起身走…
之後就開始消毒,醫生叫我唔駛驚,依家只係消毒,涼涼地,
之後聽到佢就同姑娘討論要拎咩size 鉗俾我…醫生答細啦,再望望我,你唔係好高JA?? 我即時答佢,我一D都唔高…細夠曬…
跟住就開始用鴨咀夾撐開子宮頸,我太好緊張…係甘夾腳…2個姑娘不知打開番我對腳幾多次
之後feel 到佢地同個鉗係入面左搞加搞,再feel到佢地放左D 管之類野入黎
講真…都幾唔舒服…
直到聽到醫生話,好啦,依家可以拎走個鉗等你無甘頂住…我先舒適D
跟住就開始打漲個波,(因為一早睇文話依家先係戲肉…我已經準備好要受死)
bump左幾下…係有D谷M甘…但又唔係接受唔到GE 痛…
當我正等緊更痛GE 來臨時,醫生同姑娘已經停左手…同同我講,依家會準備打顯影劑,你聽住個咪GE 指示就OK 嫁啦, 如果真係太痛,你出聲,因為個咪有D 遠,你要大聲D
佢地就出左去
之後咪就有把男聲,話會準備開始打嫁啦,我已經做好要承受勁痛GE 準備…
點知等極都只係feel到有液體流過,未有太痛感覺
我仲諗…D 顯影劑唔通真係慢得甘緊要……再等多幾秒…姑娘已入番黎,話檢查已經做完,幫我除番D野出黎
扶我落地,俾tissue我抹乾淨
我以為會有好多血絲…但都係得好小好小淺淺地色GE 野,抹2下乾淨曬
我見做時真係唔太痛,就問姑娘,甘係咪代表我無事…
佢話又唔一定嫁,到時有報告會通知番你
我就換衫走得!
出到黎心情放鬆曬,一路同老公講,一定係醫生D止痛藥夠勁先會甘
仲走去行左陣街…點知30分鐘後,我開始feel到痛…
都算係幾痛GE M 痛…痛到彎曬腰…大約維持左2個鐘就好番好多
跟住幾日都無咩血絲/其他野流出黎
可能因為我實在睇到好多文章講會好痛…有朋友仲發埋燒
心理上我已經擔心左成星期…到最後發現原來心理以為GE 痛 痛過檢查時身體GE 痛
如果仲未搵到不育原因Ge 各位,都鼓勵你去檢查埋輸卵管,
俾自己買個安心…
祝好孕! 
