疫情期間多左時間，想學下外語增值下
完全唔識日文ge beginner去邊學好？
有無人係柳川、Tamago學過？
你係咪指柳川佐敦校？
校長唔做了。。。
我返過HKUSPACE, 要COMMIT一讀就一年;
我女返過日經(規模D大, 但藍店), 大東日語(細D, 日本人開), 兩間都OK, 初學可以考慮下
2個讚
建議如果負擔得到可以請老師上門。一對一好處係你有問題隨時問都得，佢又可以就返你進度，有時同佢閒話家常又可以了解吓日本文化。
1個讚
好多年前係日經學左幾年日文,初班多數香港人教,中、高班多數日本人教。我覺得日經唔錯,初班D老師教得好開心,令人更加有興趣去學日文,之後由日本人教就要自己努力溫書,因為全日文上堂。依家日經係點我就唔知啦
我以前喺Pasona學 主要係口語同文化 都幾輕鬆 唔會迫做功課 但如果要應付考試 就要另外報考試班
日經原來係藍店 
係呀, 不過發現之前已經停左
多謝你話我知…
係Tamago學緊，暫時ONLINE上課，都不錯
第一日語好呀！
1個讚
N5-N4自己買書自學都ok
1個讚
都係嗰句，視乎你學嘅目的係乜
學完想去日本留學或者入日資做，就建議你正途讀日文班，因為內容針對考cert
如果學嚟為興趣為溝通，我就建議你自學
有一樣嘢要講清楚，日文班學嘅嘢係好outdated同埋大部份都係你日常生活唔會用到嘅嘢，所以見好多N1出嚟嘅人對住日本local一句完整句子都講唔出
而家網上resources好多，由0起步大把嘢唔洗錢都有得睇
如果你選擇自學，我會建議你由背50音同基本文法開始，再學動詞變化，睇文章又得，驚睇字嘅話睇youtube教程都得
初步set個小目標畀自己，就係要睇得明日文字典
漢日字典唔係唔可信，而係佢唔夠清晰畀唔到原文嘅紋路你，所以好多時用漢日字典嘅人會知個字點解，但係唔識實際上係點樣用，又或者唔同情況下會有咩唔同嘅nuances
如果驚自己好易中途放棄，可以由自己興趣入手
鐘意打機好，睇動畫好，睇youtuber好，定係聽歌都好，都可以融入落自己學日文嘅課程當中
樂在其中先會有動力
學到基本嘢之後你有2樣嘢要做
1, 搵日本local吹水，坊間有好多交友網交友app可以等你唔洗旅行都接觸到日本人，事實上佢哋知你係外國人唔會對你要求太多，總之你就厚臉皮咁多聽多講，到你handle到text msg之後就可以直接傾電話
2. 深入剖析日文，睇多啲小說同報紙，逐隻字逐隻字捉嚟研究 例一、例二
呢2樣嘢都可以令你慢慢build up到語感呢樣嘢
事實上日文好多字係好曖昧冇獨特嘅意思，你問日本人佢哋都只會答你佢哋係靠感覺去分，而呢啲嘢喺課本同字典上你係唔會學得到，例如「やばい」呢個字喺唔同情況下對唔同對象會有唔同嘅意思
與其背佢有幾多種意思，我會建議你build up語感等呢個字變成你嘅直覺
做晒呢堆嘢之後你基本上同日本人溝通都唔會有咩問題
讀緊中大進修果個 我覺得就真係好一般