想係網上買急凍食品, 肉類, 菜. 唔計百佳, 請問大家會選HKTV Mall, 定係Aeon?
兩間我都未用過, 請問如果用HKTV Mall, 我見佢有唔同供應商派貨. 如果我上網買幾間唔同店嘅野, HKTV Mall係咪會集埋一次過送? 佢地送貨一定係平日送嗎? thank you.
1個讚
HKTV mall，所有嘢會一日派曬比你，日子時間有得比你擇
1個讚
Ic, thank you!
HKTV Mall 急凍食品同菜我覺得吾好, 除非係你食開果個牌子, 此終都係無得揀
AEON吾知道
我會選擇菜同急凍食品分開訂, 菜搵返有得送貨既農莊, 急凍食品搵返專賣急凍肉公司
HKTVMALL長期忠實fans🙋
答左你問題先：佢絕大多數都係自己派送，尤其凍肉，商戶派送會註明。你放入購物車之後可以睇到派送有無收運費，目前VIP滿$350免運費，店鋪自取$200免運費。VIP無記錯一年$3000就有。送貨時間可以自訂，依家都有好多可以選擇，送貨前會打電話同你確認。
———————————————
附帶經驗分享：
我地主要買凍肉、海鮮多，其次係水果，電器、傢俬、化妝品、團購都唔錯，如果係父母可能會買書同補充練習。蔬菜比較少（感覺有D貴），但佢會有更多產地選擇。
凍肉、海鮮質量非常滿意，價錢range大，從佳寶價到一田價都有，但係質量整體起碼係一田到Citysuper，好過百佳惠康，而且種類多，唔少產品區內未必容易搵到。
留意佢作為平台，黃藍店都有機會有，買開有留意凍肉類「漁鮮快遞」屬於Wolipay藍店，另外有Sasa同CCTVB廣告商之類請自行檢驗。但係起碼係HKTVMALL可以省卻地產商呢層。
另外價錢浮動較大（我估因為網購fixed cost比例較低），所以部分人買完見到減價感覺唔好。我地呢方面又唔會，同埋買得多會大約記得每樣咩價錢，係平果陣入貨。星期四VIP九五折，同埋星期二特選貨品有時平過星期四少少（但要搵同埋湊$350）。
另一個好處係，HKTVMALL好多評論同埋睇到幾多人買，整體來講多人買都係有D道理。唔好淨係睇星星，有時只係送貨問題唔代表質量唔好，而且喜好都未必一樣。所以睇下評論點解（例如我記得見過龍蝦比1星因為話膏太多⋯⋯）另外篩選同排序都好有用，例如可以tick走產地（I mean唔喜歡美國可以tick走啊^_^），用價錢排序。
好多產品有大額優惠，佢幫你計算埋平均每件幾多錢，有時好糾結買幾多件。集合網購另一個問題係雪櫃有幾大。
最後推薦網購4%無上限回贈嘅HSBC Red card（唔係廣告==）
4個讚
感覺可以開個獨立post做HKTVMALL攻略，感覺我地買嘢可能熟過Ricky Wong
3個讚
請問邊個係Ricky Wong?
王維基
1個讚
Ic, thank you 
我幫襯過幾間… 幾年前買過一排sakura，但至愛嘅無防腐煙肉無賣之後，就好少幫襯
之後都試過幾間，但有d質素高，好貴，最後買得最多係hktvmall，因為多選擇
但最煩係好多乾貨要成箱買，未必食到咁多，單件就超貴！
菜，就跟鄰居一齊訂菜鮮生，睇住佢越嚟越多野賣，進步中
近排鄰居group 搵到間海鮮檔會送貨，但未試…
1個讚
好詳細. 唔該晒.
請問如果唔係VIP, 要買滿幾多錢先有得送呢?
菜果d我就係街市買多. 你介紹果間菜鮮生我上網睇過, 夾到單訂係好. 我想訂Frozen food/肉類多.
HKTV mall凍肉同一貨品牌子質量相同都會有不同價錢，因為有不同供應商，要小心比較，自家 HKTV / 大街市通常比較平。
1個讚
josun
1個讚
應該係$500（特登check完驚講錯）
如果未係VIP，可以考慮星期二買特價貨，或者有時佢都有「今日九五折」之類不定期推廣，咁樣感覺唔會蝕左95折，另外門市買都OK一樣。反正$3000一年其實好快。
我近來幫襯「銀杏士多」買急凍醃肉，好味，又可支持長者就業
滿300元就送貨
1個讚
HKTV今個星期六日精選凍肉、蔬菜、水果入Code九五折，唔係VIP可以趁呢D日子買啊
1個讚
該主題在最後一個回覆創建後30天后自動關閉。不再允許新的回覆。