最近7個幾月準備走佬袋，
搵到某set裝T牌粉紅色大約二百幾蚊嘅走佬袋套裝，但又見到好多媽媽會用唔哂會放啲係carousell，咁其實有咩係必須買，我唔想用剩
我係plan公立醫院順產的，
個Set套裝包括：
1.黏貼產婦巾
即係一般M巾嗎？極長定一般Size呢？
2.扣裝產婦巾我覺得係需要嘅
3.床墊我知醫院有即棄床墊，但我又見到啲媽媽話要自己準備，其實佢哋啲床墊唔係比入院人士用咁係用黎做咩⋯⋯
4.網褲舊底褲著完就丟Ok？我成日好怕紙底褲會著得唔舒服
5.生理沖洗瓶真係有用？
6.乳墊我諗住買其他牌子，或者有冇媽媽用過呢set嘅乳墊係好用
求助
1.黏貼產婦巾
2.扣裝產婦巾
1+2 ：最好睇返醫院要求，醫院嬸嬸只會用醫院要求既產巾
3.床墊: 當年生兩胎都有帶去，其實醫院有提供，當年我整污糟左之後用自己嘅
4.網褲: 醫院要求要網褲呀
5.生理沖洗瓶: 好有用，次次去完廁所都沖沖傷口會快啲好，當年我有拎埋抹手紙，沖完水印干 。到而家我M到都會用佢黎沖洗呀！
6.乳墊: 正常產後留院兩三日未需要用到乳墊啦
當年我所有走佬袋用品都係自己執，冇買套裝呀⋯⋯
題外話，政府生最好跟足佢地要求，記得2年前生細女時隔離床媽媽拎左安心熟睡褲當產巾，嬸嬸話唔得，要佢通知家人去買過拎去醫院！
祝生產順利
多謝詳細解答！
好惡
視乎邊間醫院喎
廣華包床墊
我個走佬袋就係剩呢樣完全冇開過, 而家攞嚟做換片墊 (我嗰個冇包乳墊, 自己有帶但冇用過)
産婦衛生巾就用咗好多, 一包唔夠
產婦巾係勁長勁厚的﹐
我果陣都有個諗法點解唔可以用絲薄果D╴
原來順產真係有墊(厚D) 坐得舒服D；
床墊自備多幾張﹐
醫院未必會幫你換﹐
同埋醫院果D好細張；
普通舊底底 + 產婦M巾﹐
條底底會變得好窄唔舒服；
生理沖洗瓶﹐我當年用普通水樽﹐
即出街去買支水飲果D樽咋。
1+2, 衛生巾因人而異
3.床墊, 我去到醫院，護士問我有無帶，就用我帶果d，用剩咗幾塊比bb 當出街換片墊用
4.網褲, 呢個真係用唔晒…但又真係有必要
5.生理沖洗瓶, 有用
6.乳墊, 醫院到無用過，反而返屋企先有奶，先有用 
我覺得依堆嘢都有人覺得好需要、又有啲人覺得無用，我自己嗰時覺得人一世物一世，咪買嚟用下囉。
1/2: 睇下醫院有冇指定，我自己覺得係厚啲、長啲、闊啲，因為佢厚，如果下面傷口痛，厚啲墊住我覺得好舒服
3: 其實都係睇醫院姐姐點做，醫院一定有，睇下問唔問你拎
4: 我自己覺得好好用，但有啲朋友覺得吉唔舒服
5: 應該係依堆入面最必要嘅嘢
6: 有買，但醫院無用過，係遲啲上奶先用
我係私院開刀，分享少少。
私院包埋，但我帶咗自己墊，我買嘅size大d，舒服d，用剩可以畀bb做隔尿墊，買咗唔會浪費，我都聽公院生嘅frd講係要自備，如果唔係姑娘會鬧。
網褲彈性高好多，初初生完第一下落床會超多惡露，泉湧咁樣，私院d姐姐係將床墊包埋入網褲入面做防漏，舊底褲如果夠彈夠大條都可以嘅。我皮膚幾敏感吓，係用唔到網面m巾嘅人，但我都用到網褲，pat pat冇起粒粒。
開刀冇用過。
6 . 我開完刀第2日已上奶，所以有用乳墊。我係用nuk。後來轉咗用pigeon。 pigeon平d。幾時上奶真係預計唔到㗎，預備定好d，最怕老公唔識買，買錯就激死我都似。
我係屯門生又得喎。勁方便
5我都認同。最緊要。
唔怕麻煩既，可以自己上網慢慢執，有媽媽生完用唔晒
1.黏貼產婦巾
用過，真係好需要，生完既量係勁多，番屋企後期可以轉用M巾
2.扣裝產婦巾
冇用過，不過要睇番醫院要求
3.床墊
醫院果時只提供一張，污糟左就要用自己
4.網褲
可以買1-2包，我自己就預多，因為番屋企坐月都仲著，唔想洗底底
5.生理沖洗瓶
有用呀，順產，去完大/小，沖洗傷口
開刀唔知
6.乳墊
有好多牌子
咁好，我瑪嘉烈生
要跟返公立醫院入院須知嘅要求，如果冇準備，姑娘會叫老公買返去㗎
1.黏貼產婦巾: 順產頭幾日流量好多，一般M巾撐唔住，買長啲厚啲比較好，過幾日視乎情況再換夜用裝或者安睡褲都可以。產婦巾雖然感覺好厚，但對傷口反而係好好嘅保護，坐低時冇咁痛
2.扣裝產婦巾: 公立醫院一般都要求你買，方便阿姐幫你換，到你自己處理到就可以用返黏貼裝
3.床墊: 我有買，38週後夜晚墊住瞓，以免突然穿水整污糟床，帶唔帶入院就視乎醫院要求，我會帶定2張，唔夠再叫老公拎過嚟
4.網褲: 我覺得有必要，一來醫院要求，二來啱啱順產完著底褲會唔舒服，網褲好有彈性同柔軟，我出咗院都繼續再著多幾日
5.生理沖洗瓶: 有用！必須品！每次去完洗手間都要沖沖，保持衛生，以防感染，傷口快啲好
6.乳墊: 乳墊牌子大同小異，如果餵人奶就係必須品，但喺醫院嗰三日應該未至於上奶到漏，帶唔帶都得
漏咗講，我冇買套裝，係自己執嘅，可以因應返自己喜好同須求
咁可能間間唔同。
分享下我私家生既，所以醫院有包～ 但係我自己有少少意見喇～
下下洗就麻煩喇～ 我用完之後有再回購，不過就買番細張d既 我都想咁快上奶呀加油呀～好好享受懷孕最後既時光，儘量訓多d，之後有排都無覺好訓呀
我係真係用得著全部嘢嗰種，咁啱喺醫院第二日下午就上奶所以冇奶墊都幾尷尬…之後仲要不斷買翻產婦巾，我惡露都流咗好耐下 又反復 網褲我一直著到流完惡露 所以套裝對我嚟講都幾經濟
網褲記得買高腰。如果咁不幸要開刀，條褲邊係正開刀個位。
另外我果時仲買左即棄廁所板坐墊。我間唔中會自己入洗手間洗多幾次（D姐姐唔會密密幫你洗）,有個坐墊坐得安心D 