上星期見未黎Ｍ所以自己驗左，初初以為眼花，因為我自己本身身體麻麻地，中醫都話我宮寒，但連續驗左幾日都係兩條線，我同老公都好開心呀！ 
不過下星期四先去照超聲波，而家５Ｗ幾，除左胸痛同埋夜晚訓得唔好外，冇其他感覺，好唔實在咁，有冇媽媽可以分享下你地之前嘅經驗呀？ 
8個讚
感受到胎動之前頭四五個月我都完全冇懷孕感覺，初期有作嘔但冇真係嘔，個肚係5個月先出黎，之前真係連自己都唔覺得自己有左
係好唔實在架！
大概5個月就會feel到胎動，個肚都會好明顯，先會時刻記得有個人仔係入面haha 奇妙
2個讚
謝謝你呀!
仲要等多成個星期先見醫生,好緊張呀!
你果陣時幾多週第一次產檢呀?
我仲要胎盤喺前面所以醫生話會好遲先覺佢郁
捱到24-25週開始feel到佢郁先至踏實啲
加油呀
1個讚
我都係岩岩驗到有，我夜晚都訓得唔好呀…半夜會醒一兩個鐘先訓得返
1個讚
恭喜晒先
咁開頭冇咩感覺好正常
但之後嘔就好有感覺
直情日日問幾時先生得
你可以問下你媽媽陀你時點架
好多時都會似番自己阿媽咁
好似我媽陀我時嘔足3個月
陀我細佬就只嘔一次
所以一開波日日嘔時
我就知係陀女喇
咁又真係陀女呀
我鐘意女仔多少少，女仔窩心一點
同埋生個仔真係送俾人地個女囉
咁我寧願生個女去搶人地個仔
好過俾人搶走我個仔
我阿媽陀我地時冇水腫
我都係冇咩點腫
反而生完之後因為做左緊急手術先腫到傻
不過唔同係我就肥肚冇咩點肥自己
可能我不停同自己講
唔需要肥太多架
阿b吸收到就得呀
我陀到第8個月時，我阿媽指住我個肚話：我陀你5個月個肚仲大過你家下個肚呀
另外我阿媽陀我地好多妊娠紋
我驚好似佢咁
所以一過3個月就塗油呀
好彩一條紋都冇呀
所以了解阿媽陀b時有咩特別野
自己搵定方法解決
預祝一切順利呀
同真係睇定資料點照顧初生嬰兒
我坐緊月呢個月真係好後悔自己大安旨意有阿媽幫咩都冇睇
但因為家下醫生要求同我地當年差太遠
長輩資料有少許出入
咁就會好懷疑自己同亂諗野
有咩野記得搵個正面人傾計呀
唔係好易諗埋一邊呀
3個讚
我嗰陣係諗住同醫生傾吓做Ivf所以一早就約定佢，純粹係嗰朝循例做一下試紙，點知就中左，當時應該真係啱啱4～5週 連粒嘢都照唔到，仲驚佢可能係宮外孕，之後keep住2個星期check一次，第7週就有心藏。
1個讚
恭嘉哂！
我成日覺得有咗BB初期，尤其是未話得俾人聽嗰時，有D似訂咗婚嘅感覺，身份即將唔同，好期待，但身邊乜嘢都無變 （除咗同老公即刻sweet咗勁多之外 
）
慢慢感覺就會越嚟越實在架喇，好好enjoy!! 而家開始食下supplement，換D舒服嘅鞋啦
1個讚
多謝你呀~
1個讚
恭喜你呀!
我都係咁,難入睡,半夜又醒幾次,搞到返工勁眼瞓 
好詳細呀,等我返去問下阿媽先~
不過我媽第一胎小產,搞到我都好緊張,希望冇事啦 
恭喜 and 加油!
初期係無乜感覺, 到胎動時同個肚大d先feel到
而家一人食兩人補, 注意飲食, 多休息, 唔好捱夜, 生出嚟bb都會好湊d
飲食真係千萬要小心, 唔好食涼野, 木瓜果d, 仲有加工食品都要戒, 之前識人懷孕期成日帶飯食午餐肉/臘腸/火腿, 小朋友出世後嚴重濕疹
1個讚
我下星期去照得6週幾,希望有嘢睇啦~
多謝你呀!
係呀,係呀,好想同人分享,但又怕唔穩定唔敢太張揚,係老公超開心同肯主動做晒啲家務呢樣最大分別囉 
夠架喇
慢慢你真係會覺得堅攰
我十幾週開始日日都好似瞓極都唔夠咁
有時食完飯九點幾就瞓到好似昏迷左第二朝先醒咁
所以佢肯幫你真係幫到好大忙架
1個讚
其實我原本唔想講黎嚇你
如果唔心急，又冇咩唔舒服（肚痛或出血）
不如等到7-8週先檢查
因為咁早檢查通常會陰超嘅
我自己第一次宮外孕，出血就點都要陰超啦
咁第二次就化學懷孕
咁第一次宮外孕就呢次心急要照啦
所以又要陰超啦
好唔好彩都出左事啦
剛好我有個朋友太太第一胎又係衰心急
好早期又要陰超又化學左
但佢之後一樣對陰超有陰影
等到隔肚照到先去照
成功生左2件喇
咁當然醫生會同你講佢唔健康先咁
但又真係邪邪地
我今次係ivf先有阿女
我好堅持唔陰超呀
雖然俾醫生話我
但我唔想再冒險
同埋真係唔好周圍講
真係會小氣架
人地估還人地估呀
我今次直情開刀前一日先公佈有左
每次放相都唔影到個肚
公司同事都冇專登講
有人問都3個月後先講
不過因為我嘔得辛苦3個月前狂請病假
咁上司又未必幫你周圍唱嘅
得閒同小朋友講要好好痴實媽媽呀
自己小心d就得
唔好太操勞
有得瞓就瞓啦
2個讚
大家一齊加油
1個讚
加油加油
我上年9月頭驗到有左，經歷左好多好多，今年5月頭生左囡囡，湊newborn真的好辛苦，遲d你就知，哈哈。好好享受做大肚婆，女皇生活，生左就變奴隸，哈哈
通常7-8週先驗到閃閃，祝福你
2個讚
我好明白呀！！
因為我黎m係極唔準
因為有多囊，我仲去左睇醫生食通經藥
食之前仲驗左冇bb
點知食完都係冇黎m
跟住心血來潮驗孕就見到兩條線！
我係一朝早驗，我仲以為自己發緊夢
又或者係啲藥影響到
直到去驗血同照超聲波見到bb心跳我先醒覺我真係有左
恭喜晒你呀
加油媽媽！
1個讚
當年我都係5週多去照超聲波，但當時唔知BB有幾大，因為本身1月尾M, 4月先用電子果支驗到有，其他牌子通通都係單線
其實好擔心嘅，我3月做過手術，都唔知手術時嘅藥物會唔會影響個胎，攪到返緊工都拿拿聲咁打返去醫生度問清楚
你就好啦，無咩煩惱，恭喜晒，希望你陀B一直順利，祝痴實d
1個讚