阿女一直有響跳舞學校學芭蕾舞，今年考pre-primary.
由於某d原因黎緊9月我地唔可以再上原本果間芭蕾舞學校。我搵到屋企附近原來有幾個選擇，有其他芭蕾舞學校亦有社區中心，大家都係考同一個試。兩者價錢相差好遠，其實學既嘢會唔會有好大分別？有冇人可分享下？
芭蕾舞學校︰學費一堂大約$250-$300，但位置同屋企差15分鐘車
社區中心︰學費一堂大約$100, 位置同屋企差5分鐘步行
如果會考試﹐
我覺得社區中心果D唔會學得好好﹐
舞蹈中心果D應該嚴謹D﹐
感覺上專業D。
1個讚
我冇上過社區中心，唔知情況係點，所以想睇下有冇經驗人士分享。
以前上開既舞蹈學校人數得6個，學得係幾好。
唔知學跳舞係咪都一樣「一分錢一分貨」？
有無問過導師佢本身資歷?
例如如果佢係出面都有教同 Level 的班會好D；
就好似我女係畫室學畫畫﹐
其實個老師也有係社區中心開班﹐
不過我女係社區中心參加興趣班﹐(不同類型的班)
導師就堅係 hea﹐
不過玩就無所謂啦咁。
1個讚
依家社區中心個班停左未開返，所以聯絡唔到個老師。中心職員就話老師有好多年教跳舞經驗。
但你提議得岩，等開返班之後我再直接問下個老師先。
幾多學生一班?
社區中心12個
跳舞學校6-8個
其實社區中心真係求其
芭蕾舞學校定社區中心，冇話邊個一定好D，最重要係老師。有D老師自己跳得好好，但唔識教，有D老師雖然唔係專業舞蹈員，但識睇識教，考試亦有好好的成績，我仔兩種老師都跟過。
1個讚
最緊要導師有愛心，可以同社區中心既同事了解下，睇下佢地同導師點樣合作，同埋有無咩配套，例如：表演機會。如果間社區中心有心，你小朋友係個度成長都係好事。