想問K1面試應該點樣準備？有冇咩書可以幫到bb準備面試？
好似有教材
通常玩併圖、疊積木、集體唱歌跳下舞
問問題：
間間都一定問，問下個小朋友叫咩名，邊個同你嚟？最後送禮物比小朋友 睇下識唔識講多謝
測試：
切水果，比隻公仔佢指出眼耳口鼻係邊，比幅圖 要答幅圖係咩(eg 貓、橙、香蕉)，仲有問顏色數字
Thanks everyone!
有冇邊度有賣準備K1 interview嘅教材？商務會有？或者網店？
如果你地有買過嘅話，可唔可以話我知你買過邊隻牌子嘅積木？其實我成日都嫌佢有啲難聞嘅木味
你買過咩教材？
講你都唔信 
我用麻雀
其實都係訓練佢疊野嘅能力
用任何野都得啦
haha聽人講話用麻雀訓練bb都係第一次
不過你啱 總之可以疊到就得啦 
家長心態上:自己要放鬆先唔會令小朋友面試時感到壓力，對小朋友答錯問題要處之泰然，引導小朋友答返岩，如果再答都係錯，讚佢good try 。老師睇小朋友表現，亦會睇家長，家長如果對小朋友答錯問題表現得好緊張，我覺得有點會減分。
小朋友方面：要在家train坐定定，離位自己推返櫈，同老師講早晨，走就講拜拜，對人地問問題要回應，唔識都要表達唔識，即使唔講，擰頭表現唔識都起碼有回應，同唔識都鼓勵佢嘗試答下，通常問顏色，小朋友叫咩名，邊個同你嚟，水果或者眼耳口鼻。
問家長方面通常圍繞住小朋友日常，例如平時邊個湊佢？佢最鍾意食乜（當然答有益食品）？佢屋企有乜嘢人？你哋親子時間做啲乜？呢一大蘿問題可以俾你發揮點解揀呢間學校，平時點培養小朋友，小朋友自理能力有幾多等等都可以喺答問題中show到出來。
個個家長見面時間就係咁多，基本上同見工原理一樣，用最短時間表現出優秀的地方，只是型式上較輕鬆，不做作。
1個讚
我當時有俾小朋友返playgroup ，可以切合到interview 時一班小朋友，同小朋友單獨入去in的情況，最怕佢識答，但入去前怯場，跟住喊，就可以收兵回家。
我search 緊面試教材
見到唔知買唔買好
呢個好有用！多謝！ 
有冇咩playgroup推介？
我應該會買 不過未知係邊度買好
如果有人有買過啲咩 不妨係度share出嚟 我都會去睇下
我返開嗰個喺太子，我都有上過其他，但呢間介紹朋友都話好，因為train小朋友自理，認字，認顏色，上完每一堂老師都會講返學左乜，家長要返去點配合，家長有問題都有問必答。我pm你，我怕唔准開名。
