想個仔由幼稚園就開始接觸多 d英文，係唔係一定要讀國際幼稚園? 有沒有介紹? 家姐已讀一間唔錯嘅小學，細佬應該都會跟住讀，咁揀幼稚園應該點揀呢?
你可以有兩個選擇：
龍幼 VS 大牌子/國際部
龍幼唔洗講，民生、高主教、宣幼、蘇幼，呢幾間全部都有靚嘅小學部，學術好升中好，雖然龍幼學術就可能冇咁深，但一定銜接到去小學部。蘇幼仲有國際部添！部份學校都有國際部（e.g. 德福、崇幼/小）都可以讀。
大牌子 SC KV LH York KM 呢啲都係幫小朋友考小嘅幼稚園，所以學術唔會差、資源亦一定有返咁上下。
以上全部，都一定有人出去再上英文堂。
其實平時睇英文卡通，或者另外補習都得
咁如果讀龍幼，銜接到上小學，係唔係唔一定要跟家姐讀同一間小學?
咁要睇家姐嗰間同「未來小學」值唔值得讀。e.g. 如果係蘇小 VS 軒小，咁軒小就當然優勝啲。如果係油天 VS 宣小，咁肯定宣小。要睇係邊間邊區嘛。
不過除左培道之外，應該其他龍幼都唔係 100% 全部收曬。冇世襲官津嘅龍幼家庭就會加操去穩拿 offer。不過你已經有家姐，而相信你亦覺得家姐間學校唔錯（應該都係官津可以自行直入？），咁你可以冇後顧之憂，龍幼上到小學部咪讀小學部或者 vs 下，想錦上添花咪試埋其他直私/搏甲部入喇沙、St Jo（如果你間 offer 畀抽獎），冇嘅話咪讀家姐間學校。
識人係家姐叩入龍津，阿妹讀 SPK，佢完全無後顧之憂，如果有 offer SPCS 咪讀 SPCS（應該係收返 70% 左右），唔得咪自行入返家姐學校，冇壓力升小。
1個讚
我住石硤尾，請問九龍塘，九龍城，深水埗區有咩幼稚園比較好可以嘗試?
龍幼嘅話，九龍城、深水埗可以揀民生、宣道、禮賢（呢個你應該清楚）。另外培正、培道、九真、崇真都可以考慮嘅，但培正就基本上讀足 15 年唔會走，中學部係中中，要諗清楚自己鍾唔鍾意。都要公道講句，佢英文比下有餘。培道同九真就好少男仔，中學部又係女校，未必啱心水。民生有直屬中學，大概收 7-8 成，可惜一班好多人，一級都多過 200 人。宣道就唔係收返好多，但因為可以抽獎，啲家長抽到靚校/考到龍校就放位，呢間你肯操 fit 學術就必定收，就算佢唔收， SFA 都穩勝。崇真就因為可以抽獎，一定多人放位走佬，佢有本地部、國際部，長沙灣間 Band 2 中學就同佢零關係，但佢肯收頭 70% 嘅小學部學生。呢間星期日有主日崇拜，唔抗拒嘅話，可以一家人經常去。
非龍幼嘅話，咁正路都係我上面講嗰幾間大牌子。 另外一間就 N 年前讀過，後來轉走左。感覺唔錯，全日班，石硤尾邨樓下。佢大坑東都有分校，都係全日制。
好多謝你咁詳細解答呀…
你話大坑東都有分校係邊間? 另想問我仔係 19年一月出世，請問係唔係嚟緊九月要揾學校?
去一轉 schooland 深水埗區幼稚園，你就睇到曬 SSP 有乜幼稚園揀。
普通幼稚園 K1 就入學前嗰一年嘅 8、9 月報（冇記錯嘅話，足 2 歲 8 個月）。N 班就要足 2 歲先可以入讀。龍幼應該係冇 N 讀，石硤尾/大坑東呢間係有 N 讀，依家呢個時期已經接受報名。劍鳴、SC、LH 係有 N 班，但我唔清楚係咪已經開始報名，最好自己望下。
如果我有家姐阿哥世襲位，我會比小朋友讀譚歐陽
呢間好好?
其實可唔可以唔跟家姐讀同一間小學?
點解唔可以？大把人仔女讀唔同學校喔！
你入到其他更好嘅咪讀嗰啲，唔得就一係等自行，一係大抽獎，一係叩門。
明白…
請問崇真，迦南好嗎?
我d仔揀KG年代，d人話崇真國際班唔錯，但睇下睇下，最終都係比較鍾意KM/LH