小朋友派左去寶校，要叩門，心裡很亂很驚
現已準備好portfolio等文件，及報名叩門
懇求大家分享叩門心得，謝謝
派咗邊間呀
其實寶校又未必係差嘅
1個讚
諗住叩邊間呀？
邊間就唔講啦，每間學校都有捧場家長，只是不是我心儀的
好想可以叩到寶舊，不過知道競爭超大
我聽叩門既人講。有d面試時要等。但有啲小朋友見到同學太興奮。變佐坐唔定。要同小朋友講定要坐定定。因為等待時間或者都計分
有能力嘅，可以去埋沙田嗰邊叩啲一二線。
謝謝提醒，我都提左小朋友要坐定定
沙田那邊不是競爭更大嗎？
寶舊都唔會細啦，既然都係叩門，當然係叩升中網 Band 1、2 中學好同多過大埔。到時候 touch wood 大埔寶校又升中不利，你會更緊張憂心。
出沙田嘅話，起碼你升中多選擇，唔洗望住區內嗰幾間 Band 1 欲言又止，望住 Band 2 揀唔落手。
沙呂一呂呢啲當然 000 唔得，培基亦太受歡迎但亦可以 000 試。一胡 000 揀 in、大圍陳圓喜、馬循、馬陳、馬禧年、馬靈糧收報名費應該 all in。沙崇、梁小冇報名費 000 可以 in。
呢啲學校應該係可以同舊田小升 Band 1 比例接近 or better。大埔區賽小都可以試。
加油！既然都係搏，就要做到盡力無悔！人地大西北都出九龍只求一席。
1個讚
好多謝你咁詳細嘅分享！我會聽你建議盡力一試！至少將來回望不後悔
叩多D, 叩遠D, 搏盡無悔, 呢刻係人揀你, 遲D到你叩到幾個OFFER果陣咪到你揀人
可以報的私校都報左，可以叩的都叩，現階段等電話通知面試
感謝大家的意見
請問有無叩門的經歷可分享，指教下我地，謝謝
考學術果D一時三刻提升唔到幾多了, 盡力啦! 如果見家長果D自己要預演下, 不要離地同老點, 因為有時會先問小朋友再問大人的, 同另一半也要夾一夾口供。
叫小朋友面試時定D, 唔好搞小動作, 我就曾經比我女搞砸左入ST MARY’S 嘅機會!! 痛呀! 佢居然面試時敲櫃桶…
我識嗰位仲驚嚇，直接同 SMCS 校長講 “我去左 XXX (下刪 N 間) 面試，YY 仲已經收我”
我聽完都覺得 “注定無緣”，當刻我同佢媽媽真係想 call 白車。
學術谷唔到幾多，但 “日常生活” 問題一定要一家人有共識夾口供，尤其係班 C6，一係開口講錯校名/校長姓，一係十問九唔知，一係同老師發生宗教信仰衝突。唔係講笑，真係發生過，有爸爸去到天主教學校叩門見校長，同校長講話唔鍾意該校宗教活動，並不相信神存在。有啲爸爸就好似太空人一樣，非常離地，問 “星期六日會同小朋友做咩”，佢地可以答 “唔知吖，求其搵啲野做”，問 “小朋友如果跟唔上進度，會點幫小朋友？”，佢地可以話 “叫媽媽跟緊啲功課”。
所以除左同小朋友練面試，唔好忘記身邊嗰位大朋友。
1個讚
希望你成功
真誠地多謝你哋咁多位無私既分享
我地會盡力一試，希望阿仔可以發揮到平日水準
坦白講而家日日攬著部電話驚miss call
都真係幾緊張
又驚無電話即係無得面試
我都係大埔人, 舊年叩左去馬陳, 考得好今年再插班去一胡, 又考得返舊年間111, 所以路係有架!! 加油!!!
沙田升中係幾唔錯 
多謝你的分享, 我小朋友已經考返心儀的111了
恭喜吖！