我見BK果邊對呢間學校都幾多負皮，想睇下係佢地唔正常定真係咁差
小朋友出年k1睇緊好唔好報呢間，其實我唔係咁介意有非華語同學仔，反而覺得比佢接觸下唔同人種都好。
有冇家長可以分享下呀？讚彈都想知道下
2個讚
下 我朋友個小朋友讀得好開心
老師好有愛心
可以分享下，我小朋友在太陽島讀n 班，因細細b 在我家附近有n 班的幼稚園連interview 機會也沒有, 所以去了遠少少嘅幼稚園，好彩太陽島收了，否則便無得讀n 班，我打電話去問老師問題都交代得足，疫情發生時有減幾個月學費，六七月無得減學費退學老師都話明白（我身邊識人讀嗰間幼稚園係交足學費校車費）。疫情前一月新年有活動，見小朋友同同學仔玩都開心，有樣比較驚喜嘅係n 班每日都有功課（就咁填色好快完成），原本我對n 班都係去上下堂玩下，但真係有書有功課，每月會有份評估話比你知小朋友能力（可能其他幼稚園都有但我唔清楚了），有咩做得好有咩做得唔好等比意見家長去一齊改善，我就覺得辦學幾用心。國籍方面，我小朋友班都有一個皮膚黑少少嘅小朋友，但參加活動時，唔同膚色嘅會識排隊，反而有個講國語嘅家長在旁邊食煙，班上遇到咩人真係睇彩數。以上只係我嘅經歷，有親戚小朋友讀名幼，就會睇唔起我仔仔讀太陽島囉，佢未了解過就已經負評咗，太陽島k 班唔清楚，但n 班我無後悔比仔仔入去讀
其實BK評論學校真係唔洗睇，平民少少都比嗰班「自以為」貴婦狂踩。
我覺得最重要係，學校環境&老師有無愛心。
環境最緊要係乾淨整齊；我有朋友個囡讀一間所謂區內「名校」，點知啲老師夠膽死向學生掟水樽，家長向校長反映竟然白鴿眼，即刻嬲到即刻轉校。
想問太陽島係英文幼稚園，語境係咪都ok?