本人育兩個小朋友，最近因家暴離婚，
離婚前收入主要係綜援(低收入家庭)，
本人係家庭主婦，兩個小朋友正在念幼稚園，
我被告知離婚步驟為以下。。
離婚後，法庭會判前夫支付贍養費
社署表明一旦有贍養費的判決，會立即中止綜援，我需要自行追討贍養費,經濟來源自理
重點係我知道前夫絕對唔會支付贍養費，我如果入稟小額錢債處審理需時，政府中止我的綜援，本人因嚴重情緒病而無工作能力，個人儲蓄只足夠撑一個月支出，我應該如何應付"財政真空期"？ 應該用咩理由可以令綜援體恤我case ?
本人連咨詢律師的錢都無，才在此po文集思廣益，謝謝大家提供意見
你哋係自行喺家事法庭申請離婚？
喺要求贍養費嗰度只填寫$1
首先如果法庭出左命令你前夫要幾時比贍養費但佢到時無比嘅話，你就要去家事法庭或者申請法援呢個途徑去拎證明你已經做左追討贍養費呢個動作，咁社署先會出住啲津貼比你先，到你追到你前夫贍養費後，就要歸還比社署
所以一開始傾贍養費時最好唔好寫咁多，男人有心嘅話唔洗判都會自己比你，無心比你嘅話佢點都會走數或者唸方法唔比
贍養費$1 聽過，如果呢個方法，我唔清楚他俾(履行)同唔俾(唔履行)會唔會對我有咩影響。。 謝謝提供意見
感謝你的意見，呢個社署無同我解釋，追討期間有"津貼"，單親媽媽的傍徨，只好來這裏求方法，請問這些津貼足夠生活嗎？我好怕小朋友會因為我離婚而餓死。。。。
很感謝你的回覆，令我不至於太傍徨
以我所知係將你份綜援金扣減$1後再出比你
我諗俾$1 係指你要膽養費 大個可以加
$0係指直情唔要 後追好麻煩
想問下你離婚手續現到什麼階段:
你如一直收入主要是綜援，不如找法援律師幫手，可問到意見。
另如你前夫唔比錢，最重要是追數的動作要做，綜援就會繼續提供！
夠唔夠用最主要係你洗唔洗租屋住，定係住公屋，如果你要出面租屋嘅話，你預左要好堅，唔好唸住出街食，咁就唔會餓親
很感謝你答覆我，我住公屋，我會為兩個人小朋友努力生活，聽完jm們意見少左好多擔心，謝謝你的解答
謝謝你的意見，法援已找，但我得到的法律意見同資料真係好有限，咨詢過程15分鐘都無，有關生活費，律師只答我要追討前夫贍養費，綜援part叫我問社署，社署就話追討贍養費的訴訟，同追討期間會無綜援support,閣下自理，我唯有在此跪求意見。。。
謝謝你的解答，我試下問律師$1贍養費呢個option
你申請法援攪離婚，確認你攪緊離婚，拎啲文件去社署申請綜援，話你攪緊離婚，老公已搬走，屋企得返你同小朋友，因自己要湊小朋友同有情緒病（拎埋醫生証明）所以返唔到工
加油呀，我都係過來人，小朋友大得好快，佢地大左會好錫你的。
好感謝你的意見，我嘗試下交醫生紙俾社署先，但另一方面又怕披露個病情會影響我爭取撫養權，anyways 見步行步，感謝你的留言
感謝你的鼓勵，令我呢個單親媽媽知道我並不孤單，大家係呢度互相取暖，謝謝各位jm 
我會為兩個女do my best
但如果你老公同你爭撫養權，你老公知唔知你有情緒病？同埋一路你湊開小朋友，都多數跟返你，同埋小朋友跟邊個間屋就邊個住的，會以小朋友利益為先，聽你講家暴既話我諗小朋友都唔會比跟你老公啦，你自己記得睇醫生相信會好的，樂觀面對，向前望呀
這個不用過份担心！
只要你定期覆診，冇話情緒大亂又常入院，有情緒病問題不大。
反而，你要問自已和仔女關係好嗎？仔女喜歡跟你生活嗎？有冇常心煩打罵仔女？……這是爭撫養最重要之處！
你情緒唔好仲一個湊兩個會唔會太辛苦…身邊有其他人可幫手嗎？要處理好多文件同生活上既問題，一定好大壓力，怕會更影響你情緒，咁樣對你同小朋友都唔好呢