今個夏天O係廚房發現好多細細粒嘅蟻仔, 通常一兩隻咁出現, 唔係一排咁樣.
依家係見一隻整死一隻, 請問有咩方法KO 晒佢地?
屋企有寵物,唔想用太強力嘅滅虫用品
不如比錢揾滅虫公司一年做一次啦
我都有同一樣問題
首先你一定要翻箱倒籠搵下究竟有咩被D蟻o牛在﹐
佢地唔會無原無故出現﹐
一定係有o野o牛緊﹐
你唔搵出黎﹐
放乜o野藥都無用的。
2個讚
係蟻出沒地方放蟻粉
好有效
我屋企都有養貓
我盡量唔好比佢地接觸到
我幾年前試過一次﹐
果陣初初o牛在D就咁用膠袋包住的食物﹐
然後掉在之後﹐
佢地再o牛我其他膠袋裝食物﹐
最後我要換晒密實袋、再入密實盒﹐
然後佢連沙糖樽都唔放過﹐
換埋密封樽再放蟻粉過返一排先至無事。
華潤萬家有隻蟲蟻淨, 好快ko曬。
1個讚
蟻粉邊度可買到?
又唔係多得好誇張, 即係唔係一條條蟻路咁, 又未洗要搵滅虫公司黎處理
我搵左好耐都搵唔到… 
佢地又無定向咁行, 想搵佢地個窩O係邊都搵唔到…
我係街邊走鬼檔買
螞蟻唔一定係你屋企扎營，可以係特登去你屋企搵食。螞蟻亦需要潮濕度養 B，所以屋企一定要保持乾燥同密封。
多啲用醋抹地抹檯，另外試下用硼砂+糖，1：1，放入啲有小洞嘅小盒子，放係螞蟻出沒地方，螞蟻可以入到但寵物唔會掂到。
我果度用蟻藥, 藥房有售, 粉狀
放係d容易引蟻既地方
哈哈~ 咁我要留意下, thx
白醋嗎? 有無比例?
白醋水 1：1
1個讚
廚房每一袋食物都要開黎睇睇呀﹐
佢地細粒起黎﹐
唔哄埋眼﹐
你都唔覺佢地原來爬來爬去架。
年年夏天都出沒
用1:99漂水拖地
呢排我屋企都有好多蟻，之前試過殺他死嘅蟻藥，用咗真係無咗d蟻，但2個禮拜後又出現返！依家試緊隻泰國嘅蟻藥，見到有堆螞蟻行緊，唧一滴喺附近，即刻圍住嚟食，暫時係work，但唔知會唔會又過多一、兩個禮拜又出現返！