有冇5月出世既bb？我仔剛滿月，睇下大家有冇野一齊分享～我想問下大家餵唔餵到全人奶，同埋媽媽傷口復原程度
我係5月媽媽 不過係5月尾
BB得幾日大 努力緊全人奶 但係搞到有黃疸
5月頭，已滿月
頭半個月太大壓力，瞓唔到覺，
bb又抗拒埋身，搞到我好唔開心，日日都喊，飲極咩湯都冇乜人奶，奶粉佔咗一半。
後尾開始調節心態，奶粉減到1/3，
呢兩日開始減到得返1餐係奶粉。
人奶要同自己講，唔好強求，唔埋身做就泵媽
咁樣壓力少咗，自然奶量會慢慢多返。
雖然我唔係乳牛，但依家叫收支平衡
我係開刀嘅，傷口產後第10日已好返晒
惡露我就仲有丁丁咁多
我5月頭，係醫院全埋身，出院後第二日bb突然18個鐘無痾過尿，醫生同陪月即刻叫我補奶粉，話bb有機會會缺水（可能埋身啜唔到奶或我唔夠奶），第二日就去健康院，黃疸220度，嚇到我喊，醫生就話260先需要入院照燈，之後連續三日都要番去覆診，最後嗰日180度，醫生就叫滿月先番去覆。
所以黃疸唔洗擔心，只係全人奶會退得慢啲
不過我從此就踏上左補奶粉之路而家我想全埋身都唔夠奶
我個仔5月2號出世，今日岩岩滿月
我同你好似，頭兩星期好崩潰，日日喊，太擔心同緊張，又同老公嗌交，連個陪月都叫我睇心理醫生
呀仔上星期開始每朝早6點至10點呢段時間都會e e eh eh，食飽抱住訓到一陣，擺低無耐就開始又e e eh eh伸手伸腳谷到塊面都紅哂，我同bb都完全訓唔到，我又係擔心到喊，好想帶呀仔睇醫生，陪月就話係正常叫我唔好搞個仔，終於等到今日滿月打針問醫生，醫生話係“百日囉”，應該係腸絞痛，話三個月內都有呢種情況，嚴重啲先需要睇醫生。
至於人奶，因為頭幾日bb黃疸高要補水所以開始左補奶粉，到而家都係7成人奶（泵）3成奶粉⋯
我試過全埋身，但唔夠奶
我最唔開心既係我係順產，剪開左都爆
番左屋企一星期到個傷口發炎爆左要番去縫針，之後拆線又發現多左個小擦傷傷口，到小擦傷傷口好番之後前幾日又發現生左粒肉芽⋯⋯基本上我從出院後一星期就睇一次醫生，亦都因為傷口一直唔好所以無得食補野，而家每次泵奶都會頭暈同作嘔，又無得飲谷奶野，好沮喪⋯⋯好驚之後好番，但呀仔唔肯再埋身
我睇到以為係我自己
我4月尾生又係今日打針，呀b成日都有肚風，用過所有方法都好似幫佢唔到咁好無助… 成日一擺低D肚風就整到佢唔舒服係咁喊
我又心痛又唔知可以做咩…
食奶我係全埋身，夜晚一餐就俾奶粉想佢試下戒夜奶… 不過就搞到黃疸仲未退，山院後幾日已經照左3日燈滿左月番去照都仲130，過幾日再番去睇如果仲高過100就要去抽血喇 而家基本上個個星期都要去健康院加醫院
我順產因為身體唔吸收線頭，搞到生粒瘡，結果又要番醫院整穿佢，痛到呀媽都唔認得 而家仲未完全好
另外上星期仲發現左呀b痴脷筋，仲去埋醫院做左小手術 呢個月過得好苦呀…
我都係5月頭
星期六滿月呀
我開刀嘅，仲要開刀後宮縮唔好大出血
要全麻做手術同阿女分開左
所以係醫院時一到夜晚就叫醫護幫我照顧阿女
因為傷口我真係冇本事阿女一喊我就理到佢
第一胎啦
又之前完全冇堂上啦
唔知自己上唔上到奶啦
係好彩阿女自己啜得好啦
但完全唔知佢食得飽唔飽啦
當去到健康院話黃疸都仲未知驚
繼續就咁埋身餵
阿女好明顯未飽仲氹佢瞓啦
所以出院一星期再番健康院話要捉入院入箱
我就係醫院間餵奶房攬住個女喊
覺得對佢唔住佢咁
又要俾人拮腳仔抽血
指數去到247，醫生俾次機會我地
當日渡假出院
個晚我地2.5小時就起身整醒佢食奶
真係好難整醒條友食奶
好在第二日一早番醫院再抽血睇指數
跌到去100
可以安心回家
但跟住就日日2-3個鐘就整醒佢食奶
泵得到人奶就食人奶
冇就食羊奶粉
完全唔介意唔係全人奶架
最緊要佢食得飽就得
