一個聽話識哄人，一個就教極唔聽/ 行為逆你意思。。
唔係想偏心，自己都覺得衰但又好無奈。。
1個讚
人個心本來就偏左
只有逼自己盡量公平
我小時好曳，父母也偏姐姐
老實童年好影响自己的成長
今天自己做人媽咪，個心幾偏都好，都要顧及小朋友感受
4個讚
咁你更加唔好偏出面，唔係只會惡性循環。
好明顯唔聽話嗰個都feel到。
2個讚
有d父母係偏心「差果個」，每個人偏心既原因，都有d唔同。
如果覺得自己可以做好d，可以試下改變，盡量改，改唔到亦唔需要自責，或無奈，人係軟弱既，總有弱點，接受自己唔係完美。
2個讚
行為逆你意思，將來佢會更有大作為。
因為有自己意見思想。
唔係話聽話嘅唔好，只係對比下，要你安排佢先識行。
人係會偏心，諗下自己嘅偏心可以點利用係佢哋兩個身上。
2個讚
我同樓主好似，明明叫自己唔可以偏心，但個心都…其實真心兩個都錫，但有時真係會忍唔到，然後覺得好內疚。
我自己兩個都係咁 
唯有同另一半盡量互相提點，當一個偏心太出面，另一個要快啲補鑊
我都有二個，其實偏心都係一時時，有時大嗰個乖啲，有時細嗰個得意啲，但不時提醒自己，偏心都唔好令另一個hard feeing
以家個心冇偏左㗎啦
曼德拉效應
2個讚
讚賞和正面說話可改變一個小朋友
我兩個，大嘅都係唔聽話，又大脾氣，細嘅乖巧窩心
細嘅bb時，我都幾偏心，但我同自己講：呢個係動物天性，保護細bb
但當我有同佢地獨處嘅時間，我都會話佢係我最錫嘅大BB
我大B好靚仔(細個d人成日話佢好靚女)，一樣會嗲我，更重要係：佢有SEN，好多時佢臭脾氣唔係佢想嘅，佢都身不由己，佢同我講嘅問題，我都解決唔到 (唔想返學)，但佢知我明白了解佢，我越了解佢，佢妥協亦多咗，所以，以前激死我嗰個細路，已經讀中學，我繼續幫唔到佢解決佢嘅學習問題，但我會去聽講座，參與家長班、家長小組，佢知我努力學習，我亦俾到方向佢，話佢知佢可以點解決
我估，無人會唔錫自己生嘅小朋友，多少分配唔重要，重要嘅係個別感受，兩個都知媽媽錫！
3個讚
其實自己點諗唔緊要、唔好講出嚟做出嚟就得。
最勁嘅高手唔係做到仔女覺得你公平唔偏心、而係你令小朋友feel到你偏心果個係佢。
儘量兩個小朋友都做到有獨立相處的時間，又或者只有屬於你們兩個的話題，其實好難公平，只要每個小朋友都覺得自己可以有媽媽的專屬關係，就唔需要講公平啦。
自己都盡量唔偏心，但係老公都做唔到，外人都覺得佢偏心細妹，但佢自己唔覺囉