我係新手媽媽…
想問下大家有無帶小朋友上過playgroup?
係邊間同埋覺得點？
最重要覺得有無需要？
1個讚
黎緊會去CPDA上 (因為平同近,唔知好唔好)
主要係想BB 見下其他BB,一齊玩~
我自己就揀playgroup冇返N班
主要係想俾多啲刺激小朋友,幫佢地大腦發展,始終屋企俾唔到咁多佢
至於N時間太長,怕佢太早要經歷分離焦慮,之後可能更痴身~
呢樣我又未考慮過喎
多謝提醒
可能到時先俾小朋友上下playgroup 再上N班？
CxPA唔係間間好，我仔之前上過九龍區某1分校，非常差。
15個月開始上廣東話，18個月開始一堂英，一堂廣東話，當多個地方玩，咁都學到同其他小朋友相處嘅可能細細個已經外籍老師同佢上playgroup，佢唔怕英文嘅。
廣東話美孚Honeybee。
英文長沙灣YMCA
1個讚
個人認為無需要，不過以前仲興團購會買幾堂玩下。
純粹唔使諗星期六、日帶佢去邊
1個讚
都係既 咁多playgroup
可以得閒 無野做去試下堂
我幫個仔報咗下個月尾，因為屋企真係得我，完全無小朋友陪佢玩，出街有時見d哥哥姐姐同佢玩好開心又學好快。所以先決定報，其實無話好唔好，睇你有無需要。
Playgroup同N班都有上過，有少少分享︰
Playgroup︰Join過三間，分別係C字頭J字頭同一間地區既學習中心。J字頭果間…我個女九個月join果班教佢認英文字…實在係有少少搞笑，所以上左一個course就轉咗。C字頭果間主要係玩遊戲訓練下大小肌肉，似乎合理好多。
我女2歲入N班前都有上Playgroup，老實講佢地訓練既嘢全部屋企自己都做到。想話比佢地見多d同類咩…其實真係冇乜用，因為2歲前佢地都唔識同同齡小朋友玩，係家長私下吹水多。同埋我覺得同佢去公園都做到差唔多效果。但係我都照上，係因為平時要返工，又好似冇乜時間訓練下個女，淨係得姐姐對住佢。上左我做媽咪個心好似做咗嘢。
N班︰阿女上私幼N班，改變好大。一來年紀又大少少，二來一星期返足五日，咁先係真群體環境，小朋友之間互相影響好明顯，例如阿女返N班第二個月就戒到片片，因為坐佢附近D同學都陸續戒左；我女響女仔黎講學講嘢算慢，但因為坐隔離果D同學講嘢叻，佢都學快咗。同埋學校會教自理，加埋屋企教係相得益彰。
到升K1，有上N班同冇既同學仔，初期表現都有明顯分別。有上N班果D已好明顯集慣群體生活，會主動同其他小朋友講嘢，知禮讓，返學亦當然冇喊。
所以我依家望返轉頭，如果有得再揀過，我就未必會讀Playgroup喇。
5個讚
想當年
報PG係因為要供會（報相關幼稚園）
我報左10堂，上左2堂就因為疫情停左，依家先剛上返。完左唔會再報playgroup
點解既？ 可唔可以分享下原因？
一來到時n班已interview，二來疫情唔知幾時完，唔想佢上下又停下
我都係咁諗…情願睇定d同埋大個d返n班好過, 不過有樣野想問, n班係咪一定會幫bb戒片嫁?
如果屋企得一個小朋友，又冇差不多年紀表兄弟姊妹/堂兄弟姊妹玩，一星期對住工人或4大長老對足5，6日，返playgroup係有需要，可以學群體生活，分享，大小肌肉訓練，起碼習慣面對陌生人，in 幼稚園時見慣大場面，有禮貌，有規矩已經好好多。
1個讚
小朋友Playgroup同N都返過，望返轉頭，如果未識行就無謂晒錢去playgroup，真係一舊飯，其實唔會有咩得着係屋企比唔到。Playgroup自己覺得最驚喜係小朋友慢慢上到分離班，對返學有一定概念，訓練大小肌嗰啲活動其實家長自己都做到，爭在有無時間有無心做，如果自己都唔知點教，咁返下無妨，主要比一個概念自己，有時你唔會知咩有用咩無用，付出咗先算。記得小朋友考一間私幼N時輕鬆拎offer，我覺得係因為佢係唯一一個臨走有收拾玩具嘅小朋友，而當時學校玩具擺放格局同playgroup好似，我諗係佢會執嘅原因，應該以為自己去咗playgroup。
N班就睇下用咩心態返，如果有心儀K係有N，咁當然要博，但如果只為咗考K做準備，又真係幫助唔大，因為通常返咗兩三個月N已經要考K，細B隨時未返N已考，而考K最重要係面試表現，不排除有學校會因為有返N而比offer，自己有遇過，但只係一間非熱門私幼，肯定唔係面試重點。返N真正考慮係屋企環境需要，我係因為獨生、非FTM、而又想佢拎英文語境而返，㨂間近屋企嘅比佢適應下群體生活，唔好比壓力大家手，返N都係好事。
2個讚
未識企或行之前, 上playgroup真係無乜用, 有時玩遊戲, 佢根本唔知係做乜, 但1歲後分別好大, 可以去試堂嚟玩下, 我個人認為試堂十分十分重要, 原因如下:
- 睇下一齊上嘅係咩人, 會唔會有劣質家長或同學一齊上
- 校方防疫意識高唔高
- 小朋友鍾唔鍾意個playgroup (有時大人覺得好玩, 小朋友未必咁覺得, 又或者佢唔鍾意果個環境都唔定, 又或者活動安排內容會唔會太密集或者太無聊 etc)
可以試到啱先慢慢報, 唔一定人地話好果間就係好, 最緊要要啱自己小朋友
1個讚
唔係必須既，以前d bb 無playgroup 都係咁
好叻呀你小朋友 我都希望我小朋友第日時讀幼稚園可以咁乖
係既 好多時playgroup教既部分野自己都做到
係要自己有恆心