有冇人好似我咁見乜都買？我有一排瘋狂迷上買美容機。不過次次用一陣又放埋一邊。近排執野，諗住好用既就重新再用。所以啲機都係舊少少model.
我分享我用後感先
Panasonic 蒸面機。一邊蒸面一邊做深層清潔，正！呢個都枕住有用下。
Mia 洗面機
用完真心覺得乾淨D，不過年紀大咗，唔敢日日用。
Panasonic 電眼睫毛機，方便好用(化妝果日就會用)
Panasonic Nano mist - 佢話夏天用嚟降溫，冬天用嚟保濕。其實我唔覺得有咩好處。
Lip Crie - 佢話導出清潔咀唇，發熱幫助保濕。清潔功能係唔錯，發熱果邊用時好舒服，不過用完唔覺咀唇有大改善。
Talika Cream Booster - 佢話可以幫助吸收護膚品有效成分。我當佢按摩棒咁用。
Toktok Pro - 買嚟上Cushion Foundation, 之後冇再用cushion已經打入冷宮。不過最近執野又見到佢，或者會試下用佢上BB cream
Ultrasonic 導出導入。我成日唔記得邊個出定入，用咗幾次，冇再用。
Hada Crie 第二(?)代。用得最多。有導出、micro pat, 導入保濕、同紙面膜導入功能。
勤力用果一排明顯毛孔細咗，皮膚水潤咗。
而家拎返出來，會用到佢死機再換新model
Talika Light Duo - 又係KOL介紹，所以買咗。不過冇成日用，唔知有冇效
Refa Carat 第一代。佢話有微電流。不過你唔會感覺到。用時幾舒服，但冇明顯效果。
Baby Quasar 紅光機。用完係會覺得皮膚平滑咗，飽滿咗同皺紋少咗。不過要枕住用。一唔用就冇效。
Nuface Trinity Mini microcurrent device 微電流美容緊膚儀。用完明顯覺得皮膚緊致咗。不過一樣要keep住用先見效。
呢部壞咗，會換部有冷凍既。
