學費不是考慮因素，謝謝
我相信每間學校都有老師充滿愛心。
宜家德雅已脫龍，而且深水埗升中遠不及九龍城。兩間都係傳統天主教學校亦唔係輕鬆學校。揀德雅棄聖家嘅原因都係 “有細佬想跟入”、“近屋企”。
傳統天主教學校,我經驗係,你乖乖地,老師就會對你有愛心
三大愛心條件：
- 必須坐得定
- 少說話多做事
- 唔好考太差
另一類愛心容忍，就係分數高。分數一高，基本上係無敵，完全奈你唔何，不過就唔好期望可以身居要職。
還有
4: 準時交整功課
5: 唔好問點解啲考試測驗咁深及範圍咁多
我會揀九龍塘聖家，原因如下：
。有聯繫b1中學
。九龍城校網靚
。校舍大好多，靚好多
。交通方便，屋企人易接送
但係，聖家英文應該唔夠德雅好，德雅係英小。聖家只有一個net。如果要英文好，都要外補下。
德雅唔係英文小學，係中文小學，佢英文用深一年課本。
聖家就冇。
英文好唔一定靠 net，DGJS 一個 net 都冇。
噢，多謝指正
吓！我以為每間local school 都有政府資助一個NET，點解全HK官津都有… 知道某d私小有，但DG無咁奇？！
但我認同，英文好同NET 無直接關係
DGJS 唔需要 NET，佢地個英文老師都已經夠流利。
St Mary’s 都係一個 NET 但高小都唔會有 NET 堂，老師都足夠流利去教。始終學英文應該係以流暢表達為重，口音呢啲無須刻意追求。
長知識，真係大鄉里… 唔好怪我，兩個仔… 哈哈
不過其實政府俾呢筆錢係有d多餘，一星期見得一堂嘅NET，對住幾十個學生，真係有用？
我自己係第一代NET 教英文嘅產物 (初中，第一批實驗學校)，到高中，老師好坦白咁講：要從頭執過我地d 文法！
我自己都係讀政府，嗰堂 NET 基本上就係 NET 講故仔十分鐘然後自己分組活動，小息可以去 NET room 玩但唔太多人會去。九成都係英文老師功勞。
我唔太認同啲家長話 “一定要 NET 教否則會學埋啲唔三唔四口音”。華人老師唔一定口音差，尤其宜家年輕老師好多都讀名校、亦係浸過英文，就算有少少香港口音都唔出奇，亦唔會影響表達能力。自己仔女都係華人，將來仔女教英文，又有家長唔信任，我都覺得委屈。
我知有中小學係 NET 教，佢地唔太注重文法使用，所以會俾學生亂用下。是好是壞，DSE 先知曉。
1個讚
好幾年前識人由德雅插班去聖家, COMMENT係德雅有愛心好多, 係好多果隻!!
1個讚
請問是德雅用家嗎? 有事請教, 謝謝！
正確、入得聖家唔好唸可以同愛心拉上關係。