夏天一定屬於沖繩, 雖然暫時未有得去，但係見到咁嘅海水，心情都會變到好靚。
其實，拍完呢條片時候日本開始要求自粛，叫沖繩人不要去名䕶。所以被要求暫時不要放這條片段出來，因為睇過嘅人無不嘩然，有機會吸引好多人再去古宇利島。
即是已經去過沖繩古宇利島的人，都會想再返去，去呢一個位置。
https://www.facebook.com/451709898347029/posts/1356513771199966/
4個讚
玻璃海, 真係無得輸, 我成日想喺條橋度影相
大部份人都會喺條橋度影相，或者沙灘同心形石。仲有好多地方好靚，不過大家都比較趕時間，比較少人會慢落嚟。我住咗四年幾，仲可以不停發現新景點。
好靚，係咪一定要搭船先去到宮古島架？
1個讚
去過兩次沖繩，真係好舒服好舒服既地方，可以忘卻一下香港既煩惱
1個讚
片中系本島，那霸機場兩個鐘頭車左右，通常第一二次去沖繩那霸都會去古宇利島，但大家為打卡，其實可以慢慢遊，有好多絕景cafe hea~
如果宮古要飛機。個度又系超靚。我地每年都去。
系，香港…叉叉電再死過！
果時join day tour去，真係覺得好靚好靚，不過果時留得好少時間，都行唔到d乜地方
如果唔識揸車，沖繩最好北部中部甚至南部分開酒店住。跟住叫的士或者day pass 觀光巴士, 咁樣係最平同埋最慳時間。每日鎖定一兩個景點，慢慢hea, 會發現好多旅遊書唔會介紹嘅嘢。
咁樣就可以體會到沖繩嗰種慢～
我地果時住國際通附近，靠搭巴士去美國村，跟住就day tour，係美國村行下坐下吹下海風都好舒服
沖繩夏天係旅遊旺季，但係仍然好多地方都好休閒。（今年就當然特別誇張）。
夏天我想避開人群嘅時候我哋就會去南部，因為交通唔方便，所以好少遊客。南部係本地人嘅生活圈。
個陣揸架車，隨便搵個位停低睇日落都好靚～ 野食又好味，又悠閒，真係好正呀
想請問沖繩單軌係咪去到好多景點/商場？
唔係呀，集中市中心咋。
但係有一兩間公司營運daypass 旅遊巴士, 例如JTB. 由機場去到水族館途中會停好多旅遊景點. 例如美國村, 恩納 等等. 時間只係比自己揸車長少少, 一個鐘頭兩三班車, 係一個唔錯嘅選擇.
其實有三四個人或者四五個人, 坐的士可能仲平. 沖繩坐的士同香港價錢差唔多.
謝謝你的資料
美國村及水族館上次跟團已去過了
再去會自由行賴死喺沙灘及喺市中心蒲