如題
教阿仔寫字（其實只係要佢寫3-5隻字），他經常不認真，唔聽講，常用自己方法亂寫/求其寫，激死，又唔想閙，唔想攪到學習唔開心
一齊寫，你用左手寫。
睇下邊個寫得靚。
3個讚
叫佢睇3次筆順先
等佢觀察左
你慢慢寫一次俾佢睇
之後就到佢寫
1個讚
約埋小朋友1-2個同學，一齊教
小朋友開心、同學仔又開心、自己又唔發火，win win win
1個讚
小朋友幾大，如果係k2~2年級，就同佢講做完其特定數量功課，有獎賞，例如可食1粒糖。及做1個表記錄小朋友做功課嘅表現來蓋印換獎品 。我嗰時係每儲夠10個印，就有份你set價錢（我通常set under $20）但由佢自己揀嘅禮物, 如儲夠30個或以上，就有1份大禮物，價錢都係我自己set,但到3年級呢啲方法唔work啦！
1個讚
我都係儲貼子計劃
咁如果讀到小學應該點樣獎罰
？
我都有，但已冇效
好
是的，不過唔係咁容易約到人。 試試，謝謝
同佢一齊做所有野，包括串字、寫字、背書。並且要俾佢知道，你想幫助佢攞好成績，付出左時間，所以佢亦要尊重你、認真對待。呢啲你要講出黎先得，唔講佢地感受唔到亦唔明白。
有獎有罰，做得好就有貼紙換獎賞 (小禮物、圖書、玩樂時間)。佢做得快又高質，我係會俾剩餘時間佢去做任何野，佢想我陪玩、講笑話都冇問題。考試同 Candy Crush 一樣，要達三個標，80、90、100 分，越高分獎品越可觀，係 work 架。
唔敢話個個都 9 字，但陪溫書之後真係分數有進步，亦係班上頭 1/3。
呢排我日日同唔同年級嘅小朋友溫書，暫時都未鬧人。最發火係同一個字串錯幾次，宜家用罰錢制度，錯一個 careless 扣 5 蚊，佢肉痛就會小心認真，好過我哦佢一千句。
最唔傷感情就係外援。小朋友對外援會收斂聽話啲。
1個讚
會怎樣決定寫咩字？
最好小朋友可以參與決定寫咩字。可以玩遊戲抽卡看要寫咩字，可以學寫有興趣的字，例如：公主、比卡超、小馬、米奇。或者寫同佢有關的字，佢既名，爸媽的名，地址、朋友的名等。
可以用沙等先學筆順、筆劃。
最後先用筆寫。
1個讚
唔好意思，我唔識點覆msg
,3年級後，如果是功課默書呢啲，我交俾學校處理，小朋友始終怕老師㗎，家長同仔女糾纏都唔多聽我哋支笛。不如你同老師傾下呢個問題，由老師同小朋友了解下呀! 依家我女5年級，佢有好多自主要求及意見，如果我認為在某啲佢自己可以處理嘅事情上佢自己攪得掂，通常我都會放手俾佢一試，例如默書小測呢啲，佢依家自己溫自己默，默完俾我望下錯啲咩！我又唔會罵佢，總之要佢自己培養責任感
1個讚