家下就滿月
開始想戒夜奶
其實佢本身都幾瞓得
但點都要下星期去健康院打第二針同見醫生睇下點先
想試下夜晚大約12-1點個餐餵到盡
等佢盡瞓呀
因為我咁帶阿女走黎走去
所以完全忘記傷口
其實有時太就住就住同太在意
先覺得個開刀傷口痛
我應該個傷口唔自然左2星期左右
好似覺得內部重組緊咁
之後就冇咩特別感覺
不過我都仲會就住唔搬重野
家下不停睇下衛生署嘅片呀
其他人分享呀
希望下星期去打針檢查時話退晒黃啦
我家下真係好明點解話會怕養唔大
我完全唔知自己做到咩咁
只係餵佢呀
抱下佢呀
同佢傾下計呀
安撫下佢呀
日頭有精神時自己解決到
到凌晨瞓到一半半時要照顧佢
真係好癲呀
不過會繼續努力了解佢要咩俾咩佢啦
經過呢一個月
我發覺自己係一個好懶嘅阿媽
我唔會為左全人奶專登起身泵
但我仍然會先同阿女埋身食下
傾陣計先
之後再補奶啦
埋身食真係感情大交流呀
我開刀都未補架
其實上奶野唔係好補架咋
我媽係木瓜、魚湯（要有鱗魚）、花生豬腳幫我上奶
其實最緊要飲得夠湯水/米水呀
我知我一定有上到奶
只係我冇咁多心機咁狂泵狂儲奶
諗諗下人奶都會自我調節俾阿b食嘅
咁唔即時食
儲落都未必最啱佢果下食
我之前仲見有媽媽分享阿b唔食冰奶
泵黎又儲得咁辛苦
真係做晒人奶皂咩
埋到身就盡量埋身啦
我初頭有諗頭過餵人奶到半歲
家下我放棄
我完全想像唔到番左工之後仲要定時定候咁泵奶黎追奶夠佢食
我最多泵黎當甜品就算喇
唔好迫到自己咁癲
我想知點解會發現痴脷筋嘅？
因為佢係w型脷同埋睡覺合唔埋口，而我有親戚係做過醫院，佢睇得出再同我講～ 我地第二日即刻去醫院睇醫生順手做埋手術剪左佢
手術好簡單30秒搞掂
真係好似呀啲狀況如果你想佢快啲退黃就溝多啲奶粉唔好全人奶住，退晒先餵番全人奶啦！
你生瘡，我生肉芽今日醫生話連魚湯都唔飲得我真係好驚有排都無得補身同谷奶⋯⋯個陪月做到月中，分分中佢走我都仲未食到薑醋
我得番幾日俾佢退黃渣 要由130退到100，唔知趕唔趕得切
你好慘呀魚湯都唔飲得，我惡露都未完，有排都未補得 無諗過一個月內可以經歷咁多野… 好想佢快d大
我囝囝都係5月2號，全埋身，唔知佢夠唔夠飲，但都叫做有屎有尿，條片時重時唔重，聽日去健康院磅下先知哩個月黎啲奶奶夠唔夠佢飲，夜晚會補一輪奶粉咁。
阿囝最近要抱住佢先訓到，因為一放佢落床佢就會開始起勢咁谷，谷下谷下會吐返啲奶出黎，試過口鼻都一齊出，又會谷到起勢咁樣”EE er er”抱住佢起碼都叫做我同佢都有得訓。
阿囝第二個星期唔知係咪因爲人奶B多屎屎嘅關係，屁屁位生左尿布疹，揸左藥膏好返好多，但都仲有紅點知今日發現佢
眼位隔離生左位蒼，依家唔知點算，好驚要去醫院放膿食抗生素
至於我，順產，初初復原得唔錯，會陰傷口冇痛冇盛，但上個星期突然發現個子宮好似突左出黎咁，嚇到我第二日即刻去睇醫生，醫生話唔擔心，做多啲運動，等六個星期後複診再睇下點。
最近幾日唔知做乜會陰個傷口開始有啲痛，我懷疑生左兩粒肉芽，仲未約去睇醫生。成個月坐到我，頭頭就懷疑自己唔識做人阿媽，喊過幾次，依家依然都係適應中⋯
5月尾媽媽，第二胎好想餵人奶，但追吾到奶要補粉
我阿b黃疸去到297
醫院比我地返屋企先
尋日努力左一日 希望今日返醫院覆診可以過到關
實得既！祝你同bb順利過關
呢個月就係重復不斷懷疑自己完全唔識做人呀媽，同埋成日想塞番個仔入落個肚到
1個讚
我都好想全人奶泵奶補奶粉洗樽消毒搞完一大輪bb又差唔多醒，完全無位抖
埋身真係release 好多，情緒上好似真係有幫助⋯⋯但係唔夠奶，搞到bb食完半個鐘又餓醒，佢同我都無得訓仲傷
你要小心傷口呀
我都係 仲要係大哭個隻，生完既情緒真係好波動… 好容易人地講一兩句就諗好多野