約左3個月終於有得睇 帶齊報告 結婚証書去睇
本身照左輸卵管無塞 老公精子都OK 岩岩合格
醫生話我同先生都無乜特別大問題 可以歸納不明原因 
跟住就照陰超 醫生話我比較小卵 我只係得正常人GE 1/3卵 
可能係開始老化 要抽血驗AMH果D先知 我從來未驗過
醫生就建議我地做IUI 我有問好唔好直接做IVF 因為IUI 成功率唔高
不過佢話IVF 畸胎比例高2% 而且貴好多 叫我試左IUI先
咁就乖乖地聽醫生講
照左陰超 + 抽血 + 拎左5日排卵藥
埋單$37XX
呢到有冇朋友都係仁安睇呀?
iui成功率真係唔高㗎，我最後都係做ivf先成功
（我唔係睇仁安）……
我都係好少卵，食埋排卵藥都係得幾粒，只要卵靚都冇問題架
你做左幾多次IUI先做IVF 呀?
我諗住做一次IUI唔得就轉 唔知醫生比唔比
做左4次，因為向家計會最多可以做4次
如果你有心想做ivf, 早d做都好唔好浪費時間，ivf都唔係實得，我都做左2次
唔好意思，離題一問…
請問家計會做一次iui幾錢？
其實我而家都係家計會睇緊，主要開藥我食，食左兩次排卵藥都冇排卵反應…
而我都排緊政府不育科，要下年年尾先見醫生，等待呢段時間諗緊做唔做iui or ivf好…
幾年前家計會做一次$5xxx
我嗰陣時都有排政府，第一次見醫生已經話到時排到我已經超齡，唔會同我做
我同時book私家醫生，都等左半年先有得睇
其實卵子質數同數量隨住時間下降，如果可以緊係越早做越好
Thank you ellama!
多謝你意見，等我都著手plan下先
我喺仁安做ivf，董醫生。
如果你先生丁丁強壯，活動力好，做iui就ok
我先生係丁丁弱，所以抱把心一橫做ivf。
趁未開始，你會唔會同先生都食吓d supplement？
女嘅可以食葉酸，coq10，飲滴雞精谷下卵
男嘅可以食瑪卡同富精多
唔好客氣
依段時間調理下身體先，可能到時自己bingo, 唔洗煩呢!
承你貴言！希望樓主都快d有好消息！
咁我試一次唔得 就要求做ivf啦
我都係董醫生呀
佢話先生精子正常
我有食備孕果啲綜合維他命
想問富精多係邊到買呀？
IUI成功率好似得20%左右, 可能要試多幾次先會中
我知呀 佢話15%
但佢咁建議 我就當熱下身 都唔期望好高
我睇緊仁安周醫生，都係amh 低
試左一次natural iui
一次iui (宮外孕)
而家試ivf
祝你成功
請問可以分享一下嗎?
你睇緊周敏姬醫生?
我排緊威院一天, ,但諗緊問唔問一下周敏姬醫生意見?
請問你地可以分享一下近況嗎?
喺仁安做完ivf, 最後有3粒囊胚， 分左兩次放胎。第2次成功左已經生左喇。
Congratulations!
請問你係一直係仁安睇? 睇邊個醫生?