我個女26個月，最近先開始講多左野，雖然都只係兩至三個字既詞語，仲係發音唔正，但佢有嘗試表達。佢又完全明白大人既指令，中英文都識聽 (因為我同工人姐姐一齊湊)。
我個人比較佛系
所以自己覺得佢無乜問題。
但有時又會覺得係咪我太唔緊張呢？
見朋友個b女差唔多大都已經講緊簡單句子，雖然我知道唔應該比較，不過又會怕我既輕鬆影響佢應該得到既治療或者能力發展。
好矛盾呀
有無爸媽可以分享下或者比啲意見？
我個仔比你的還要晚。兩歲見健康院護士時更不合格要兩歲半再見過。我都未驚過。現在4歲我都不知幾想佢唔好講甘多野。話佢一句駁我三句。別像bk 父母，要求2歲就要唱歌跳舞。
2個讚
我女女好遲先肯講野，2歲前都唔太講野，就算講都係1，2個字，但佢全部都明，理解亦無問題，但一過咗兩歲，突然講到句子，同埋發音好準，之前比佢更早講野嘅同齡bb反而仲係好lur, 所以唔使擔心，bb有自己嘅步伐，你只要同佢繼續傾多啲，帶佢出街邊行邊講，佢一路吸收緊的。
2個讚
快嘅話，2 歲都已經可以簡單完整句子，但每個小朋友發展都唔同，都係獨特的，冇得亦無謂比較。
既然佢 output 少，你可以加大 input 嘛。聽得多都有幫助。理解能力冇問題就得。
有時候重複又重複播放啲卡通片、音樂，可以潛意識記得，自己背返出黎，都係訓練咬字嘅機會。
有時候你都可以當自己癲婆，扮開 live 講野 “啊 B，媽媽宜家洗菜。你睇下，綠色好靚吖！開水，洗菜！” 呢招係得架，中文英文都 work，睇你怕唔怕鄰居當你癲婆。
1個讚
我女兒都遲開金口，2歲2個月開始講少少野，而家2歲半好肯講野了，英文都開始開始答短句了。慢慢來！
每個小朋友發展都唔同⋯⋯無得同人地比。如果你擔心小朋友發展得慢既話，可以帶佢去做下評估
多謝大家分享同意見，我會繼續觀察下佢先
btw前排日日播榮光唸住感染下佢，真係有用，佢而加日日都叫我開比佢聽，仲跟住音黎試下唱
1個讚
我仔兩歲個時仲係講緊單字
健康院打嚟follow up叫我鼓勵佢講一個動詞加一個名詞
呢3個月突然爆發期
雖然咬字唔係好清楚
但係一句完整句子斷斷續續都講到喇
個個BB發展唔同, 唔好比較, 多D同佢講野, 比多D野佢聽， 如果有教材就比教材， 冇教材就比收音機佢聽
2歲仲好細個，一般返學後半年會多嘢講好多
我個大仔都係就黎3歲先講完整句子，細仔都係2歲半，其實每個小朋友都有自己嘅時間…
1個讚