想知有冇人既小朋友讀緊可以分享下好唔好？
我姨甥仔讀緊，佢由yr 1讀到而家yr 9，讀IB，happy school，功課少測驗少，成績係功課project考試一齊計。
校風幾好，冇聽過有咩不良少年問題，講到尾學費都唔平，比得小朋友讀呢啲學校都係想學習環境好啲。學校老師唔同國籍都有，同學生都係用英文溝通。
最值得留意嘅係，由小學到初中都係行IB課程，但係上高中會分兩班學生，一半讀dse一半讀IB，萬一分左要讀dse，讀左咁多年IB一時間要讀dse會好難應付。
想請問知唔知d同學仔會係咩國籍?
1個讚
基本上都係香港人，非常少量外國人。
Thanks! 我最怕有好多強國人啫 
即係行ib讀開，成績唔夠好會要要你考返dse?
我有offer, 但思前想後都係唔take…
宏信係直資學校，有51% 嘅學生要參加DSE, 邊個有得讀IB, 邊個讀DSE 係由學校決定。如果你有後路，就算無得讀IB，你有能力轉去國際、出國，咁先好考慮。
但就算有得讀IB, 宏信業績都唔夠亮麗… 我略略睇過IB 評分方法，係會評埋間學校教得好唔好嘅，即間學校會影響小朋友IB 成績。咁我明點解咁多人想入CKY…
宏信由小學開始已經行IB, 做project 多，根本好難應付DSE 中文，想轉去官津又無乜人收… 搞咁多野讀DSE, 不如小學去官津，由細train 起。
總結，我覺得宏信性價比唔高，有錢嘅，不如去間業績更好。
1個讚
請問有邊間係成績好既IB小學？
識人讀宏信IB，成績好，都算入半神科
陳守仁ok?
半神科係乜？
收IB38分或以上嘅學生
佢唔係話小學 IB 成績，係中學 IB 成績，小學行到 IB，即係有中學部，咁所以就當「一間學校」咁睇。
你要一條龍 IB 成績好（按 2019-2020年 平均分 35 分以上），本地學校有聖保羅男女、男拔、優才、真道、弘立、維記、CKY、SSC、耀中（佢其實冇國際牌，只係私立學校），國際一條龍學校有加國、猶太、法國、德瑞、ICHK、LPC、新加坡、ESF。
我阿囡現時讀緊YEAR7，由一所傳統學校轉入去讀的。阿囡初初返學因為疫情關係，佢無咩點講學校野(可能因為無機會同原校升上來的同學一齊玩，不太熟)，但過左大半個月之後，阿囡話好鐘意返學(我以前只有聽過阿囡話吾想返學，所以我等佢講呢句說話等左好耐)，佢話啲老師好好，好關心啲同學，教的內容不是以前的背誦，是可以訓練同學思考的學習。例如阿囡讀DESIGN THINKING，中英都有吾同的學習level，讀中文時考試又會是考學生Presentation，不只是要學生寫好多野。我到現在，都好滿意阿囡呢間學校，尤其疫情之下，老師都好關心學生的身心靈健康。
1個讚
點解咁高學費還,有人讀？
其實宏信都有考得好成績嘅學生。
一條龍，冇傳統學校包袱，總有啲學生考得比較理想，只係整體麻麻。
1個讚
因為happy school
另外就係未來會去外國升學，讀呢間輕輕鬆鬆唔洗填鴨仔
我姨甥讀緊，本來今年去英國升學，而家去唔到為有等下年
我本身係宏信家長(由開校讀到現在)，可以比多少少資料大家參考。
宏信係由Y1-12一條龍IB直資學校，Y10會分流有"大部份"學生要考DSE(因為直資收左正苦資助，點都要send人去考DSE)
其實讀IBDP定DSE，唔係學校決定亦唔係家長決定，係由學生本人在Y7-9 嘅表現去決定。當然學額有限得。
IBDP唔係個個人岩讀，考Y1時5歲，你唔會知道佢Y10時15歲發展成點樣。
IBDP注重自主探究學習，善長硬讀嘅同學未必岩，會蝕底。IBDP要考6科(包括2科語文/數/science/social humanity/ art) 再加EE TOK CAS，係好花時間心機，唔係個個青少年喜歡。如果自己係好有指標純文科/純理科嘅青少年，好現實，直接DSE不用花時間去讀IBDP。
LA開校10年，只有5屆畢業生，好難搵到有參考性指標嘅數據，可能大家都只係"聽人講"。IBDP滿分45，LA學生最高有43，當然年年唔同，平均分好似係33-34左右，IBDP係睇攞唔攞到 Dual language diploma，LA比率約85%。DSE我真係冇研究。
至於同CKY，VAS，St Paul CoEd，DBS等等去比，當然比唔上啦，但你要諗諗，你考得到入DBS同CKY先得㗎。同漢基，新加坡國際，澳洲國際比，又係果句你考得入又比得起先得㗎(我自問交唔起50萬債券+每月25000學費+levy)。
當然，過去10年，LA亦有出色嘅學生，在不同階段轉校去DBS DGS…等等。只要自己儲夠料，其實世界之大去邊都可以。
我自己覺得，放養開嘅孩子，長大去邊都可以自己搵到食，但被餵養慣的孩子，如轉換環境要自己搵食，可不是容易的事。
有人喜歡由細開始到大嘅操練，目標分數為本，直到入大學。那麼LA不適合貴子女。性價比方面，大把性價比高過LA的學校，只要你考到就是了。每間學校在每位家長心中個價都唔同。如你選擇LA，你嘅 opportunity cost又係乜野，人人都唔同。
希望大家為學生找到對的學校。
3個讚