各位多多指教，小女第一次租樓
想知道基本東西如二按一上外
有什麼注意的地方呢？
另外我睇啱嘅盤
業主想在七月尾先遷岀
咁我應該即時簽約嗎？
簽約嗰陣時就交按金租金？
咁點check 樓呢？
唔好意思好多問題，但上網唔知搜尋咩keywords 
業主兩個月後先搬走，中間太多變數，建議你搵過另一間。
同意。
或者你也都要寫低係租約。包括啲電器。傢俬?。漏水。廁所果啲work唔work.窗之類。理論上簽就要俾按金啦。但我覺得不如搵間吉樓租好啲。
如果係買樓賣樓我反而會一早簽，同埋落大定。以前幫我老細做投資，因為試過對方最後賣唔成樓，根據合約賠double.
但係租唔同。如果業主同你講希望最後遲少少先至搬，一係到時搵個第二間，如果你唔肯，根據合約做嘢實行條款，生約之後懷恨在心加你租，麻煩嗰個都係你。
我都建議搵個第二間吉樓。
搵過另一間。
7月尾搬，咁都要業主清吉間屋，執返靚仔少少囉先畀你。
冇可能佢搬你執佢手尾。
執得嚟都8月尾啦。
而家呢個時勢，唔驚搵唔到盤啦。
業主多數係新樓入伙或者等裝修，延誤風險極高，我覺得唔值得搏。
明白 
真係睇定d先，依家d租金跌緊，7月尾可能仲有得跌
業主應該心急過你
我覺得2個月後既事，咁既環境，我唔會租住。因為市況租金係drop緊，反正又未住得，點解要壓住自己d cash.
我亦未試過租未交吉既屋。
租約要寫清楚有咩電器係業主包埋，管理費邊個負責，要寫明有壞有爛點處理，呢d係最煩。以前做法都係業主包埋整呀換新，但近年租屋，都變左share 一半，有d就要租用既負責，當然咁樣亦直接影響租金叫價
原因係同男友有d事需要有自己的工作空間，
而原本各自的屋企都無
(Eg 可以坐著用desktop 的電腦枱都無)
所以都幾心急想搬岀黎
原本係睇緊d 工廈既studio既Around 9000-10000 盤
而家有差不多價值的住宅租盤 所以心急左
睇返大家既經驗原來呢個情況係唔太常見
真係未租過唔知呢
其實過幾個月先都等到既
或者我地再慢慢睇先
Thanks 咁多位