二手樓收樓後有無需要搵驗樓師驗樓, 睇吓有乜嘢要整返好佢呢?
定係搵裝修師傅檢查並維修? 但搵裝修師傅直接檢查好似有啲利益衝突, 佢會唔會提出一啲根本不必要嘅維修項目?
驗樓師收費幾多？
我就只係睇有無滲水咋…
2手樓驗樓無意思
sold ＂as is＂
有問題係簽臨約前提出，收樓後層樓係你嘅，驗黎做乜
咪寫咗話想睇吓有無咩要執/維修, 想裝修嗰時一次個整返好晒佢
呢樣嘢可以同裝修師傅傾
驗樓師唔係咁用㗎
不過你鐘意都無所謂
你樓都收咗搵裝修佬啦，貨比三家，搵多幾個裝修佬睇，如果你間屋真係有問題裝修佬應該識睇，順便可以觀察下佢細唔細心，有冇心幫你做
哦, 咁睇黎即係直接搵裝修師傅睇就得. 我係擔心啲裝修師傅會係唔係都叫你整呢樣整嗰樣, 想做多啲生意
上網搵咗幾間好似大約千幾至二千幾…
你滲水搵邊個睇?
驗樓師係收新樓，出張defect list 比發展商執漏。
二手樓揾驗樓師，驗完defect list 比邊個整？
最後都係自己比錢整，直接揾裝修師傅好過啦。
疑人勿用，信唔過裝修師傅，點解又會信得過驗樓師？
2個讚