我係新手媽媽，工人姐姐下星期黎屋企，但係未試過請工人，有都係原生家庭好細個個陣，我應該點樣入手教佢呀… 
1）返工時間冇得玩手機/傾電話
如果係外國簽過黎，間agent通常都教左佢基本嘢。
我建議頭一星期帶佢做一次，等佢知你要求。我第一個工人係99教，佢係手把手咁教佢，所以佢好快上手。第二個我自己請假帶左一星期。
佢黎到我同佢開左一次我要求，例如最重要係睇住個小朋友，一日三/四餐要幾時準備，要幾多味餸，每日要切水果比小朋友食，每朝要響大家起身前洗廁所，每星期要換床單一次等等。然後就同佢run一次流程。帶佢做一星期後基本要求已做到，跟住只要觀察下時不時提點就OK.
我比工人自由度大既，頭一星期帶住佢做佢梗係唔會玩手機，到覺得佢正正路路，知道我地standard, 佢做晒D嘢我係由得佢做自己嘢，例如玩手機、睇片咁。
伙食費我係每星期比一次，用完佢再問。有人會一次過比一個月費時煩，但我唔建議咁做。新工人一次過攞咁多錢，未必知道點分配每日洗費。
人工建議頭幾個月都係簽返收條好D，有record, 到確認個工人正正路路，你就可以自己揀簽定唔簽。
幾時放假要一早傾定，通常星期日放，但有人鐘意星期六，怕星期日出街易學壞，呢個就要雙方同意。
大約係咁上下。
1個讚
我都係第一次請工人，仲係要佢湊BB。我朋友教我最好一開始有張duty list俾佢，同埋寫清楚house rules，仲有金錢記帳等等。一開始formal D（但唔係惡）無壞，遲D慢慢磨合先再loose返
網上面有好多template，你search 下，用英文search 會好D
呢樣我都係你講完我上網先見到好多
唔該哂呀～ 等我好好咁寫下先
咁煮野食係佢一黎就識煮幾味定係我要再教佢架？佢唔識廣東話出去買餸個陣係咪要帶佢出去買呀咁？
人人唔同，可能你工人識煮，但你可講清楚自己口味，可以咪教佢煮一次。
我姐姐都唔識中文，但買餸冇問題，去到街市佢自己揀食物。好多街市小販識少少英文同姐姐溝通，因為真係好多姐姐買餸。你可以帶佢行一次睇情況。
如果有指定食材你可以寫定張紙，叫姐姐攞去街市買。我果時要執去濕茶，都係寫紙叫姐姐去藥材舖比人睇。
隨機應變啦。
一開始如果好多嘢train，你可以考慮下你買grocery，等佢熟悉咗屋企入面嘅家務同埋湊小朋友先。有時工人出街買餸唔熟呢，會用好多時間
係呀，我仲有newborn響屋企照顧，好多野搞好多野要學
同屋企人傾下先