計經期8週去照肚皮
但只有約5週大小的胎囊，入面只有卵黃囊，冇其他。
醫生話過一兩星期再照。
我爬文，有機會係遲排卵，bb太細，但又有機會係空包彈。 
超級擔心 
大家有冇試過/聽過啊
有聽過
但唔好諗咁多啦
再過一兩個星期再檢查先啦
謝謝你
都明白係等時間
但呢幾日都不停發夢自己流血，真係好難捱
完全明白！
我嘅故事係，自己check 到有，去book 旺角信和余醫生，當時佢照唔到野，叫我1星期係再照，到一個星期後，佢都照唔到，於是叫我留小便，响診所check 多次，都係positive，然後佢想同我解釋咩叫chemically pregnant…
我落樓之後，喊到豬頭咁，問醫生朋友意見，佢叫我即刻約其他醫生！
我book 到仁安診所，個醫生一睇就睇到胎囊，計埋size，佢話約5週 (但計返轉頭，即係我第一次check小便時，未受孕！)，佢仲話不如驗埋血，睇下有無特別野，結果係一切正常！阿b 依家13歲喇！
其實我兩個小朋友都係科學解釋唔到嘅bb，我自己讀同做生物/醫療嘅，仲要連環醫療事故 (包括姑娘睇錯野，搞到我要緊急開刀！)，但只要bb健康，有驚無險就好，幸福唔係必然，有d人係可以無事無幹就生個b出嚟，我係多受苦嗰d，希望樓主bb健康成長！ 記住遲d考慮去睇第二個醫生！
6個讚
我第一胎都試過遲咗好多先驗到有，但去到照隔肚皮係乜都照唔到，用陰超去照以長度估計就得 5wk 多少少，情況都係差唔多，睇唔到 d 乜嘢，唔洗太擔心，過多3個星期去照就會清楚好多
biological chemical 嘅嘢我都唔熟，然得第一胎果時我 12週做 OSCAR test positive 都一樣喊到豬頭咁，最後抽胎水驗到無事
不過呢去到第二胎時我又嚟多次 OSCAR test positive，呢個時候我諗係我體內的 chemical 唔多正常，所以才會有 positive 的結果
所以講到尾，懷孕的時唔係個個媽媽都會一樣，上網睇又未必同自己個 case 會一樣，無乜必要其實唔好上網睇太多，d 嘢擔心得嚟其實都幾多餘
謝謝你分享咁多俾我知呀
當時一定都又擔心又徬徨
見到你小朋友最後健康岀世我都有返少少希望 
最擔心係照到有胎囊但入面咩都冇 
如果話我只係驗錯左，其實冇懷孕都冇咁傷心
BB黎過但留唔住的感覺真係好難過，可能仲要面對人工流產，老公奶奶又會好失望
明白係個個cases都唔同嘅
又忍唔住爬文了解，想安慰下自己，又俾啲心理準備自己
謝謝你的分享和安慰
我經期一向好準，如果bb而家係5week，真係如你哋所講，科學都解釋唔到(點解遲咁多先排卵，又點解5月頭就清晰驗到)
而家覺街得每個生命誕生都係一個奇蹟
得來不易
想問你哋嗰陣照唔到係連胎囊都照唔到？
定係有胎囊冇胎芽胎心？
暫時不用太擔心, 好大可能係經期唔準,過多一至兩星期再照就見到!
我老婆當時都係8週去照, 但只見到胎囊, 醫生都講到好灰咁, 但過多兩週後再去照就照到, 實際照出黎胎囊只都係得8週
原因只係經期唔準, 我地太早去照先見唔到.
依家個仔就快一歲, 好健康, 所以唔洗咁擔心.
謝謝你的分享，你bb順利健康成長太好了，希望我都可以啦
淨係見到胎囊入面咩都冇嗰下真係嚇呆左
但我經期一向好準27-30日，所以特別擔心
我老婆都以為自己M好準時, 但原來唔係, 放心啦.
同埋如果依段時間都無見紅, 個胎應該就無事, 會繼續成長,
我老婆係依段時間就多休息和食花膠長胎, 你可以參考吓!
最緊要相信自己個Baby, 信念好緊要!
而家抱住50/50的心態去等待
真係好希望好似你哋咁，只係虛驚一場⋯
我都盡量休息同食有益bb嘅嘢，盡最後努力
感謝你的鼓勵呀 
1個讚
首先我當然希望你只係虛驚一場，但我都想分享下我嘅經驗…
我係過來人，上一胎8星期去照係空包彈… 一開頭好唔開心，諗係咪自己食左咩飲左咩所以搞到咁～ 之後上網睇其實原來唔係罕見，可能5個人入面有1個係咁～ 之後做左手術、好好調理身體，半年之後就再有左
而家呀b都好健康咁出左世喇！
個陣醫生話其實可能有好多個原因，可能係粒卵子嘅問題，可能係精子嘅問題，又可能都唔關事係個生長過程出左問題… 一次兩次好平常… 如果呀b出左世之後先發現有問題其實仲麻煩仲唔開心，可能咁諗會好d…
Anyway 希望你再去照會見到呀b
唔好擔心太多～
1個讚
好明白，我都係經期好準，我睇返自己7w多d先去產檢，點知一照肚醫生就搵左勁耐，然後同我講不如照陰照。照陰照就搵到，但胎囊同胎芽都細左成1-2w，醫生話有可能遲排卵，但我自己有check排卵所以我知道係邊日排同受孕。
依家我搵多一個醫生，等多一星期再照睇下有無大
似乎都係好common 
理性上明白，但情感上好難接受啊
你的心態好正面呢 
如果係真，係咪一定要做人工流產架？係咪要入醫院刮宮呀？
我未照陰超呀 都考慮緊去照下
我照肚皮個胎囊有2.2cmx0.9cm 但入面都係睇唔到有胎芽 
希望我哋都大步攬過啦 
當然個陣唔開心左一陣喇，最主要係知道其實都常見就個心放低左重新出發喇
以我所知公立醫院會叫你食藥，但我上網睇過有機會會好痛發冷之後先排到出黎，但亦有機會會排唔到出黎
最後都係要做手術…
另外我個陣私家醫生建議做吸宮（對比刮宮創傷較低），最後我選擇左做吸宮因為唔想痛完一輪仲有組織殘留發炎，又係要做手術攞黎搞
可惜我做手術個陣醫生發現吸唔到部分組織，因為痴得太實，最後個部分都係要刮出黎… 手術完即日出院走得同埋都唔痛晚，亦都坐左2個星期小月，之後睇中醫養好身體就再有左喇
我好希望你只係虛驚一場，但就算唔好彩，我都好想俾你知你並唔孤單
1個讚
真係好多謝你
我知道多啲喇，而家都係見步行步啦 
1個讚