其實幼稚園排名係咪都好緊要？
新手媽 唔太識
留名學野
同小學、中學排名一樣，係冇意義。啲網頁話 “最受歡迎”，通常都係按 “報名人數” 同埋 “該幼稚園版面瀏覽量”，而 “最好”，同埋咪又係 “校園面積”、“老師數量/師生比例”、“學生人數”、“學費” 呢啲。
有啲網頁寫 “老師/教學質素”，但非用家又從何得知？老師資歷唔等於任何質素。呢啲我地讀書都經歷過，讀書叻嘅老師唔一定識教書，教得最好嗰個唔一定係資歷最深嗰個。
排名根本唔重要，最重要係你個小朋友最後如何。排名話 KV 好過 SC, KM，但我覺得佢地一樣好。
其實大學排名都唔影響我地，最主要係影響外國準備報 Masters Research 同 PhD 嘅學生。
1個讚
新手同問～咁咁多間幼稚園，應該點揀，從何入手好？睇師生比例+近唔近屋企？定係有得睇佢舊生升去咩小學？
個人意見，名牌幼稚園絕對唔係只得虛榮心
排名高嘅幼稚園整體上師資比較好流失量都比較少，課程設計比較完善，教小朋友會有自己一套
但就算出名嘅名幼都有不同教育style，所以選擇幼稚園時要考慮埋小朋友小學打算讀邊類學校
2個讚
睇你係想窮養定富養小朋友，對教育有幾執著
仲要睇埋家庭負擔能力（精力+財力缺一不可）
1個讚
我估樓主係指top 10/20 vs 無乜排名嘅幼稚園？
如果係講緊top 10/20，我會叫佢地做名幼，每間都各有特色，只係需要選擇小朋友啱讀嘅，唔需要太執著排第幾
但top 10/20 vs d無名邨校，咁我會覺得有分別
首先係龍幼 VS 非龍幼，呢個唔洗解釋，你求安穩就一定龍幼，唔鍾意間小學部就唔會考慮。
然後係大集團 (KV 嗰啲) VS 非大集團。如果你係好肯定自己要考直私、叩一線，讀傳統學校，咁一定係大集團好啲，佢地多數會搞面試訓練、銜接小一嘅課程。
然後就係距離、交通接送、學費、活動、師生比例等等。
部份幼稚園會列出學生考到乜直私，例如聖保羅堂、維多利亞，咁你就可以估摸下呢間學校嘅學校考直私能力是否符合你要求。
謹記
- 官津派位首三率同埋升中首三志願率都係毫無意義。學校名同考入人數最實際。
- 就算該校好多人考到直私，未必係因為學校勁。好多讀大牌學校嘅都有額外操練、上堂。
- 基本上冇幾間龍幼係做到 100% 龍，唔少都係收 anywhere between 5-8 成。龍幼唯一兩個缺點就係：未必允許大抽獎，同埋學術上會冇大牌咁深，你要升小十拿九穩有 offer，就要自己做野。
- 幼稚園階段主要都係學社交人際，家長亦要記得以身作則呢個道理，上樑不正下樑歪，如果家長經常脾氣暴躁、鬧人大叫，小朋友會不自覺學左，面試就好容易暴露呢啲行為情緒。想小朋友熱愛閱讀，首先你同埋另一半都要表現出熱愛閱讀，唔好掛住睇電視手機，尤其係唔少鍾意放工返乜都唔做嘅 “大少爺”。
- 小朋友邀請你陪玩，請你無論幾辛苦幾累幾忙都答應，並坐低，同佢同一個水平、高度去玩。咁樣你先可以明白小朋友思想、能力，亦係幫助緊佢學習分享、口語表達、接受輸贏。
7個讚
係呀
我係咁既意思
留名學嘢
呢個先係真
身教最重要！
多謝你既資料呀，好多野要諗又可能同老公諗法唔同，要再做下research先
趁宜家小朋友仲細未趕住考小學，多同你老公溝通下，開心見誠傾下想小朋友讀咩學校，望下啲學校有乜活動，如果屋企附近有學校就行下望下，俾自己期待幻想下啊 B 讀書個樣。
1個讚
排名唔重要
最重要家長了解下自己小朋友需要乜嘢學校。例如我大嗰個上堂要活動，坐唔定，細嗰個坐定定，可以學術重啲，所以兩個讀不同幼稚園。
3個讚
想問下點知搵到呢啲資料？
例如邊間係活動多啲，邊間有龍之類？
如果小學目標係非直私不可，就讀私校。個人覺得唔一定要SC, KM, KV嗰類，基本上好多私校質素都唔差。
如果小學諗住玩大抽獎，咁講真就讀邊間都無所謂，因為都係講運氣。
不過我覺得一間合適小朋友個性嘅幼稚園，同老師有愛心係最重要，因為小朋友要鐘意番學，先唔會抗拒學習。
3個讚
好多排名係亂寫，其實最top一堆私幼，同埋啲龍幼，都是人所共知，不用睇排名都識。而其他排名係唔太可靠，特別係地區內的排名，更不可靠，問用家Comment 仲好。
1個讚
幼稚園是沒有排名的、坊間那些是錯的
有龍嘅通常都係直私/國際學校，上 Google 一打 「幼稚園部」就出曬有小學部嘅幼稚園（除左 KTS 呢個唔正確之外）。
然後上網一間一間睇校網，然後再搵用家評語，Google 一打「XXX 幼稚園 好唔好」，就出好多結果，比較多評語來自對家個教育網，睇下無妨。
2個讚
聽人講名小好多收番名幼，所以名幼先會咁多人爭
如果一心係行津校官校條路 我覺得無關係
如果係一心要讀私小或直資，我覺得好有關係，如果係出名果d 私直小，更加好有關係